Eremyas 8:3 - Fanawbuid tagsibaliwas Fakayabian

³ Ay namasaruayan kban sa sangay talun at sawad fag ngay taw tagbanwan sanya fag talun at mauri, ay kanya ban fag ngay taw kaylat wan kabul nu gamut nu gleleg. Au, Yawi at Mabalyanan, taglong tuy.”

Eremyas 8:3 ပူးပေါင်းရင်းမြစ်များ

1 Fun 19:4

Ay kanya nu glao sas talun at yud e taw sadik menit. Kanya natungkud ay namalunggung si sik daga fun kayu, ay nadarangin laman kabul wan. Kanya nalong te, “Yawi, maksvn wan nu gidapan au! Buli wa ku leleg. Kwa ngap e fagsamanun ku ngay mangaguyang.”

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 23:8

Abat ngate, kanya ban fagayu glong way te, ‘Gfatuyanan au sas Yawi, tagleleg fag Dius at nafalfas ngay taw Israel siginan ngay talun sas fawalan fag alvngvdan ay sas fagayu talun nu inda nu gfasaruayan anya fagayu.’ Ay kanya ban fagayu gbanwan wan sit talun.”

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 29:28

Kanya nariruk sa emi stie stalun Babilunya te, glugo yay ban nu ste ami. Ay nalong yangay te, nangawat yaymi sik ngay bale ay nantanum yaymi ay kon em gutluan.’ ”

Eremyas 40:12

Nu katanya, ngay taw Udyu anfoli yay sas Uda siginan at fagsaruayanan fag ngay talun ay nasas Gedalya sas Mispa. Ay nu sanya wan, kanya fagayu nabul ngay rawvg ubas ay tiba yak rawvg.

Eremyas 44:2

Katatuy Yawi, Israel at Dius, at longan: “Nalag wam ku nafadasug fag faurianan sas furuan Erusalem ay sa sangay taw Uda. Ay katsi kanya fag furuan anrasras wan ay we gbanwan ya sanya,

Eremyas 44:6

Nu katanya, nafadasug au sa anya fagayu at maksvn ku fandotaman. Nu kadotama au anya fagayu kata afuy nu girug at ngay furuan tagsis Uda ay Erusalem, ay dasug katsi kanya fag ngay furuan mabaluanan way lang ay marasrasan.

Eremyas 6:9

Yawi at Mabalyanan nalong yay fia te, “At sawad ban fag ngay taw Israel namamin kwan sat ngay fawayan, kata nu grabas taguyan fag rawvg ubas. Kanya fagayu gfalingamanun mandi sas wa don laman we fasawadan fagayu rawvg.”

Daniel 9:7

“Em Fun, matuyan tuo, dewa katanya, dasug katsi tagsi emi fakaplaun way. Anggan ngay taw Uda ay Erusalem, ay anggan fagayu taw Israel am nafarapyagan sa sangay talun at munakbang ay tangayayu aroro nafamabo emu.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Amus 3:1

Ngay taw Israel, Yawi nafalfas ay ngay mangaguyang siginans talun Igiptu. Dungugani at longan sabaliwa ayu:

Unas 4:3

Yawi, fabuli wan angku, aroro kaylat kwan nu gfabul o angku nu gamut nu gleleg au.”

Mikas 2:3

Nu katanya, Yawi glong sa ayu te, “Dungugani! Namaurianan kban ayu ay wa ban am umlangfe, ay wa ban am mafamatungudun ya.

Deuterunumyu 30:1

Nu ndasug ban sa ayu tuy fag ngay famonun ay fag ngay faurianan ku nalong sa ayu, ay nu namatang ban am takatanya fagayu gina ban am si sangay talun nu inda ay Dius Yawi nu gfatabanan ayu,

Deuterunumyu 30:4

Ay Dius Yawi dewa naiyan ayu sa tangayayu fag talun, kanya ban gdog yay gfaful ayu,

At Nafasure 6:16

Ay kafag ngay taw glong sa sangay buksul ay sa sangay gang te, “Atongi sa emi laman ro wami glag tagmalunggung sis faglunggungan, ay laman ro wami lumag Tupa Riangan at fandotaman.

At Nafasure 9:6

Ay kadugenya fag ngay menit, ngay taw grvbvy balyawvtan laman kabul, ay dewa katanya, wa nke balyawvtan. Kafag ngay taw kaylat oma daul kabul, ay dewa katanya, wa kafasludan takatanya sa anya fagayu.