Eremyas 7:4 - Fanawbuid tagsibaliwas Fakayabian

⁴ Lag am gafanud ngay taw at longan te, “We kadasug at malimu aroro Yawi at bale si wa antam.”

Eremyas 7:4 ပူးပေါင်းရင်းမြစ်များ

1 Fun 9:7

gaiyan kban ngay taw Israel siginan ku nafon anya fag talun, ay gfayud kban e masuad tuy fag bale ku nafasaman laman ay fagnamauseganan angku. Ay fagayu ban taw kase gfalingun ayu fag ngay taw Israel.

Isayas 48:2

Ay glong am te, am wan tagbanwan sit yud e malong fag furuan, ay gafanud am sas Yawi at Mabalyanan, Israel at Dius.”

Isayas 59:4

Wam gamatangan ya fagmatuyanun; kamuagan am sa ay iba. Mauri way ay ngay amatanganan anggan ay ngay fakamulun.

Isayas 66:1

Katatuy Yawi at longan: “Banwa ku faglunggungan, ay fagdaul daga ku fagsiadan. Nu katanya, tain ban ay fagnangawatun fag bale laman sa angku? Ay dada ban fag furuan nu namafiangalay am angku?

Eremyas 28:15

Sanya ginan, Eremyas nalong sas Kananya fag taglong te, “Dungugani! Yawi wa nasugu emu, dewa katanya, tuy fag talun nafanud sam fakamuaganun.

Eremyas 29:23

Umfasludan takatanya sa anya fagayu aroro nafakamulun at maksvn nu mauri sis Israel. Kanya fagayu natugtug at ngay kaiban at ngay bubay ay nalong ku ngayan laman kamuag, deyud au nasugu sa anya fagayu te, fakamuluni. Saful kway at ngay nafakamulun ay nafatuyan au sabaliwa anya fagayu. Au, Yawi, taglong tuy.”

Eremyas 29:31

“Fabubai kanya fag rirukan sas fagayu at natabanan. Ay nanlong o sa anya fagayu te, katatuy ku longan sabaliwa Semaya tagsiginans Nekelam: Kwa nasugu Semaya laman nangaringang sa ayu. Kanya gfaylatan way ayu sat fakamuaganun.

Eremyas 6:14

Kanya fagayu gfutus oma ku ngay taw at bangbang ay wa fia kasalag, nu bunway glong way te, ‘Mabayan waymi!’ Ay aroro mangaro, wa mabayan.

Eremyas 7:14

Nu katanya, nu setain ku nafakamulun sis Silu, katanya yangay ban ku fagnamakamulunun ste fag bale nu inda at fagnamauseganan angku, ay tagfae fagsegun ayu, ku nafon sa ay ngay mangaguyang ay sa ayu.

Esekyel 13:19

Nafauri am angku si ku ngay taw at daga salubangan, dewa way siginan sik alay fag barli ay fag tinapay. Ay siginan ay fakamuagun nalong am te, “Fabuli wan at yud e asalanan ay falangfei at ke ngay asalanan.” Ay ku ngay taw nafanud sa ay foyungan.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Sefanias 3:11

Ay ginanya ban fag menit, am fag ngay taw Erusalem di ban am gafaplan ya siginan ay ngay nafakamulun at mauri sa angku, aroro gaiyan kban siginan ayu ngay takamatungudun ay takamuag. Nu katanya, di ban e kamatungudun ya sa ku nafili fag buksul at yud e malong.

Lukas 3:8

Ugalii at masine laman gfalag am te, naubun wam ay ngay asalanan. Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.