Eremyas 8:14 - Fanawbuid tagsibaliwas Fakayabian

¹⁴ Sanya ginan, kanya fagayu glong te, “Nataw ya tam fagfanyaun? Gewan, glagyu watam sat maaladan fag ngay furuan ay nangabul tam sanya. Aroro Yawi tam Dius namabul wan antam, kata nu gfainum antam at maganga fag mamam, aroro anke asalanan tam sa anya.

Eremyas 8:14 ပူးပေါင်းရင်းမြစ်များ

2 Samwel 20:6

Nu katanya, fun nalong sas Abisay te, “Syeba at fagnamakamulunun sa antam amauri yap tua Absalum at nafakamulun. Nu katanya, tabani ku ngay tagfawayan ay namafalo am anya fagayu gina yay yud nagbilug at maaladan fag ngay furuan daul ay anyayu antam.”

Alubad. 39:2

Nu katanya, namaragangan kway lang, ay kwa naringang ya dewa at masine, ay ankugat way nu gidapan au sa ku amatanganan.

Alubad. 69:21

Ay abat ngate, nafasa ku fakonun sik ganga ay nu ndanum kway, at nafon sa angku at mayat fag sanggvtan.

Isayas 47:5

Yawi nalong te, “Babilunya, nanmalunggung o maragangan sasad dulum. Wa ban e gfangayan ya emu te, ngay fagfagtainanan o at fun fag mangena.

Eremyas 14:20

Yawi, nasaful ami te, anke asalanan ami kata em ngay mangaguyang. Anud, anke asalanan ami sa emu.

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.

Eremyas 23:15

Nu katanya, Yawi at Mabalyanan glong sabaliwa kafag ngay taglong te, “Namaon au sa anya fagayu ngay fakonun at mayat ay namainum au at ke ganga fag ngay fanginum aroro kanya fagayu nafafagdaul fagmauriun sas fagdaul talun.”

Eremyas 3:25

Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”

Eremyas 35:11

Dewa katanya, gina fun Nabukudunusur, Babilunya at fun nanamawayan ste sfuruan, anlimu ami maksvn ngay taw Babilunya ay taw Aram at ngay tagfawayan, nu katanya, ansadi ami te, glagyu wami sas furuan Erusalem. Kanya wan katsi em fagbanwanun iste fag furuan Erusalem.”

Eremyas 9:14

Abat ngate, nafaning way at ngay amatanganan takamaogatun, ay naseg Baal kata at ngay mangaguyang at nafakamulun.”

Eremyas 9:15

Nu katanya, Yawi at Mabalyanan, taw Israel at Dius glong te, “Namaon au sa anya fagayu at mayat fag ngay fakonun, ay namainum au at maganga fag fanginum.

Takabalu 3:19

Kwa magwanta ya at kindasug sa angku fag fagidapun ay fag faurianan.

Lebitiku 10:3

Nu katanya, Muisis nalong sas Arun te, “Katanya Yawi at longan at masuad te, ‘Nusnga sinu fag tagfon fanggalangun at nangakbang sa angku masine nu gsaful te, dakdi e malong, ay masine fagayu taw nu gfauseganan tua angku.’ ” Ay Arun wa naringang.

Amus 6:10

Ay nangirug wan at ngay kalongan. Ay nanginto sat nasuksuan sit bale te, “O e ufud yay o sanya?” Ay nu nabalus te, “Duan,” at nainto glong te, “Lag garingang! Malong o Yawi at ngayan ay mafaurianan antam.”

Abakuk 2:20

Dewa katanya, Yawi gbanwan sit bale at yud e malong. Nu katanya, fagayu taw sas fagdaul daga maragangani sit daga salubangan.”

Sakaryas 2:13

“Fagayu am maragangani sis Yawi at daga salubangan, aroro kanya kadasug siginan at fagbanwanan at yud e malong.”

Mateu 27:34

e nafon sas Isus sik fanlangu at mafasuglatan at mayat, laman gfalay nu ganini. Ay Isus nu nafaskud, wa kaylat ginum.

Deuterunumyu 29:18

Tuyani fia te, nusdi sadi si ayu, dewa mangena ay mangama, anggan ay ngay kalongan, ay fagayu ay gaban, di ban kamabo Yawi, ay di ban nanseg tibak talun at ngay fagsegan, laman ban diam umkata sik lalid at menal ay at maganga.

Deuterunumyu 32:32

Tam ngay fawayan nu mauri kaksvn furuan Suduma ay Gumura at fagmauriun, kanya fagayu kata sik wat ubas at rawvg at mayat ay at malangu.