Eremyas 7:30 - Fanawbuid tagsibaliwas Fakayabian

³⁰ Yawi nalong te, “Ngay taw Uda nafakamulun at mauri. Ay kanya fagayu nafasakbo at masuya fag ngay fagsegan sa ku bale nu inda at fagnamauseganan angku, nu katanya, ansik masuya.

Eremyas 7:30 ပူးပေါင်းရင်းမြစ်များ

2 Fun 21:3

Kanya nafadog yay nafawat ngay bale fagnansegan sa tangabat fag ngay buknga at mama Esekyas at naiklas. Kanya nawat yangay ngay fagirugan laman sas Baal, ay nawat turuk fagtoglagan Asera fag fagsegan mangena, kata Akab, Israel at fun, at nawat. Ay kanya naseg fagayu nusnge wain tagsis banwa.

2 Fun 21:4

Ay nawat yangay ngay fagirugan fanggalangun sis Yawi at bale, ay Yawi nalong sabaliwa at bale te, “Sis Erusalem e gfauseganan tua ban angku kabavn.”

2 Fun 21:7

Ay kanya nafasakbo sas Yawi at bale at nafawat fag turuk fagtoglagan Asera fag fagsegan, nu inda Yawi at nalong sas Dabid ay sat baguama Sulumun te, “Ste si ku bale ay sis Erusalem, ku nafili laman sas fagayu taw Israel at ngay kasugfunanan, at fagnamauseganan angku kabavn.

2 Fun 23:12

Usyas nasugu laman giklas Uda at ngay fun at nafawat fag ngay fagirugan sis Akas at tungud bale, ay Manase at nafawat fag ngay fagirugan sis Yawi at bale at duak fagaweanan, ay kanya narufa wan kafag ngay fagirugan ay naukas sas Liskung Kidrun.

2 Krunika 33:15

Ay kanya nafaduksun siginans Yawi at bale at nafawat fag ngay fagsegan ay anggan tibak talun at ngay fagsegan, ay nabul yangay fagayu fagirugan at nafawat sis Yawi at bale fag buksul ay sis Erusalem, ay naukas sas day furuan.

2 Krunika 33:3

Kanya nafadog yay nafawat ngay bale fagnansegan sa tangabat fag ngay buknga at mama Esekyas at naiklas. Kanya nawat yangay ngay fagirugan laman sas Baal, ay nawat turuk fagtoglagan Asera fag fagsegan mangena. Ay kanya naseg fagayu nusnge wain tagsis banwa.

2 Krunika 33:7

Ay kanya nafasakbo sas Dius at bale at nafawat fag fagsegan, nu inda Dius at nalong sas Dabid ay sat baguama Sulumun te, “Ste si ku bale ay sis Erusalem, ku nafili laman sas fagayu taw Israel at ngay kasugfunanan at fagnamauseganan angku kabavn.

Isayas 66:4

Ay nustua, namadasug kban sa anya fagayu ku faurianan at maksvn, tagfae fakalimuun ban maksvn anya fagayu. Aroro ebi gina au guro ayu, wam nabalus angku, ay gina au garingang, wam nadungugan. Kanya fagayu nafakamulun at mauri si ku daga salubangan, ay nafakamulun ku fagyudun kaylat fag ngay fakamulun.”

Eremyas 16:18

Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Eremyas 23:11

“Ngay tagfon fanggalangun kata yangay sik ngay taglong; kanya fagayu nafakamulun at mauri dewa si ku bale.

Eremyas 32:34

Kanya fagayu nafasuya ku bale nu inda at fagnamauseganan angku. Ay nafasakbo sanya tibak fagsegan at maksvn nu mauri.

Eremyas 32:35

Kanya fagayu nawat sik bale laman at fagnansegan Baal sis datag Ben-Inum ay sanya yangay nu namon at ngay sisian sas Mulek fag fagsegan. Kwa nasugu sa anya fagayu takatanya, ay kwa yangay e algan te, kanya fagayu gfakamulun takatanya fag fagmauriun at nafae asalanan ngay taw Uda.”

Esekyel 7:20

Kanya fagayu kamanagsag at ngay famasine at mabyat nu kabayad laman at fangawat at ngay fagsegan at maksvn nu mauri. Nu katanya, namasik masuya kwan at ngay fagagbilugun fag ngay ramraman.

Esekyel 8:3

Kanya nafalugde takata sik take ay nated ku buk. Sanya ginan, siginan sik taginfan, Dius at Falad nafabat angku sas kiwang ay nabuba sas furuan Erusalem, sabaliwas fawalan fag sakbawan alad sas Dius at bale, nu inda Dius at fakauriun fag fagsegan nu mafolian.

Daniel 11:31

“Ay tagsis fawalan ban fag fun gsugu sat ngay tagfawayan laman gfauri Yawi at bale at maaladan. Kanya namaragang nu gfon fanggalangun ay namasakbo sas Yawi at bale at mauri fag fagagbilugun laman gfayud e masuad Yawi at bale.

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”