Eremyas 8:8 - Fanawbuid tagsibaliwas Fakayabian

⁸ Setain nu malong am te, e fagsafulun am? O aroro saful wayam Yawi at faugali? At matuyan, ay ngay takamoyung natubus wan Yawi at faugali.

Eremyas 8:8 ပူးပေါင်းရင်းမြစ်များ

Ub 11:12

Madulo way yud e fagsafulun nu nke fagsafulun ay madulo yangay sik asnu talun nu griangan sik taw.

Ub 12:20

Kanya gfaragang at fagfatigwanan fag ngay tagfoyung ay gbul ngay mafagtainan at fagsafulun.

Alubad. 147:19

Yawi nalong at ngay longan ay anggan at ngay faugali sas Akub at ngay kasugfunanan fag ngay taw Israel.

Fangatulun 17:6

Ngay fufu gfae fagusegananun sat fufuama ay sat fufuina, ay kabavn ngay sisian at fakamanagsagun at ngay fagtainan tua.

Isayas 43:27

Ebi am ngay mangaguyang anke asalanan sa angku, ay anggan am ngay fun nafamabo angku.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 19:7

“ ‘Nansalag au Uda ay Erusalem at algan. Ay nangagbilug kban at ngay fawayan laman gfabul anya fagayu, ay namaon kban at ngay bilug sa sangay manuk tungud ay sa sangay mangilafang tagsisad araw.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 48:14

Ngay taw Muab kamatungudun te, at ngay tagfawayan maseganama nu gfawayan.

Usea 8:12

Ngayu ku nafariruk suguan laman at fagnamaningun, dewa katanya, kanya fagayu nu glong, wa sa anya nu gfon au kafag suguan, sa way tibak taw.

Mateu 15:6

Ay nu katanya, gfae yud wam e tungkul Dius at Longan siginan nu gfaning am ay mangaguyang at faugali.

Uan 9:41

Isus gbalus, “Nu dway am glag, wam nangus e asalanan. Ay aroro glong am te, ‘Glag tuami,’ nu katanya, e asalanan yayam.”

Ruma 1:22

Kafag ngay taw glong te, “E fagsafulun ami.” Dewa katanya, kanya fagayu wa mamatanganan.