Eremyas 8:19 - Fanawbuid tagsibaliwas Fakayabian

¹⁹ Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Eremyas 8:19 ပူးပေါင်းရင်းမြစ်များ

Alubad. 135:21

Segi Yawi sis Buksul Siun, aroro kanya gbanwan tua sis furuan Erusalem. Segi Yawi!

Alubad. 137:1

Gina ami sis talun Babilunya, namalunggung ami si sangay liskung at tigyangan ay nawayway, aroro namatang ami Siun fag furuan daul.

Alubad. 146:10

Yawi ban nu gfagtainan, di e fakatabuan. Am fag ngay taw tagbanwan sis furuan Siun, ay Dius Yawi wan, ay kanya yangay ban fagayu ay kasugfunanan at Dius. Segi Yawi!

Alubad. 149:2

Ngay taw Israel, useganani sa ay Takawat, Ay am fag ngay taw tagbanwan sis Siun, useganani sa ay Fun Dius.

Alubad. 31:6

Yawi, gafanud au sa emu. Nu katanya, maksvn nu kauri au ngay taw tagseg at yud e tungkul fag ngay fagsegan.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 13:5

Kanya fagayu siginan tangayayu fag ngay talun. Yawi ay at ngay tagfawayan rumasras fagdaul talun.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 39:3

Ay Isayas fag taglong nalao sas fun Esekyas ay nainto te, “Daginan kanya fag ngay taw ay nataw at algan?” Ay Esekyas nabalus te, “Kanya andasug siginans tangayayu fag talun, siginans Babilunya.”

Isayas 52:1

Furuan Siun, afuloi, alunggungi ay maksvni tua! Ay fasurei am fagmabalyananun, o at yud e malong fag furuan Erusalem, aroro at yud taw Israel, am natuyan te, masuya, wa ban gdog ya gsakbo sa emu.

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 14:19

Yawi, o matuyan naiyan wo Uda? O anud kauri wo furuan Erusalem? Wain am fagnafauriananun emi takatatuy, ay kata wa nu yud ami e fagsegun ya kafia? Nafanya oma tam fagmanabayanun dewa katanya, we ndasug. Nafanya oma tam fagmafianun, dewa katanya, at kindasug fagmalimuun way.

Eremyas 14:9

O kata yangay o sik taw at yud e fagmafakamulunun, ay sik tagfawayan at yud makatu gfalangfe? Yawi, dewa katanya, si tuo gugat emi, ay ami wan am ngay taw, nu katanya, lag o gfabayan emi.”

Eremyas 2:5

Katatuy at longan: “Nataw fag asalanan ay ngay mangaguyang at nalag si angku, at fagnatalyuyanun angku? Kanya fagayu naseg at yud e masuad fag ngay fagsegan, nu katanya, kanya fagayu ansik yud yangay e masuad.

Eremyas 27:10

Kanya fagayu kamuag. Ay nu nafanud way ban am anya fagayu, gatabanan ban am siginan ay fagbanwanan. Gaiyan kban ayu ay kabul ban am.

Eremyas 31:6

Ay sik menit ban, ngay taw tagalaga furuan guro si sangay buksul tagsis Efraim te, ‘Gewan, glo watam sas furuan Erusalem laman nanseg tam Yawi tam Dius.’ ”

Eremyas 32:30

“Au, Yawi, glong au te, siginan ebi, ngay taw Uda ay ngay taw Israel at nafakamulun mauri way. Kanya fagayu nafadotama angku siginan at nafakamulun mauri.

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Eremyas 8:20

Ngay taw nabalus te, “Fanggutluan antabu wan, ay mangune anlangfe wan, dewa katanya, yo nafalangfe emi!”

Eremyas 9:16

Ay namarapyagan au anya fagayu sat fagyudun toglag fag ngay talun, ay anggan at mangaguyang at fagyudun toglag. Ay namadasug kban sa anya fagayu tagfawayan laman namawayan ay namamin.”

Esekyel 48:35

“Nu katanya, fagdaul alad at kabaan siamk libuk sangbada. Ay siginan ginanya fag menit, furuan daul kangayan te, ‘Yawi gbanwan sanya.’ ”

Uel 2:32

Ginanya ban, nusnga sinu fag taw taget gubuk sas Yawi, umlangfe sanya ginan fag faurianan. Aroro Yawi nalong te, umke sawad yay ban ngay taw Israel sis Buksul Siun, at masuad te, Erusalem. Kanya fag ngay taw Yawi at nafili ay at nafalangfe.

Uel 3:21

Namasud kban at nafabul ku ngay taw. Ay namaurianan kban at nafakamulun takatanya. Au Yawi tagbanwan sis Siun.”

Ubadyas 1:17

Dewa katanya, taw Israel ban e kasawad yay sis Buksul Siun, ay kanya ban umsik matuyan fag furuan, ay Akub ban at kasugfunanan gdog yay nangagbilug at daga.

Mikas 4:9

Am fag ngay taw tagbanwan sis furuan Siun, wain ay fagidapanun kata sik mangena nu gafasalugun? Ay sanya yay oma ay ngay fun, ay ay ngay tagfalu longan. Katsi, gidapan am maksvn kata sik mangena nu gafasalugun, ay wa ban glugo ya gubun wam ay furuan ay namanwan ban am sasad araw. Sanya ginan ban, gatabanan am sas talun Babilunya. Dewa katanya, namalangfe kban ayu siginan ay ngay fawayan.

Sefanias 3:15

Yawi wa namaurianan ya ayu, ay kanya ban nangaiyan wan ay ngay fawayan. Yawi wan talun Israel at Fun, ay kanya gufud tua ayu. Nu katanya, di ban am e fakalimuun ya takadasug sa ayu.

Sakaryas 2:9

“Namaurianan au anya fagayu, ay at ngay fagsuguan namawayan anya fagayu ay namul at ngay fagagbilugun. Ay nu nfasludan ban takatanya, sumaful am te, Yawi at Mabalyanan at nasugu angku.”

Fakamulun 14:15

“Wain ay fagfakamulunun takatanya? Ami, taw yangay ami kata ayu. Gfoyung waymi sa ayu at Masine fag Barita laman gubun am ay ngay fagsegan at yud e tungkul ay tumoglag am tagleleg fag Dius at nawat banwa ay daga, dagat ay anggan fagayu tagsanya.

Deuterunumyu 31:17

Ginanya ban fag menit, nangauri au ay nangaiyan anya fagayu, ay gtalyuyan kban laman ban kanya fagayu umkamin. Ngayu ban fag faurianan ay fag fagidapun takadasug, ay kanya ban fagayu ginto te, ‘Ay wain? O nunda Yawi wa gufud ya antam at fagindasugun sa antam takatatuy fag ngay fagidapun?’

At Nafasure 2:1

“Riruki sas tagbarita tagulit ngay tagafanud sis Efesu te, “Tagbitbitan kafag fituk galeme sit siun fag daluap, ay taglao sis wabilug fituk fagfatungkudan salung at mawatan siginans gintu, glong te,