Eremyas 8:2 - Fanawbuid tagsibaliwas Fakayabian

² Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Eremyas 8:2 ပူးပေါင်းရင်းမြစ်များ

2 Fun 17:16

Kanya fagayu natalyuyan Yawi at ngay suguan ay nawat duak fagsegan tumad baka, ay turuk fagtoglagan Asera fag fagsegan. Fagayu taw naseg nusnge wain tagsis banwa ay sas Baal.

2 Fun 21:3

Kanya nafadog yay nafawat ngay bale fagnansegan sa tangabat fag ngay buknga at mama Esekyas at naiklas. Kanya nawat yangay ngay fagirugan laman sas Baal, ay nawat turuk fagtoglagan Asera fag fagsegan mangena, kata Akab, Israel at fun, at nawat. Ay kanya naseg fagayu nusnge wain tagsis banwa.

2 Fun 21:5

Ay kanya nafatungkud kafag ngay fagirugan fanggalangun sis Yawi at bale at duak fagaweanan, laman kanya nanseg fagayu tagsis banwa.

2 Fun 23:5

Kanya naiyan tibak fagsegan at ngay tagfon fanggalangun. Kafag ngay tagfon fanggalangun, Uda at ngay fun at nafili, laman at nangirug famaebebanglu sa sangay bale fagnansegan sa tangabat fag ngay buknga sis talun Uda ay sis furuan Erusalem laman sas Baal, ay sas menit ay sas magdanun ay sa sangay galeme.

Alubad. 53:5

Ay dewa katanya, sik menit ban umdasug say ngay fawayan sik malimu at yud batang nadalan. Dius namarapyag am ngay fawayan at ngay bini. Namapla o anya aroro Dius naiyan anya.

Alubad. 83:10

Kanya fagayu anbul sis furuan Endur, ay at ngay bilug andan ay ansik ngay famataglu fananumun.

Alubad. 83:11

Ay fabuli wan at ngay tagfangguna kata am nafakamulun sas Ureb, ay sas Seeb, ay sas Seba, ay sas Salmuna.

Takamoyung 6:3

Nalong au te, amasine yap tua sik ngenge at kinbul gina kasalug nu gamut sik taw tangaduge nu gleleg ay anke ngenge yay sadik sandan, ay kanya ngap wa nke fagmabayanun ay wa nanamoli ya anya sat masine fag fagfolian.

Eremyas 14:16

Ay e nangukas ban sas furuan Erusalem at ngay dalan at ngay kinbul at nafanud sanya fag ngay taglong. Kanya ban fagayu umbul sas awayan ay sas fanlunus. Wa ban e namoli ya at ngay mangena ay at ngay sisian. Ay namadasug kban sa anya fagayu at kasakan fag faurianan.

Eremyas 16:11

Longi ban sa anya fagayu te, katatuy ku famalus: ‘Nafakamulun au takatatuy aroro ay ngay mangaguyang natalyuyan angku. Kanya fagayu nafaning ay naseg tibak fagsegan. Ay naubun angku ay wa nafaning ku suguan.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 16:6

Kanya ban fagayu nangabul ste fag daga, dewa at maramraman ay at yud e kwa, ay wa ban e namoli ya anya fagayu. Ay wa ban e gfilas ya at sadili ay gfaufo at alfuyu laman gfalag te, kabalu.

Eremyas 19:13

Fagayu bale sis Erusalem anggan fun Uda at bale gtuyan au te, masuya kata Tufet. Aroro sit ngay tungud bale kanya fagayu nairug ngay famaebebanglu laman sat ngay fagsegan fag ngay galeme, ay sanya yangay nu gfon at fanggalangun fag fanginum laman sa tibak ngay fagsegan.’ ”

Eremyas 22:19

Nu namoli ban anya kata way nu gfoli sik asnu at kinbul; nangguyudan ban at bilug ay namaduksun sas Erusalem at sakbawan laman nangukas.

