Eremyas 7:5 - Fanawbuid tagsibaliwas Fakayabian

⁵ “ ‘Falyami wan ay ngay ugali ay anggan ay famanwanun at yud matuyan. Ay matuyani tua fia sa ay ngay iba,

Eremyas 7:5 ပူးပေါင်းရင်းမြစ်များ

Isayas 1:19

Nu gfaning tua ban am angku, gfon kban ayu ngayuk gutluan siginan ay daga, laman ay fakonun.

Isayas 16:3

Taw Muab nalong sa sangay taw Uda te, “Falui emi em fakamulun. Gubuki emi kata sik fun kayu nu glanbung swabilug menit. Nalagyu wami siginan em furuan, ay katsi wami e bale ya. Fasuksuani emi ay lag gfoyung te, ‘Ste ami.’

Eremyas 22:15

O nu glong ro wo sik mabalyanan wo fag fun nu nafawat wo am bale at mawatan siginans sidru? Wain am fagyudun gfaning am mama? Kanya at ngay nafakamulun matuyan tua ay masine, nu katanya, am mama nu nabanwan manabayan tua ay di e fagayudanun.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 7:3

“ ‘Yawi at Mabalyanan, Israel at Dius glong te, Falyami wan ay ngay ugali ay anggan ay famanwanun at yud matuyan, laman ban gfabanwan ktua gugat ayu ste fag talun.

Esekyel 18:17

ay di gfakamulun at mauri ay di gfafamut at nafabedan, ay gfaning tua ku ngay suguan ay ku ngay faugali. Kanya ban fag baguama di kabul aroro sat mama at asalanan ay ngaduge tua ban nu gleleg.

Esekyel 18:5

Ay nu e sik taw at fakamulun matuyan tua ay mamatanganan.

Esekyel 18:8

Kanya nu nafaulbus at salapi di gfafamut at famafoli. Ay di gfakamulun at mauri ay saful tua gfawabilugan nu ginsaful.

Lebitiku 25:17

Lag gdaya ay iba, abat ngate, alimui tua angku, aroro au wan ay Dius Yawi.

Sakaryas 7:7

Katanya yangay ku longan ebi sa sangay taglong, gina Erusalem manabayan ay ngayuk taw gbanwan sanya ay gina yangay e ngay furuan sit ligung, talun Negeb ay anggan ngay buksul sas fakayabian baliwa.’ ”

Tagfangguna 21:12

Ay nalag sanya ufatk sandank baguina ay nataban sat fagmafulan sas furuan Silu, sis talun Kanaan.

Tagfangguna 5:1

Gina nababo fag menit, Debura ay Barak, Abinuam at baguama nalubad. Katatuy at alubad: