Eremyas 7:31 - Fanawbuid tagsibaliwas Fakayabian

³¹ Ay kanya fagayu nawat sik fagirugan sis tungud buksul at nafangayan te, Tufet, tagsis datag Ben-Inum. Ay nairug sanya at ngay sisian laman at fanggalangun. Kdoma nasugu sa anya fagayu takatanya, ay kwe algan takatanya.

Eremyas 7:31 ပူးပေါင်းရင်းမြစ်များ

2 Fun 17:17

Kanya fagayu nafadotama Yawi siginan nu girug at ngay sisian laman at fanggalangun, ay nu nangakbang sa sangay taginsaful, ay nu nangasadi sa sangay kinbul at falad ay nu gfalao at ngay sadili laman mafakamulun at mauri.

2 Fun 23:10

Fun Usyas nasugu yangay laman giklas fagnansegan sis Tufet, sis datag Ben-Inum, laman we namon ya at ngay sisian laman at fanggalangun sas Mulek.

2 Fun 23:20

Ay kanya nafabul fagayu tagfon fanggalangun tagfakamulun sanya fag ngay bale fagnansegan si tangabat fag ngay buknga, ay nairug at ngay bini. Sanya ginan, kanya noli wan sas Erusalem.

2 Krunika 28:3

Ay kanya girug gugat at ngay famaebebanglu fag lune sis datag Ben-Inum, ay girug yangay at ngay baguama laman at fanggalangun. Kanya nafaning tibak gaban taw at maksvn nu mauri, Yawi at naiyan siginan sangay taw Israel.

2 Krunika 33:6

Ay sis datag Ben-Inum, kanya nairug at ngay sisian laman at fanggalangun. Ay kanya nafakamulun kata ngay taginsaful ay tagfangufit, ay nainto sa sangay tagfakamatoan sat ngay kinbul at falad. At ngay fakamulun maksvn nu mauri, ay gfadotama Yawi.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 57:5

Ay gseg am ngay fagsegan gina am gtaladan si sangay fun kayu at marabung at lanbung, ay natuyan te, yud e malong. Ay gfon am ay ngay sisian laman ay fanggalangun si sangay fagfamiluganan mamam sis tigyangan buksul.

Eremyas 19:2

ay loi sas datag Ben-Inum munakbang sis Fagukasan ngay Tikung at Marufan fag sakbawan. Ay nu ndasug ro am sanya, longi ro sa anya fagayu ku ngay nalong emu.

Eremyas 2:23

Setain nu malong am te, ‘Wami masuya ay wami gseg Baal?’ Amatangani nu se aksvn nu mauri ay ngay nafakamulun sis datag Inum ay tiba yak asalanan ay nafakamulun. Kata am sik kamelyu tina tagrvbvy at tama.

Eremyas 32:34

Kanya fagayu nafasuya ku bale nu inda at fagnamauseganan angku. Ay nafasakbo sanya tibak fagsegan at maksvn nu mauri.

Eremyas 32:35

Kanya fagayu nawat sik bale laman at fagnansegan Baal sis datag Ben-Inum ay sanya yangay nu namon at ngay sisian sas Mulek fag fagsegan. Kwa nasugu sa anya fagayu takatanya, ay kwa yangay e algan te, kanya fagayu gfakamulun takatanya fag fagmauriun at nafae asalanan ngay taw Uda.”

Esekyel 16:20

“ ‘Nafon yangay o anggan ta ngay sisian sa kafag ngay fagsegan laman am fanggalangun, ay laman kanya fagayu at fakonun. O nunda yo guseganan am nafagbilugan am sadili sanya fag ngay fagsegan?

Esekyel 20:26

Nafabayan kwan kafag ngay taw nu gfauri at ngay sadili siginan nu gfon ngay fanggalangun sat ngay fagsegan. Ay nafabayan kyangay nu gfon at ngay baguama tiba kaka laman at fanggalangun. Nafabayan au kanya fagayu nu gfakamulun takatanya laman kanya fagayu garinun kalimu ay sumaful te, au Yawi.

Esekyel 20:31

Siginan nu gfon am ay fanggalangun sa sangay fagsegan anggan nu gfon am ay ngay sisian tiba kaka laman ay fanggalangun, nafauri am ay ngay sadili. Nu katanya, au, Fun Dius Yawi, gfatuyanan au te, kafanud nu gleleg au, kwa ban gfoyung sa ayu at matuyan fag longan, dewa am get angku.

Lebitiku 18:21

“Lag gfon am sisian laman am fanggalangun sas Mulek fag fagsegan, aroro takatanya sik maksvn fag fakaplaun sa angku am Dius. Au Yawi.

Mikas 6:7

O Yawi ro guseganan nu nafon au sa anya ngayuk tupa ay langis? O ay namon kro sa anya ku ngay sisian at kaka laman famayad ku ngay asalanan?”

Deuterunumyu 12:31

Nu gfauseganan am ay Dius Yawi, dangay kata kanya fag ngay taw nu gseg at ngay fagsegan, aroro kanya fag ngay taw nu gseg, gfakamulun way nusnga setaw at mauri, Yawi at fakauriun. Kanya fagayu girug yangay at ngay sisian laman at fon sat ngay fagsegan.

Deuterunumyu 17:3

ay nafamabo way siginan nu gseg tibak fagsegan kata menit, magdanun ay ngay galeme.

Deuterunumyu 18:10

Nusdi sadi si ayu lag girug at sisian laman at fanggalangun. Ay lag yangay gfangabalo, ay lag am gfangalga, ay lag am gbalawvn,

Uswe 15:8

Sanya ginan, gtaglayun sas datag Ben-Inum yakmay andasug sas fasiunan fag alvngvdan si sangay taw Ebus at furuan daul fag buksul. (At ngayan katsi, Erusalem.) Sanya ginan, gundaud sas tungud buksul sas fakayabian baliwa datag Ben-Inum yakmay andasug sas taba datag Refaim at fawalan fag alvngvdan.