Eremyas 8:22 - Fanawbuid tagsibaliwas Fakayabian

²² O nunda sis Gilyad we famafia ya? O ay sanya we tagfafia ya? Wain ku ngay kaiban at ngay bangbang fagyudun kafia ya?

Eremyas 8:22 ပူးပေါင်းရင်းမြစ်များ

Fakasigadan 37:25

Ay kaduge at ngay kaka gfangon, e nabanawan sik ngay taw Ismael tagfalao tagsiginans talun Gilyad. Kafag ngay taw at ngay kamelyu e buba ngay famaenamnam ay sik ngay lune famafia ay famaebebanglu laman at famaloun sas talun Igiptu.

Fakasigadan 43:11

Ay at mama Israel nalong te, “Nu katanya, kin loi wan. Bubai tiba tungud fag ngay famaloun: ngay famafia, ay deut, ay famaenamnam, ay famaebebanglu, ay kayu at ngay rawvg. Ay suadi kafag ngay famaloun sa ay ngay fagsuadan laman ay fon sas Igiptu at fun sirut.

Eremyas 14:19

Yawi, o matuyan naiyan wo Uda? O anud kauri wo furuan Erusalem? Wain am fagnafauriananun emi takatatuy, ay kata wa nu yud ami e fagsegun ya kafia? Nafanya oma tam fagmanabayanun dewa katanya, we ndasug. Nafanya oma tam fagmafianun, dewa katanya, at kindasug fagmalimuun way.

Eremyas 22:6

Katatuy Yawi at longan sabaliwa Uda at fun at bale: “Masine o, kata Gilyad ay kata tungud buksul Lebanun. Dewa katanya, namakata au emu sik talun at yud e taw, kata sik furuan at yud e gbanwan ya.

Eremyas 46:11

Ngay taw Igiptu, dewa ban am glao sas Gilyad laman nanrvbvy ay famafia, fagayu ban famafia we mafafia ya ayu.

Eremyas 51:8

Masakit talun Babilunya nu karasras! Abalui wan anya! Namafia am at ngay nabasingan, bangaran ban umfia yay.”

Eremyas 6:7

Kanya fagayu nu gfakamulun at mauri, kata sik bulbug nu gfamilugan. Ay takadungug sit furuan fagmauriun way lang. Glag kway gugat ke ngay fakasaitun ay tagabangbang.

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Takabalu 2:13

Furuan Erusalem, nataw ya ku fagmafalongun sa emu? Dada ya nu gfaladlabian au emu? Am ngay natayukan ngabasad wan kata dagat. Sinu ya ban at mafafia emu?

Esekyel 27:17

“ ‘Ngay taw Uda ay ngay taw Israel nanamabangsi yangay sa emu ay kanya fagayu at famayad: trigu tagsiginans furuan Minit, at mafagongan fag rawvg, deut, langis, ay fanrarus fag famafia.

Tap 32:1

Rubin ay Gad at ngay kasugfunanan ngayu at fagbaugun. Ay kanya nu nalag te, furuan Aser ay talun Gilyad masine laman at fagfafangonan,

Lukas 8:43

Ay sanya e sik mangena labi dua wak banwa nu yud karagang nu gfangigusan, ay we taw mafafia anya.