Eremyas 7:26 - Fanawbuid tagsibaliwas Fakayabian

²⁶ Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Eremyas 7:26 ပူးပေါင်းရင်းမြစ်များ

1 Fun 14:22

Ngay taw Uda nafakamulun at mauri sis Yawi at daga salubangan. Siginan kafag ngay taw at asalanan, Yawi maksvn nu kadotama anya fagayu, gtungud yay nu kadotama at ngay mangaguyang.

1 Fun 14:9

O, anke asalanan o gtungud yay fagayu fun at naguna emu at asalanan. Nafadotama o angku siginan nu gfawat o tibak fagsegan at mawatan siginans sanbung. Natalyuyan wo angku.

2 Fun 17:14

Dewa katanya, kanya fagayu wa nafandungug. Kamaogatun way at ngay amatanganan kata at ngay mangaguyang at yud gafanud sat Dius Yawi.

2 Fun 17:15

Kanya fagayu wa naylat Yawi at foyungan, ay at nawat fag nasadian sat ngay mangaguyang. Ay kanya fagayu wa nadungugan at ngay famararang, abat ngate nafaning way at yud e masuad fag ngay fagsegan ay anggan kanya fagayu ansik yud yangay e masuad. Kanya fagayu nafaning tagsit ligung fag ngay gaban taw at nafakamulun, Yawi at nalong te, lag gfaning.

2 Krunika 30:8

Nu katanya, lag am kamaogatun ay ngay amatanganan, kata ay ngay mangaguyang, nu bunway faningi tua Yawi. Nangaful am sas Dius at nafili fag bale, ay namakamulun am sa ay Dius Yawi, laman kanya gfalyam wan nu kadotama ayu maksvn.

2 Krunika 33:10

Yawi dewa nafararang sas Manase ay sat ngay taw, kanya fagayu wa nafandungug anya.

2 Krunika 33:23

Ay kanya wa nafaning at mama at nafamababaun sas Yawi. Sarokta kanya nafamut yay at asalanan.

Nemyas 9:29

Ay nalong o sa anya fagayu te, Lag kalyam ngay faugali. Dewa katanya, kanya fagayu kamatungudun way gugat ay wa nafaning am ngay suguan. Ay wa yangay nafaning am ngay suguan tagfon leleg. Ay kanya fagayu nafamabo ay natalyuyan emu ay wa kaylat gdungugan.

Fangatulun 29:1

Sik taw at yud gfabali at ugali dewa e gsalag, umfaurianan ay wa mlangfe.

Isayas 48:4

Nasaful au te, maksvn nu yud am gfaning angku. Ay liug nu matugas kata sik sanbung, ay ay dangasan nu matugas kata sik tansu.

Isayas 5:4

Nataw ya ku fagnamakamulunun ku nayud nafakamulun? Aroro ku fagsegun ku tanuman at rawvg matamis tua, ay aroro mangaro mayat way. Wain fakatanyaun?

Eremyas 11:8

Dewa katanya, kanya fagayu wa nadungugan ay wa nsalag ku nalong. Abat ngate, nafaning way at fakamaogatunun ay at fagmauriun. Ay nalong au sa anya fagayu te, faningi tua tam nasadian. Dewa katanya, kanya fagayu wa nafaning. Nu katanya, nafadasug au sa anya fagayu faurianan kata at marirukan sis nasadian.’ ”

Eremyas 16:12

Ay fagmauriun aksvn yap tua ay ngay mangaguyang at fagmauriun. Fagayu am nafaning am ay fagmauriun ay ay ngay amatanganan takamaogatun, abat ngate am nafaning angku.

Eremyas 17:23

dewa katanya, kanya fagayu wa nadungugan angku. Kanya fagayu kamaogatun at ngay amatanganan! Ay wa kaylat ku ngay foyungan.

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 22:21

Nafararang kwan sa ayu ebi gina yayam manabayan, dewa katanya, wam nafandungug. Katanya wan ay ugali siginan nu mabaguama am, wam gfaning angku.

Eremyas 25:3

“Kaduge duak safulu e tuluk banwa, siginans falabi tuluk banwa Usyas, Amun at baguama, nu gfunan sis Uda, dasug katsi, Yawi gfoyung wa gugat sa angku at longan. Ay gfoyung koma gugat ayu, dewa katanya, wam kaylat gdungugan.

Eremyas 25:7

“Dewa katanya, wam nadungugan Yawi. Abat ngate, nafaksvn wayam nu gfadotama am anya siginan ay nawat fag ngay fagsegan. Nu katanya, am wan at nafadasug sa ayu tuy fag faurianan.

