Eremyas 7:23 - Fanawbuid tagsibaliwas Fakayabian

²³ nu bunway, nasugu kyangay te, ‘Faningi angku, ay au wan ay Dius, ay am wan ku ngay taw. Banwani kata ku nalong ayu fag balyawvtan laman ban mabayan tua nu gbanwan am.’

Eremyas 7:23 ပူးပေါင်းရင်းမြစ်များ

Ub 36:11

Ay kanya fagayu nu galo tua ban ay gfaning anya, di ban e fagayudanun ay manabayan tua ban gbanwan.

Alubad. 119:3

Kanya di gfakamulun at mauri, nu bunway gfaning tua Dius at ngay fakaylatun.

Alubad. 40:6

Wo guseganan nusnga setaw fag fanggalangun. Ay wo naet nusnga setaw fag fagirugun fag fanggalangun, ay fanggalangun famalyam asalanan, bundi mangaro tuy fagayu am fagetun. Nu bunway nagubuk o angku laman gtogdungug au am longan.

Alubad. 81:13

Nu nafandungug di long am angku! Ay nu namanwan di am kata ku balyawvtan,

Nu Galin 15:26

“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”

Nu Galin 16:32

Muisis nalong sa anya fagayu te, “Yawi nasugu te, ‘Fasamani sik salup mana laman anggan ban sat fadogan ay kasugfunanan, ay laman ban kanya fagayu lumag ku nafon sa ayu fag fakonun sis talun at yud e taw, gina au nafalfas ayu siginans talun Igiptu.’ ”

Isayas 3:10

Nanlong am sat matuyan fag ngay taw te, “Anud, mauseganan am, aroro gbul ban am ay nainlufuyan siginan ay nafakamulun at masine.”

Eremyas 11:4

Katatuy em nasadian: gina au gfaduksun ay ngay mangaguyang siginans talun Igiptu takata sik faygangan daul at mafatinas sanbung, nalong au sa anya fagayu te, ‘Faningi ku ngay suguan, aroro nu gfaning tua ban am angku ay ku ngay suguan, am waban ku ngay taw, ay au ay Dius.

Eremyas 11:7

Siginan nu gfaduksun au ay ngay mangaguyang siginans talun Igiptu dasug katsi, gfamatang koma gugat sa anya fagayu te, faningi tua angku.

Eremyas 13:11

Nu setain kanya fag famutus fagwan nu gfutus taw at fagwan, kaylat kyangay nangus ngay taw Uda ay taw Erusalem nu masadi sa angku. Nafili au anya fagayu laman namauseganan ay nanseg angku, dewa katanya, kanya fagayu wa naylat. Au, Yawi, taglong tuy.”

Eremyas 22:21

Nafararang kwan sa ayu ebi gina yayam manabayan, dewa katanya, wam nafandungug. Katanya wan ay ugali siginan nu mabaguama am, wam gfaning angku.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 24:7

Namon kban sa anya fagayu sik amatanganan laman gtoglag tua angku te, au Yawi. Ay gtuyan kban anya fagayu te, ku ngay taw, ay kanya ban fagayu gtuyan te, au wan at Dius, aroro kanya ban fagayu kafoli wan sa angku sas fagdaul at amatanganan.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Eremyas 32:23

Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Eremyas 38:20

Ay Eremyas glong anya te, “Nu gfaning tua ban o Yawi at longan, ngay taw Babilunya ro wa gfon emu sa kafag ngay taw Udyu. Wa ro wo kabul ay wa ro e kadasug sa emu nusnge wain at mauri.

Eremyas 42:6

Dewa ban maylat ay wa maylat sa emi, gfaning ban mi Yawi at longan laman ban manabayan tuami.”

Sefanias 3:2

Dewa e gfoyung anya, wa kaylat gdungugan ay wa gafanud ay wa nangakbang sas Dius Yawi.

Sakaryas 6:15

“Ngay taw kadasug siginan tangayayu fag talun laman nanggubuk nangawat Yawi at bale. Umfasludan takatanya ay sumaful am te, Yawi at Mabalyanan at nasugu angku stae sa ayu. Matuyan umfasludan takatanya fagayu, nu gfaning tua ban am ay Dius Yawi.”

