Eremyas 9:1 - Fanawbuid tagsibaliwas Fakayabian

¹ Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Eremyas 9:1 ပူးပေါင်းရင်းမြစ်များ

Alubad. 119:136

Maksvn nu gwayway au, aroro ngay taw wa gfaning am faugali.

Alubad. 42:3

Kayu menit ay yabi abat ngate au gfangon gwayway kway, kadugenya ngay taw glong sa angku te, “Dada wan am Dius?”

Alubad. 55:7

Nanlayug au sa tangayayu fag talun at yud e taw, laman namanwan sanya.

Isayas 16:9

Nu katanya, gwayway au kata ngay taw Aser, aroro e narasras wan ngay tanum wat ubas sis Sibma. Kabalu au ngay taw Kesbun ay taw Elyale aroro we kadungug ya tagfanguroan guseganan aroro wa nke gutluan.

Isayas 22:4

Fabayani wan nu gwayway au, aroro kabalu au ku ngay kaiban at kinbul. Lag am gfasun ya angku.

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 14:17

“Eremyas, nanlong o sa sangay taw te, ‘Kayu menit ay yabi, wa karagang ya nu gwayway au aroro maksvn wan ku ngay taw at ngay bangbang, ku natuyan fia te, ku baguina, ay maksvn wan nu kabalu au anya fagayu.

Eremyas 3:10

Dewa katanya, kanya fagayu nu kafoli sa angku bunwa sas fagdaul at amatanganan, gfalagan way. Au, Yawi, taglong tuy.”

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 5:7

Yawi nalong sa anya fagayu te, “Wain ro ku fagfalyamun ay ngay asalanan? Ay anggan ay ngay sisian natalyuyan wan angku ay nafatuyanan sat yud matuyan fag ngay fagsegan. Nafon koma anggan sa ay ngay sisian at ngay fagayudanun. Dewa katanya, natalyuyan yayam fia angku ay maful am si takamatugtug fag mangena at bale.

Eremyas 6:26

Ku ngay taw, suluni ay ngay lanbung ay dagingani sas wa dafug laman gfalag am te, kabalu am. Abalui maksvn kata ay ngenge tagsesadi nu nbul, aroro ay ngay fawayan masakit nu kadasug laman namawayan antam.

Eremyas 8:18

Sanya ginan, Eremyas nalong te, Wa kafalyam ya ku fakabaluun. Maksvn nu gidapan au gamatangan.

Eremyas 9:18

Ay fasakiti anya fagayu nu kadasug sa ku ngay taw laman nanwayway maksvn.

Takabalu 2:11

Nawayway au ay ku ngay mata anbuksul. Maksvn wan nu gafanawa au ay ku amatanganan kata nu nrapyag, aroro sat kindasug fag faurianan sa ku ngay kaiban. At ngay sisian ay at ngay ngenge anmomuy gina si sangaba dalan.

Esekyel 22:12

Ay tibak taw get famayad laman gfabul, ay tiba gfafamut nu get sat fagfabedanan ay tibak taw anramraman aroro gfangalabian salapi. Kanya fag ngay taw wa gamatang ya angku. Au, Fun Dius Yawi, taglong tuy.

Usea 7:4

Kanya fagayu sik takamabo way fag ngay taw. Ay kata sik tagfatama tinapay at faygangan at yud kalay ya siginan nu gfasigad gluag famabia tinapay yakmay kafag tinapay anbia.