Eremyas 7:24 - Fanawbuid tagsibaliwas Fakayabian

²⁴ “Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 7:24 ပူးပေါင်းရင်းမြစ်များ

Nemyas 9:29

Ay nalong o sa anya fagayu te, Lag kalyam ngay faugali. Dewa katanya, kanya fagayu kamatungudun way gugat ay wa nafaning am ngay suguan. Ay wa yangay nafaning am ngay suguan tagfon leleg. Ay kanya fagayu nafamabo ay natalyuyan emu ay wa kaylat gdungugan.

Alubad. 81:13

Nu nafandungug di long am angku! Ay nu namanwan di am kata ku balyawvtan,

Eremyas 13:10

Kanya fag ngay taw at mauri, wa kaylat gfaning ku longan. Kanya fagayu nafaning way at sadili amatanganan ay naseg ngay fagsegan. Nu katanya, kanya ban fagayu umkata kafag famutus fagwan at yud e tungkul ya.

Eremyas 13:11

Nu setain kanya fag famutus fagwan nu gfutus taw at fagwan, kaylat kyangay nangus ngay taw Uda ay taw Erusalem nu masadi sa angku. Nafili au anya fagayu laman namauseganan ay nanseg angku, dewa katanya, kanya fagayu wa naylat. Au, Yawi, taglong tuy.”

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 16:12

Ay fagmauriun aksvn yap tua ay ngay mangaguyang at fagmauriun. Fagayu am nafaning am ay fagmauriun ay ay ngay amatanganan takamaogatun, abat ngate am nafaning angku.

Eremyas 17:23

dewa katanya, kanya fagayu wa nadungugan angku. Kanya fagayu kamaogatun at ngay amatanganan! Ay wa kaylat ku ngay foyungan.

Eremyas 17:9

“Taw at amatanganan kamuag way gugat ay maksvn nu mauri. Sinu tagsaful te, kaksvn kanya nu mauri?

Eremyas 18:10

ay kanya ro fag talun ay fagfagtainanan nu nafakamulun way at mauri ay way nafaning angku, kwa ro gfafasludan ya ku algan at masine sa anya fagayu.

Eremyas 18:12

Dewa katanya, ngay taw gbalus te, ‘Duan! Gfataglayun wami em ngay fakaylatun; gfaning wami em amatanganan takamaogatun.’ ”

Eremyas 2:27

Ay glong am te, ‘Em mama sik kayu ay em mina sik gang.’ Natalyuyan am angku, dewa katanya, sayay ngap gugat angku nu nangakbang am.

Eremyas 22:21

Nafararang kwan sa ayu ebi gina yayam manabayan, dewa katanya, wam nafandungug. Katanya wan ay ugali siginan nu mabaguama am, wam gfaning angku.

Eremyas 23:17

Katatuy kanya fag ngay taglong at longan gugat sa sangay taw at yud gdungugan ku ngay longan, ay takaylat way gfaning at ngay amatanganan: ‘Manabayan tua ban nu mabanwan am. Wa ban e kadasug sa ayu at mauri.’

Eremyas 3:13

Longi way lang te, “Nafamabo ami emu, Yawi em Dius, ay nafaning ami tibak fagsegan siginan nu naseg ami si sangay fun kayu at marabung at lanbung.” Ay longi yangay te, “Wami nafaning emu.” Au, Yawi, taglong tuy.’ ”

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 32:23

Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Eremyas 32:33

Kanya fagayu anyayu siginan angku dewa au gfoyung gugat sa anya fagayu. Ay kanya fagayu wa kaylat ay wa gdungugan at matuyan.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Eremyas 9:14

Abat ngate, nafaning way at ngay amatanganan takamaogatun, ay naseg Baal kata at ngay mangaguyang at nafakamulun.”

Esekyel 20:13

“Dewa katanya, kafag ngay taw gina sis talun at yud e taw nafamabo angku, ay wa nafaning ku ngay suguan ay ku ngay faugali, dewa katanya, nu nafaning di, gleleg tua ban. Ay kafag ngay taw nafayud e masuad Famiangalay fag Menit ku nafalganan sa anya fagayu. Nu katanya, nalong au te, namadasug kban sanya fagayu ku dotama, laman namamin au anya fagayu sis talun at yud e taw.

Esekyel 20:16

Aroro kafag ngay taw wa nafaning ku ngay suguan ay ku ngay faugali, ay nafayud e masuad Famiangalay fag Menit ku nafalganan sa anya fagayu. Kanya fag ngay taw at fagugatanun gseg way sat ngay fagsegan.

Esekyel 20:21

“Dewa katanya, kafag ngay taw at ngay sisian nafamabo yangay angku, ay wa nafaning ku ngay suguan ay ku faugali, ay nu nafafasludan di, gleleg tua ban. Ay kafag ngay taw nafayud e masuad Famiangalay fag Menit ku nalong sa anya fagayu. Nu katanya, gina kanya fagayu sit yud e taw fag talun nalong au sanya fag ngay taw te, namadasug au sa ayu ku dotama at maksvn.

Esekyel 20:8

“Dewa katanya, kanya fag ngay taw nafamabo ay wa nadungugan angku. Kanya fagayu wa natalyuyan talun Igiptu at ngay fagsegan at maksvn nu mauri. Nu katanya, nalong au te, namadasug au sa anya fagayu ku fandotama sis talun Igiptu.

Daniel 9:6

Wami nadungugan am ngay fagsuguan fag ngay taglong am nasugu laman namakamatoan em ngay fun, em ngay tagfangguna, em ngay mangaguyang, ay fagayu taw Israel.

Usea 10:6

ay gbuba sas Asirya laman sik famonun sat mabalyanan fag fun. Ay nu katanya, ngay taw Israel umkapla aroro gafanud sat ngay fagsegan.

Usea 4:16

Aroro ngay taw Israel kamaogatun at amatanganan, kata sik tumad baka tina at yud magup. Nu katanya, tain ro nu mafaulit au anya fagayu kata sik ngay tupa sas fagnamafangonan?

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Sakaryas 7:11

“Ay kanya fagayu wa nadungugan ku longan. Kanya fagayu natalyuyan angku ay wa nafaning.

Deuterunumyu 29:19

Nusnga sinu ban at nadungug tuy fag famararang, lag ban gamatangan sat sadili te, wa ban umfaurianan dewa gfakamulun at fakaylatun. Aroro takatanya gfadasug way ayu sas faurianan.