Sakaryas 7:7

Katanya yangay ku longan ebi sa sangay taglong, gina Erusalem manabayan ay ngayuk taw gbanwan sanya ay gina yangay e ngay furuan sit ligung, talun Negeb ay anggan ngay buksul sas fakayabian baliwa.’ ”

Ruma 16:26

dewa katanya, katsi ansure wan ay ansaful siginan Dius at ngay taglong at Rirukan, ay gfaning at yud e fakatabuan fag Dius at suguan, laman fagayu taw gafanud tua ay galo anya.

2 Kurintu. 10:5

Ay grasras ami nusnga setaw fag famabadbaboan ay fagayu takamatungudun laman gsalag tibak taw nu kae fagsafulun sabaliwas Dius. Ay gtaban ami fagayu taw laman gfaning tua tam Fun Isus.

Deuterunumyu 11:27

Nung tua ban am gfaning ay Dius Yawi at ngay suguan ku nafon ayu katsi, kanya ban gfon ayu nusnga setaw.

Deuterunumyu 13:4

Ay Dius Yawi yakman lang ay fagfaningun ay fagsuyuun. Namafasludan am at ngay suguan ay namakamulun am laman sa anya ay banwani tua gugat si anya.

Deuterunumyu 13:5

Ay fabuli wan kanya fag taglong ay fag tagfayamag taginfan, aroro kanya nafoyung ayu takamabo sa ay Dius Yawi at nafaduksun ayu siginans talun Igiptu ay at nafalangfe ayu siginan nu gafagsuguanan am. Kafag ngay taw gfaskud gfayayu ayu siginan ay Dius Yawi laman wam gfaning at balyawvtan ay at suguan. Falyami wan siginan ayu kafag ngay fagmauriun.

Deuterunumyu 30:2

ay ginanya ban nu kafoli tuam sa ay Dius Yawi, ay nu gfaning tua ban am fia fagayu at suguan ku nalong sa ayu katsi,

Deuterunumyu 30:20

Esugi ay Dius Yawi, ay faningi anya ay mabanwani gugat si anya, aroro siginan way anya ay leleg. Nu gfakamulun tua ban am gugat takatanya, ngaduge tua ban nu gbanwan am sis talun at nafatuyanan sa ay ngay mangaguyang Abrayam, Isak ay Akub.

Deuterunumyu 30:8

Dogi yap faningi Yawi ay fakamuluni fagayu at ngay suguan ku nafon sa ayu katsi.

Deuterunumyu 4:10

Amatangi ebi gina am nanangalindug fag menit sa ay Dius Yawi at daga salubangan sis Buksul Sinay, nu inda nu glong angku te, “Fafuli ngay taw Israel si ku daga salubangan laman gdungugan ku ngay longan ay laman ban gsuyu tua gugat angku kaduge gleleg ay laman ban mafoyung tua sat ngay sisian.”

Deuterunumyu 4:40

Faningi at ngay suguan ay at faugali ku nafon ayu katsi laman ban di e kadasug sa ayu ay sa ay ngay kasugfunanan at mauri, laman ban ngaduge tua nu gbanwan am si ay Dius Yawi at nafon ayu fag daga.

Deuterunumyu 5:16

Suyui ay mama ay ay mina kata ku suguan ayu laman mabanwan am ngaduge ay manabayan si ku fon ban ayu fag daga.

Deuterunumyu 5:29

Kanya ban nangus fagayu gsuyu tua gugat angku ay gfaning tua gugat ku ngay suguan, laman ban manabayan tua gugat nu mabanwan anggan at ngay kasugfunanan.

Deuterunumyu 5:33

Mabanwani kata ay Dius Yawi at suguan ayu laman ban ngaduge tua nu gbanwan am ay e fagekwaun sa ay fagnangagbilugun ban fag daga.

Deuterunumyu 6:3

Ngay taw Israel, dungugani ay faningi at ngay suguan laman ban manabayan tuam ay umsine ay ngay famanwanun ay laman ban umkayu am sit masine ay at maramraman fag talun, kata ay Dius Yawi at fatuyanan say ngay mangaguyang.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.