Eremyas 25:33

Ginanya ban fag menit, Yawi gfabul ngayuk taw ay at ngay bilug ban grapyagan sas nusnga nday sas fagdaul daga. Wa ban e kabalu ya ay we kaful ya ay we namoli ya anya fagayu. Gfabayan way lang ban anya fagayu kata sik fagbaugun at ngay kek sis tungud daga.

Eremyas 31:40

Fagdaul datag fagukasan ngay kinbul ay ngay nakaurian ay anggan ngay gamasun tagsis Liskung Kidrun sitsigons sakbawan at nafangayan te, Sakbawan Kabayu tagsis fakamenitan baliwa, sanya fagdaul mafalganan wan laman sa angku. Ay kanya ban fag furuan wa gdog ya karasras ay kaiklas.”

Eremyas 36:30

Nu katanya, katatuy ku longan sabaliwa emu, Yuyakim, Uda at fun: Wa ban o e sugfun ya at nanfunan sas Dabid at fagfagtainanan. E gfabul ban emu ay gukas am bilug ay katimrang sat masugba fag baksak ay gadamugun nu nyabi.

Eremyas 9:20

Eremyas glong sa sangay mangena te, Katsi, dungugani fia Yawi at longan. Ay foyungi ay ngay baguina ay anggan ay ngay iba nu setain nu nanwayway ay nu nangabalu.

Eremyas 9:21

Ay fakabulun nasakbo wan sa tam mesa bale ay anggan sa tangabat fag bale. Ay kanya nafabul tam ngay sisian si sangay dalan anggan tam ngay baguama sis fagaweanan.

Eremyas 9:22

Ay Yawi nalong te, “At ngay mabulan kata sik fagbaugun at kek nangarapyag sa sangay gamasun, ay kata yangay taggutlu at nafamato fag ngay rawvg at yud e namul ya.

Esekyel 29:5

Nangukas kban emu sas talun at yud e taw gasfuan ngay albon, ay matangda way ban o lang sis daga ay wa ban e namul emu laman namoli. Namaon kban emu sa sangay tagfangagat fag ngay mangilafang ay sa sangay manuk tungud.

Esekyel 39:5

Kabul ban am sa sangay gamasun, aroro au, Fun Dius Yawi taglong tuy.

Esekyel 6:5

Ngay taw Israel, nu nbul ban am namarapyagan kban ay ngay bilug sa ay ngay fagsegan at salubangan, ay namarapyagan kyangay ban ay ngay butul say fagirugan at ligung.

Esekyel 8:16

Sanya ginan, kanya nabuba angku sas Yawi at bale at basad alad. Ay sis Yawi at sakbawan bale, sis fagfiangalayan ay sis fagfonan fanggalangun at buknga e malindug duak safulu e limak taw. Ay kafag ngay taw gtalyuyan Yawi at bale ay gsalubang sas fakamenitan, ay grungan gseg menit.

Sefanias 1:17

Yawi nalong te, “Namae fagidapun au ngay taw, ay kanya ban fagayu glao kata sik yud glag, aroro anke asalanan sa angku. Ay at taguk gtaribisan kata mamam, ay at ngay bilug kadan kata ngay nakaurian.

Sefanias 1:5

Namamin kyangay anggan ngay taw tagsas tungud bale laman nanseg menit ay magdanun ay ngay galeme. Namamin kyangay ngay taw takamuagan glong te, ‘Gfaning ami emu,’ ay aroro mangaro gseg way Mulek fag fagsegan.

Fakamulun 7:42

Ay siginan takatanya, Dius natalyuyan anya fagayu ay nafabayan nu gseg ngay galeme. Kata ngay taglong at rirukan te, ‘Ngay taw Israel, gina am sis talun at yud e taw kaduge ufatk safuluk banwa, gfon am fanggalangun, dewa katanya, wa sa angku nu gfon am.

Deuterunumyu 17:3

ay nafamabo way siginan nu gseg tibak fagsegan kata menit, magdanun ay ngay galeme.

Deuterunumyu 4:19

Lag am galo sa tagseg nusnge wain tagsis banwa kata menit, magdanun, ay ngay galeme. Yawi nafasanya kanya fagayu laman sas fagayu tagbanwan sis fagdaul daga.