Eremyas 7:8 - Fanawbuid tagsibaliwas Fakayabian

⁸ “ ‘Amatangani nu nataw ay nafakamulun! Nafanud am at yud e tungkul fag ngay longan.

Eremyas 7:8 ပူးပေါင်းရင်းမြစ်များ

Isayas 28:15

Aroro kamatungudun wayam ay glong te, “E nasadian wami sas fakabulun te, ‘Lag gfabul emi,’ ay e nasadian yangay ami sat ngay kinbul at talun te, ‘Lag gtaban emi sanya.’ Nu katanya, wa ban mi e fagafanawaun dewa umdasug nusnge wain fag faurianan kata sik lugwak, aroro gseg wami em fakamuaganun ay em fagfandayaun te, kanya mafalangfe emi.”

Isayas 30:10

Kafag ngay taw nalong sat ngay taglong te, ‘Lag gfoyung ya emi sabaliwas Dius at nalong sa ayu. Lag gfoyung sa emi at matuyan fag ugali. Am fagfoyungun sa emi nusnge wain yakman tagfauseganan emi, ay sik ngay taginfan yakman at yud kafasludan.

Isayas 59:4

Wam gamatangan ya fagmatuyanun; kamuagan am sa ay iba. Mauri way ay ngay amatanganan anggan ay ngay fakamulun.

Eremyas 13:25

Katanya ban takafasludan sa ayu. Katanya ku fagnamakamulunun sa ayu, aroro nalyam am angku, ay nafanud am sa ay ngay fagsegan.

Eremyas 23:26

Ginain yaban kanya fagayu nu gfaragang nu gfoyung at yud matuyan tagsiginan way at ngay amatanganan?

Eremyas 23:32

Kanya fagayu gfoyung at ngay taginfan at yud matuyan, nu katanya, siginan at fakamuaganun nafalyam ku ngay taw at amatanganan. Kwa nasugu anya fagayu ay kwa yangay nasugu te, aringangi, nu katanya, we fanggubukun sa sangay taw. Au, Yawi, taglong tuy.

Eremyas 28:15

Sanya ginan, Eremyas nalong sas Kananya fag taglong te, “Dungugani! Yawi wa nasugu emu, dewa katanya, tuy fag talun nafanud sam fakamuaganun.

Eremyas 4:10

Sanya ginan, nalong au te, “Yawi, ku Fun, nafamuag o sam ngay taw, aroro ebi nafatuyanan o sa anya fagayu te, manabayan tua ban gugat Erusalem. Ay dewa katanya, katsi fiso tagsumbalian at uyup mafalganan wan laman namabul emi.”

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 7:4

Lag am gafanud ngay taw at longan te, “We kadasug at malimu aroro Yawi at bale si wa antam.”

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.