Eremyas 8:9 - Fanawbuid tagsibaliwas Fakayabian

⁹ Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Eremyas 8:9 ပူးပေါင်းရင်းမြစ်များ

2 Fun 17:15

Kanya fagayu wa naylat Yawi at foyungan, ay at nawat fag nasadian sat ngay mangaguyang. Ay kanya fagayu wa nadungugan at ngay famararang, abat ngate nafaning way at yud e masuad fag ngay fagsegan ay anggan kanya fagayu ansik yud yangay e masuad. Kanya fagayu nafaning tagsit ligung fag ngay gaban taw at nafakamulun, Yawi at nalong te, lag gfaning.

Ub 5:12

Kanya nafae yud e masuad takamuag fag ngay taw at algan, laman wa mfasludan at ngay algan.

Ub 5:13

Kanya saful way te, at ke fagsafulun kamasaweun way, ay nasalag way ngay tagfandaya at algan.

Alubad. 19:7

Yawi at suguan matuyan tua. Ay at ngay foyungan mafanud, ay mafon fagsafulun sat yud e fagsafulun.

Isayas 19:11

Tagsis Suan fag fun at ngay fagsuguan wa ban e nasafulan. Ay Igiptu at fun at mamatanganan fag ngay tagfalu gfoyung sik yud e tungkul fag ngay fangatulun. Tain ro nu malong am sas Igiptu at fun te, “Ngay mamatanganan ami fag ngay taw, ay sik ngay fun ami at kasugfunanan”?

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Isayas 43:27

Ebi am ngay mangaguyang anke asalanan sa angku, ay anggan am ngay fun nafamabo angku.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 19:7

“ ‘Nansalag au Uda ay Erusalem at algan. Ay nangagbilug kban at ngay fawayan laman gfabul anya fagayu, ay namaon kban at ngay bilug sa sangay manuk tungud ay sa sangay mangilafang tagsisad araw.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 49:7

Katatuy Yawi at Mabalyanan at longan sabaliwas Edum: “Dada wan at ke fagsafulun sis Teman? O we tagsaful ya gfalu longan?

Eremyas 6:15

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.”

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Esekyel 7:26

Ay umdasug ban sa anya fagayu nusnga setaw fag malimu ay at mauri fag ngay barita. Ay kanya ban fag ngay taw nanginto sa sangay taglong, dewa katanya, wa ban mafabalus at ngay fagintoun. Ay namayfoyung yangay ban sa sangay tagfon fanggalangun ay nanget famalun sa sangay tagfangguna, dewa katanya, wa ban e gfoyung ay we mafalu anya fagayu.

Amus 2:4

Katatuy Yawi at longan sabaliwas Uda: “Ngay taw Uda gfataglayun way gugat nu gasalanan, nu katanya, namaurianan kban anya fagayu. Kanya fagayu nafamabo ku ngay suguan ay wa nafaning ku ngay fangatulun. Ay siginan nu gseg at ngay mangaguyang at ngay fagsegan, kanya fagayu ansik malyaman.

Sakaryas 13:4

“Kanya fag ngay taglong umkapla sat nalong fag ngay taginfan. Ay wa ban gsulun ya taglong at lanbung laman nanfamuagan.

Deuterunumyu 4:6

Faningi fia tuy fag suguan, aroro siginan takatanya mafasure ban am sa sangay talun ay fagsafulun ay ay fagmatogdungugun ay ay fagmayamagun. Kanya ban fagayu nu nadungug takatanya fag fagaloan lumong ban te, “Anud, tuy fag talun at ngay taw at mabalyanan, e fagsafulun tua ay fagmatogdungugun.”

2 Timuteu 3:15

Siginan ngay nu masisian o, saful wo Dius at Longan, tagfae fagsafulun emu sabaliwas fakalangfean siginan am fagafanudun sa tam Fun Isus.