Eremyas 7:25 - Fanawbuid tagsibaliwas Fakayabian

²⁵ Siginan ay ngay mangaguyang nu glao siginans talun Igiptu dasug katsi, gfataglayun kyay oma gugat gsugu ku ngay fagsuguan fag ngay taglong sa ayu.

Eremyas 7:25 ပူးပေါင်းရင်းမြစ်များ

2 Krunika 24:19

Ay Yawi nasugu sa anya fagayu sik ngay taglong laman gfafoli sa anya. Ay kanya fag ngay taglong dewa nafoyung, wa kaylat gdungugan.

2 Krunika 36:15

Yawi, kafag ngay taw at mangaguyang at Dius, gfakamatoan gugat anya fagayu, siginan at ngay taglong, aroro kanya kafanyu at bale ay kafag ngay taw.

Esra 9:7

Gfasigad siginan em ngay mangaguyang dasug katsi, maksvn em ngay asalanan. Ay aroro gasalanan way mi anggan em ngay fun anggan tagfon fanggalangun, nagbilugan ami tibak talun at fun. Kanya fagayu nafabul tiba si emi, ay tiba natabanan, ay tiba nabulan at ramraman ay nafaplan, kata at kinfasludan sa emi katsi.

Nemyas 9:26

“Dewa katanya, kanya fagayu kamabo yay gugat ay gasalanan sa emu. Ay natalyuyan am ngay suguan, ay nafabul am ngay taglong takaylat kafoli sa emu, ay maksvn nu kauri emu.

Nemyas 9:30

Dewa katanya, aroro mafangesug tuo, nagwantan tuo ngayuk banwa, ay am Falad nafoyung anya siginan am ngay taglong. Dewa katanya, kanya fagayu wa gfaning, ay nafabayan wo anya fagayu laman gababawan sit ligung fag ngay talun at taw.

Isayas 5:4

Nataw ya ku fagnamakamulunun ku nayud nafakamulun? Aroro ku fagsegun ku tanuman at rawvg matamis tua, ay aroro mangaro mayat way. Wain fakatanyaun?

Eremyas 11:7

Siginan nu gfaduksun au ay ngay mangaguyang siginans talun Igiptu dasug katsi, gfamatang koma gugat sa anya fagayu te, faningi tua angku.

Eremyas 25:3

“Kaduge duak safulu e tuluk banwa, siginans falabi tuluk banwa Usyas, Amun at baguama, nu gfunan sis Uda, dasug katsi, Yawi gfoyung wa gugat sa angku at longan. Ay gfoyung koma gugat ayu, dewa katanya, wam kaylat gdungugan.

Eremyas 25:4

Ay dewa Yawi gsugu gugat sa ayu at ngay fagsuguan fag ngay taglong, wam kasalag ay wam gdungugan.

Eremyas 29:19

Aroro kabavn kanya fagayu wa gdungugan ku ngay longan siginan ku ngay fagsuguan fag ngay taglong. Ay anggan am at natabanan wam nafandungug.”

Eremyas 35:14

Yeunadab, Rekab at baguama, nafararang sat ngay gaban te, lag ginum fanlangu, ay at ngay gaban nafaning tua. Ay dasug katsi, kanya fagayu wa ginum fanlangu aroro gfaning tua at mangaguyang Yeunadab at suguan. Dewa katanya, am, wam nafaning angku, dewa ngayu ginan nu glong au sa ayu

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 44:4

Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Esekyel 2:3

Kanya nalong te, “Taw at baguama, gsugu au emu sa sangay tagbanwan ay takamabo fag talun Israel. Siginan at ngay mangaguyang at buknga ay dasug katsi, kanya fagayu kamabo way gugat angku.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 12:10

Nafakamatoan au sa ay ngay taglong, ay nafalag au sa anya fagayu ngayuk taginfan. Ay siginan anya fagayu, nafadasug au sik famararang te, gafaurianan waban am fia.

Amus 2:11

Nafili au tiba at ngay baguama laman sik ngay taglong ay ngay taw at nafatigwanan sas Dius. Ngay taw Israel, o nunda wa matuyan ku longan?

Malakyas 3:7

Dewa katanya, kata wayam ay ngay mangaguyang; wam nafaning ku ngay faugali. Ay katsi, afolii wan sa angku laman kafoli kyangay sa ayu. “Dewa katanya, ginto am sa angku te, ‘Setain ya ro nu nangafoli ami sa emu?’

Lukas 11:49

Nu katanya, siginans Dius at fagsafulun, nalong te, ‘Sumugu au ku ngay taglong ay ku ngay nasugu sa sangay taw Udyu. Kanya ban gfabul kafag ngay taglong tiba, ay tiba ban gfauri.’

Deuterunumyu 9:7

Amatangani nu setain nu kauri am ay Dius Yawi gina am sis talun at yud e gbanwan. Siginan nu gduksun am fag menit siginans talun Igiptu dasug katsi, kamabo wayam gugat Yawi.