Eremyas 7:3 - Fanawbuid tagsibaliwas Fakayabian

³ “ ‘Yawi at Mabalyanan, Israel at Dius glong te, Falyami wan ay ngay ugali ay anggan ay famanwanun at yud matuyan, laman ban gfabanwan ktua gugat ayu ste fag talun.

Eremyas 7:3 ပူးပေါင်းရင်းမြစ်များ

2 Fun 17:13

Yawi nasugu at ngay taglong laman namararang sa sangay taw Israel ay sa sangay taw Uda te, “Faragangi wan nu gfakamulun am at mauri, ay faningi ku ngay suguan ay ku ngay foyungan tagsi ku Faugali ku nafoyung sa ay ngay mangaguyang, ku nafon sa ayu siginan ku ngay fagsuguan fag ngay taglong.”

Esra 10:11

Katsi, foyungi ay ngay asalanan sas Yawi, ay mangaguyang at Dius, ay fakamuluni at fakaylatun. Ay asamani wan siginan ay ligung fag ngay taw, ay saruayani wan siginan ay ngay mesa bubay tagsiginan tibak talun.”

Fangatulun 28:13

Nu dway o naubun am ngay asalanan, wa ban manabayan nu gbanwan o, dewa katanya, nu nafoyung tuo ay naubun am ngay asalanan, Dius gfalyam.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Eremyas 17:25

gfon kban sa ayu at masine. Ay e gfunan tua ban gugat ayu sis Erusalem siginans fun Dabid at kasugfunanan. Kanya ban fag ngay fun ay at ngay tagfangguna nangadgaloan gsakay sis faguyudan fangawayan ay si sangay kabayu, gadgaloan ngay taw Uda ay ngay taw Erusalem. Ay e gbanwan tua ban gugat sis Erusalem.

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 18:8

ay kanya ro nu nafaragang tua nu gfakamulun at mauri, kdi ro gfafasludan ku algan sa anya fagayu.

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 35:16

Yeunadab at ngay kasugfunanan, Rekab at ngay baguama, nafaning tua at ngay suguan. Dewa katanya, am wam nafaning angku.’

Eremyas 4:1

Yawi nalong te, “Israel, nu kaylat tuo fia kafoli sa angku, afolii wan. Nu gubun tuo fia am ngay fagsegan ay nu ddi ban o kasaruayan ya siginan angku,

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Santiagu 4:8

Akbangi sas Dius, ay Dius nangakbang yangay ayu. Am fag ngay tagasalanan, fegusi ay daluap. Ay anggan am fag ngay tagawabilugan, fasinei ay amatanganan.