Eremyas 8:5 - Fanawbuid tagsibaliwas Fakayabian

⁵ Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Eremyas 8:5 ပူးပေါင်းရင်းမြစ်များ

Fangatulun 4:13

Lag o kalyam ku ngay foyungan emu. Fasii tua gugat am amatanganan, aroro nu nafaning tuo, ngaduge tua nu gleleg o.

Isayas 1:20

Dewa katanya, nu gfataglayun way ban am kamabo angku, matuyan kabul ban am. Umfasludan takatatuy, aroro au Yawi taglong tuy.”

Isayas 30:10

Kafag ngay taw nalong sat ngay taglong te, ‘Lag gfoyung ya emi sabaliwas Dius at nalong sa ayu. Lag gfoyung sa emi at matuyan fag ugali. Am fagfoyungun sa emi nusnge wain yakman tagfauseganan emi, ay sik ngay taginfan yakman at yud kafasludan.

Isayas 44:20

Ngay taw takawat takatanya, kata way nu kon dafug. At fagyudun mamatanganan at nafalyam anya, ay takatanya, wa mafafalangfe at sadili. Ay wa kaylat glong te, ‘Ku nawat fag fagsegan bunwa sik dius.’ ”

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Eremyas 3:5

O nunda kadotama yay o gugat emi? Seduge tua ban nu kadotama o emi?’ Dewa am glong takatanya, at matuyan mauri way ay fakamulun.”

Eremyas 5:27

Kanya fag ngay taw at bale mapnu at nafangkamul fag ngay ramraman, kata sik fagubungan manuk tungud at yud e fakasakan ya. Nu katanya, kanya fagayu ansik ngay maramraman, ay ansik ngay mabalyanan.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Eremyas 9:6

Fagayu at fakamulun kamuag way lang, nu katanya, wa kaylat ya gtoglag angku.”

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Usea 11:5

Aroro kanya wa kaylat kafoli sa angku, kaylat way lang nangafoli sas talun Igiptu, ay Asirya ban gagbilug anya.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 13:2

Ay katsi, am fag ngay taw Efraim, gfataglayun yayam gfakamulun takatanya fag asalanan. Kawat am ngay fagsegan siginan ay ngay salapi. Ay dewa katanya, takatanya fagayu taw way at nawat. Ay e glong sabaliwa ayu te, ‘Kanya fagayu gfon taw sat ngay fagsegan riangan baka ay gayuk anya.’

Usea 4:16

Aroro ngay taw Israel kamaogatun at amatanganan, kata sik tumad baka tina at yud magup. Nu katanya, tain ro nu mafaulit au anya fagayu kata sik ngay tupa sas fagnamafangonan?

Sakaryas 7:11

“Ay kanya fagayu wa nadungugan ku longan. Kanya fagayu natalyuyan angku ay wa nafaning.

Uan 5:40

Dewa katanya, wam kaylat nangakbang sa angku laman mul am leleg at yud e fakatabuan kabavn.

1 Tesalunika 5:21

nu bunway insafuli kanya fagayu, ay bakvdi nusnge wain at masine,

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

At Nafasure 2:25

Dewa katanya, bakvdi fia tagsi ayu fag ugali yakmay kban andasug.