Eremyas 26:5

ay nu dway ban am gafanud ku fagsuguan fag ngay taglong ku fagsuguun gugat sa ayu, at ngay foyungan,

Eremyas 29:19

Aroro kabavn kanya fagayu wa gdungugan ku ngay longan siginan ku ngay fagsuguan fag ngay taglong. Ay anggan am at natabanan wam nafandungug.”

Eremyas 3:13

Longi way lang te, “Nafamabo ami emu, Yawi em Dius, ay nafaning ami tibak fagsegan siginan nu naseg ami si sangay fun kayu at marabung at lanbung.” Ay longi yangay te, “Wami nafaning emu.” Au, Yawi, taglong tuy.’ ”

Eremyas 32:23

Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Eremyas 34:14

‘Galay ban sis fafituk banwa, masine nu gfalfas am ay kaiban fag ngay taw Udyu at nafabayad sa ayu laman ay fagsuguan. Masine nu gfalfas am anya nu ntabu gfakamulun sa ayu kaduge unumk banwa.’ Dewa katanya, ay ngay mangaguyang wa nafaning ku longan.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 35:17

“Nu katanya, au, Yawi at Mabalyanan, Israel at Dius, glong au te, dungugani! Am tagbanwan sis Uda ay sis furuan Erusalem, namadasug kban sa ayu ku nalong fag faurianan. Nafakamatoan koma fia ayu ay wam gdungugan, ay nauro koma ayu, ay wam nabalus.”

Eremyas 44:16

“Wami gafanud am ngay nalong sa emi sas Yawi at ngayan!

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 6:10

Ay nainto au sas Yawi te, “Sinu ro ku fagnamararangan? Ay sinu yaro takaylat gdungugan angku? Ay kanya fag ngay taw nataup wan at ngay talinga laman wa gdungug angku. Ay kanya fagayu maksvn nu kauri am longan, ay wa kaylat gdungugan.

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 9:13

Yawi gbalus te, “Anfasludan takatanya aroro kanya fagayu wa nafaning ku nafon fag ngay suguan.

Esekyel 12:2

“Taw at baguama, namanwan o sa sangay taw takamabo. Kanya fagayu e mata oma, dewa katanya, wa glag, ay e talinga oma, dewa katanya, wa gdungug, aroro kanya fagayu sik ngay takamabo way.

Esekyel 12:3

Nu katanya, namalganan o am ngay famubaun ay namaning o kata nu gatabanan o. Ay loi sa tibak furuan, ay nu glao o, si yakman swa menit, laman kafag ngay taw glag emu. Tiba ginan ro, kanya fagayu nu nalag takatanya am fakamulun, sumaful te, sik takamabo way.

Esekyel 20:30

“Katsi, nanlong o sa sangay taw Israel te, ‘Au, Fun Dius Yawi, glong au te, o namauri yangay am ay ngay sadili kata ay ngay mangaguyang at fakamulun? O ay nanseg yangay am sat ngay fagsegan at maksvn nu mauri?

Daniel 9:6

Wami nadungugan am ngay fagsuguan fag ngay taglong am nasugu laman namakamatoan em ngay fun, em ngay tagfangguna, em ngay mangaguyang, ay fagayu taw Israel.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Sakaryas 7:11

“Ay kanya fagayu wa nadungugan ku longan. Kanya fagayu natalyuyan angku ay wa nafaning.

Malakyas 3:7

Dewa katanya, kata wayam ay ngay mangaguyang; wam nafaning ku ngay faugali. Ay katsi, afolii wan sa angku laman kafoli kyangay sa ayu. “Dewa katanya, ginto am sa angku te, ‘Setain ya ro nu nangafoli ami sa emu?’

Mateu 21:38

“Dewa katanya kanya fag ngay tagalaga nu nalag kafag baguama, gkamatoan te, ‘Kadasug wan at nangagbilug ban at mama at daga. Bastam, namabul tam anya, ay gagbilug ban tam at daga.’

Mateu 23:32

Nu katanya, fatabui wan ay ngay mangaguyang at nafasigad!

Fakamulun 7:51

Sanya ginan, Esteban nalong te, “Kamaogatun am ay amatanganan! Ay wam kaylat gdungugan ay gfaning Dius at foyungan. Nu setain ay mangaguyang at fakamulun, katanya yangay ay fakamulun. Ay gfauri am gugat at Masine fag Falad.

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Deuterunumyu 8:20

Nu dway ban am gfaning ay Dius Yawi, kanya ban gfaurianan ayu kata nu nafaurianan ngay talun at ngay taw si ay daga salubangan.