Eremyas 7:6 - Fanawbuid tagsibaliwas Fakayabian

⁶ ay lag am gfaidapan ya ngay taw tagsiginan tibak talun, ay at yud e ngay fagtainan ya, ay ngay fagbubayun. Lag am gfabul at yud e asalanan ay lag am gseg ya tibak fagsegan tagtaban ayu sas faurianan.

Eremyas 7:6 ပူးပေါင်းရင်းမြစ်များ

2 Fun 21:6

Ay kanya nairug at sisian laman at fanggalangun. Ay kanya nafakamulun kata ngay taginsaful ay tagfangufit, ay nainto sa sangay tagfakamatoan sat ngay kinbul at falad. At ngay fakamulun maksvn nu mauri, ay gfadotama Yawi.

2 Fun 24:4

Manase nafabul ngay taw at yud e kwa ay nafatayuk taguk sas Erusalem, ay Yawi wa nafalyam at asalanan takatanya.

Alubad. 106:38

Kanya fagayu nafasik masuya at talun, siginan nu gfabul at ngay sisian dewa yud e asalanan, laman at fon sa sangay taw Kanaan at ngay fagsegan.

Fangatulun 23:10

Lag o nangagbilug at yud e fagtainan ya fag ngay taw at daga, ay lag gfalin at ngay fatuan.

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Eremyas 13:10

Kanya fag ngay taw at mauri, wa kaylat gfaning ku longan. Kanya fagayu nafaning way at sadili amatanganan ay naseg ngay fagsegan. Nu katanya, kanya ban fagayu umkata kafag famutus fagwan at yud e tungkul ya.

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 2:34

Ay ngay lanbung gatagukun ngay taw at yud e asalanan ay at yud e kwa at taguk. Nafabul am anya fagayu deyud am batang glag nu gsakbo sa ay ngay bale. Ay dewa kaksvn nya ay nafakamulun,

Eremyas 26:15

Dewa katanya, amatangani te, nu nafabul ro am angku, am ay anggan ay ngay taw umke mamalong ro, aroro nafabul am at yud e asalanan fag taw. At matuyan, Yawi nasugu angku laman gfoyung au sa ayu kata ay nadungug.”

Eremyas 26:23

Nu katanya, kanya fagayu nalao sas talun Igiptu ay nataban anya sas fun Yuyakim, ay kanya fagayu nafabul Urya siginans fiso tagsumbalian at uyup, ay naukas at bilug sas fagfolian at yud kadungug fag ngay taw.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 5:28

Kanya fagayu antaglu ay anbitsug, ay maksvn nu gfakamulun at mauri. Ay wa gfon fagmasineun sat yud e fagtainan ya, ay wa kafanyu ya at yud e kwa.

Eremyas 7:5

“ ‘Falyami wan ay ngay ugali ay anggan ay famanwanun at yud matuyan. Ay matuyani tua fia sa ay ngay iba,

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Esekyel 18:6

Kanya di gseg ngay taw Israel at ngay fagsegan, ay wa kon ngay fanggalangun laman sa kafag ngay fagsegan tagsi sangay buksul fag fagnansegan, kanya wa nanugtug tibak taw at mangena, kaugat wan gina gfangigusan fag magdanun.

Esekyel 22:7

Tagbanwan si emu fag ngay taw wa gsuyu ya at ngay fagtainan. Ay tiba gfaidapan ngay taw tagsiginan tibak talun tagbanwan si emu, ay we kafanyu ya ngay fagbubayun ay at yud e ngay fagtainan ya.

Lebitiku 19:33

“Lag am gfauri ngay betaw tagsiginans tibak talun tagbanwan si ayu.

Lebitiku 25:17

Lag gdaya ay iba, abat ngate, alimui tua angku, aroro au wan ay Dius Yawi.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Mateu 27:25

Ay kafag ngay taw nabalus te, “Kin, dewa ami ay em ngay sisian ke asalanan sat fakabulun.”

Mateu 27:4

Ay nalong anya fagayu te, “E asalanan au, aroro nafoyung au sa ayu sik taw at yud e asalanan.” Ay ngay fagtainan nabalus anya te, “Am longan we tungkul sa emi. Nusnga setaw wa am algan.”

Deuterunumyu 11:28

Dewa katanya, nu dway ban am gfaning ay Dius Yawi at ngay suguan ku nafon ayu katsi ay nu nananseg way ban am sa tibak dius ay fagyudun toglag, kanya ban gfaurianan ayu.

Deuterunumyu 24:17

Matuyani nu gfawabilugan am ay ngay betaw ay anggan ngay yud e fagtainan ya. Lag am gbul sik fagbubayun at lanbung laman famanya at famangsi at bedan.

Deuterunumyu 27:19

“Umfaurianan ban nangus sik taw yud ggubuk ngay betaw siginan tangayayu fag talun, ay at yud e fagtainan ya, ay anggan ngay fagbubayun.” Ay fagayu ban taw gbalus te, “Anud!”

Deuterunumyu 8:19

Dewa katanya, katsi gfararang au sa ayu te, nung way ban am nalyam ay Dius Yawi ay nanangalo am ay nanamauseganan sa tibak dius matuyan wan umkamin am.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.