Eremyas 7:28 - Fanawbuid tagsibaliwas Fakayabian

²⁸ Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Eremyas 7:28 ပူးပေါင်းရင်းမြစ်များ

Alubad. 12:2

Kanya fagayu kamuagan way sat ngay faduksay, ay gfantabugan way laman gdaya at iba.

Alubad. 50:17

Nafae yud am e masuad ku ngay foyungan, ay wam nafaning ku ngay longan.

Fangatulun 1:7

Nu kaylat o kae fagsafulun, suyui tua Yawi. Ay dewa katanya, sat yud e fagsafulun, we fanambagun sa anya fagsafulun ay wa yangay kaylat gafoyungan laman at ugali umsine.

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Eremyas 11:10

Kanya fagayu nafakamulun at mauri kata at ngay mangaguyang at nafakamulun, ay ankuri ku longan ay naseg tibak fagsegan. Ngay taw Erusalem ay taw Uda wa nafaning em nasadian.

Eremyas 17:23

dewa katanya, kanya fagayu wa nadungugan angku. Kanya fagayu kamaogatun at ngay amatanganan! Ay wa kaylat ku ngay foyungan.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 32:33

Kanya fagayu anyayu siginan angku dewa au gfoyung gugat sa anya fagayu. Ay kanya fagayu wa kaylat ay wa gdungugan at matuyan.

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Eremyas 6:28

Kanya fagayu kamabo ay kamaogatun, katugas sik ngay tansu ay sanbung fia. Ay kamalingun ay gfandaya at ngay iba.

Eremyas 6:8

Ngay taw tagbanwan sis Erusalem, kanya sik famararang sa ayu, ay nu dway am kaylat gdungugan, nangayayu au siginan ayu, ay ay talun umsik mabaluanan at yud e gbanwan ya.”

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Sefanias 3:2

Dewa e gfoyung anya, wa kaylat gdungugan ay wa gafanud ay wa nangakbang sas Dius Yawi.

Sefanias 3:7

Nu glong kro nu nafakamulun ktua takatanya, ku ngay taw gsuyu tua angku, ay kaylat tua nu gatul au anya, laman at furuan di kaiklas kata ku nafalganan. Ay abat ngate mangaro, ku ngay taw kaksvn way nu gfakamulun at mauri.