Eremyas 8:4 - Fanawbuid tagsibaliwas Fakayabian

⁴ Yawi nalong sa angku te, “Nanlong o sa sangay taw te, ‘O sik taw nu nlub, wa nangalunggung ya? Ay sik taw nu nalyam at dalan, o wa kafoli ya?

Eremyas 8:4 ပူးပေါင်းရင်းမြစ်များ

1 Fun 8:38

ay am ngay taw Israel nu gdarangin tua ay nu get tua gubuk aroro sat fagidapun ay nu gfalugde tua at daluap ste fag bale,

Fangatulun 24:16

Aroro sik taw at matuyan dewa antaygilid fitu ginan, matuyan wan gdog yay kabangkad, ay nusnga setaw fag fagidapun mafataygilid at mauri fag ngay taw.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Eremyas 23:14

Ay nalag kyangay te, sis Erusalem fag ngay taglong at nafakamulun nu mauri aksvn yap tua Samarya at ngay taglong at nafakamulun, aroro kanya fagayu wa matuyan sa angku ay kamuag. Kanya fagayu nafaksvn ngay taw mauri at ngay amatanganan laman gfataglayun gfakamulun at mauri, nu katanya, kanya fag ngay taw wa naubun at ngay fakamulun at mauri. Ngay taw Erusalem nu mauri gsud yay Suduma ay Gumura.”

Eremyas 3:1

Sik mangama nu naiyan wan at bubay ay at bubay nu nanangadadwa wan sa tibak mangama, kafag mangama wa masine ya gbul at bubay, aroro takatanya fag mangena gfasuya fagdaul talun. Nu katanya, am fag ngay taw Israel kata yangay am takamatugtug fag mangena. Kesug am ngayuk fagsegan. Ay takaksvn nya ay nafakamulun at mauri, tain nu manangafoli am sa angku? Au, Yawi, taglong tuy.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 36:3

Ngay taw Uda ro manga gubun tua at ngay ugali at mauri nu nadungug te, gfadasug kban sik faurianan. Ay kanya ban fagayu nu naubun tua at ngay ugali at mauri, gfalyam kban at ngay asalanan.”

Eremyas 4:1

Yawi nalong te, “Israel, nu kaylat tuo fia kafoli sa angku, afolii wan. Nu gubun tuo fia am ngay fagsegan ay nu ddi ban o kasaruayan ya siginan angku,

Esekyel 18:23

Au Yawi kwa guseganan at mauri fag taw nu nbul. Aroro kaylat au kanya nu gubun at asalanan ay nu gfasine at ugali. Ay kaylat kyangay kanya nu gfataglayun gleleg.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Usea 7:10

At ngay fakamabatunun gfatuyan te, kanya ban fagayu nangafaurianan. Dewa katanya, kanya fagayu dewa nafaurianan, ya kafoli ay kakbang sa angku, at Dius Yawi.

Amus 5:2

Israel kata sik baguina at kintaygilid at yud manangalindug ya. Kanya mataygilid way lang sit talun ay we namangkad ya.

Mikas 7:8

Ngay taw Israel glong te, “Lag tam gafalingunan tam ngay fawayan. Ay dewa tam anlub, abangkadi yap fia. Ay dewa tam sad dulum, Yawi wan tam salung.