Eremyas 7:34 - Fanawbuid tagsibaliwas Fakayabian

³⁴ Ay ginanya ban gfaragang kwan nu e guseganan sis furuan Erusalem at ngay fagaweanan. Ay si bans Uda wa yangay e kadungug ya at ngay bagu kadadwa nu guseganan, ay kanya ban fag talun umsik mabaluanan.”

Eremyas 7:34 ပူးပေါင်းရင်းမြစ်များ

Ub 3:7

Kwa nangus ansalug ya ginanya fag yabi, satu ro ginanya we nauseganan ya.

Alubad. 78:63

Ay kafag ngay fawayan nairug wan ngay taw Israel at ngay baguama, nu katanya, we famaindugan ya sat ngay baguina.

Isayas 1:7

Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 3:26

Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 16:9

Aroro au, Yawi at Mabalyanan, Israel at Dius, glong au te, ‘Lumag yay ban o nu gfaragang au ste fag talun at ngay taw nu guseganan, dewa at ngay bagu kadadwa nu guseganan.’

Eremyas 22:6

Katatuy Yawi at longan sabaliwa Uda at fun at bale: “Masine o, kata Gilyad ay kata tungud buksul Lebanun. Dewa katanya, namakata au emu sik talun at yud e taw, kata sik furuan at yud e gbanwan ya.

Eremyas 25:10

Ay wa ban am e fagusegananun ya ay e fagfanagsagun. Ay wa ban e kadungug ya at ngay bagu kadadwa nu guseganan. Ay wa ban e glubuk ya trigu ay nu nyabi ban we gfasalung ya salung.

Eremyas 27:17

Lag am gafanud anya fagayu. Fakamuluni laman sas Babilunya at fun laman ban gleleg tuam. Ay wain? O kaylat am tuy fag furuan nu karasras?

Eremyas 33:10

Yawi glong yangay fia te, “Glong am te, mabalu way lang talun Uda ay furuan Erusalem aroro we taw ay we fagbaugun ya tagbanwan sanya. Dewa katanya, sik menit ban gdog yay kadungug sanya fag ngay furuan nu gfanagsag ay nu guseganan.

Eremyas 33:11

Ay gdog yay ban kadungug nu e guseganan sabaliwa at bagu kadadwa ay siginan tagbuba famauseganan fag fanggalangun sas Yawi at bale. Kanya ban fagayu glong te, ‘Guseganan tam sas Yawi at Mabalyanan aroro kanya matuyan. Ay nu kesug di e fakatabuan.’ Anud, ngay taw ban guseganan aroro namafoli kban fagmanabayanun stie fag daga kata ebi taguna. Au, Yawi, taglong tuy.”

Eremyas 4:26

Nalag au sik gamasun tangayu gugat nu grawvg at kinkata sik talun at yud e taw. Siginans Yawi at dotama ngay furuan anrasras.

Eremyas 4:27

Katatuy Yawi at longan te, “Fagdaul talun umrasras, dewa katanya, kya ban fia grasras.

Eremyas 44:6

Nu katanya, nafadasug au sa anya fagayu at maksvn ku fandotaman. Nu kadotama au anya fagayu kata afuy nu girug at ngay furuan tagsis Uda ay Erusalem, ay dasug katsi kanya fag ngay furuan mabaluanan way lang ay marasrasan.

Takabalu 5:14

Ngay fagtainan wa nanmalunggung ya sa sangay sakbawan furuan laman namon famalun, ay at ngay baguama wa namawang ya ngay fagfawangun.

Esekyel 26:13

Gfaragang kban nu galubad am ay nu gfawang am ay ngay fagfawangun ke ngay bakyang.

Esekyel 7:11

Ay at fagmauriun ban umfoli yay sa anya fagayu, laman gfaurianan sat fagmauriun. Wa ban umke sawad nusdi sadik taw, ay fagayu ban at ngay ramraman umkalyam wan.

Usea 2:11

Gfaragang kwan at ngay fagmafulun galay banwa, ay galay fagmafulun sabaliwa Magdanun nu Bagu Kasure, ay galay Famiangalay fag Menit.

Usea 2:13

Gfaurianan au anya aroro kanya nairug ngay famaebebanglu sas Baal fag ngay fagsegan, ay nasulun bauyung ay fanumyu, ay nanangalo at ngay mangama, ay nalyam wan angku. Au, Yawi, taglong tuy.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Mikas 7:13

Fagayu ban talun sas fagdaul daga umsik mabaluanan aroro sa sangay taw at fagmauriun.”

At Nafasure 18:23

Ay salung at damlag wa ban gdog ya gyamag sanya. Ay sanya ban wa batang ya kadungug takadadwa fag mangama ay fag mangena at aringang. Aroro at ngay tagfalao maksvn nu kamatungudun, ay nadaya ngay taw siginan at fagmabaraun.