Eremyas 7:17 - Fanawbuid tagsibaliwas Fakayabian

¹⁷ O nunda wo glag ngay taw at fakamulun sis talun Uda ay sis Erusalem at ngay dalan?

Eremyas 7:17 ပူးပေါင်းရင်းမြစ်များ

Eremyas 1:16

Namaurianan kban ku ngay taw tagfakamulun at mauri, aroro kanya fagayu natalyuyan angku siginan nu girug famaebebanglu fag lune ay nu gseg at nawat fag ngay fagsegan.

Eremyas 32:29

Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Eremyas 32:32

Ngay fun, ay ngay tagfangguna, ay ngay taglong, ay ngay tagfon fanggalangun tagsiginans Israel ay Uda nafadotama angku siginan nu gfakamulun at mauri.

Eremyas 44:17

Gfakamulun ami nusnge wain em fakaylatun. Nangirug ami ngay famaebebanglu sa em fagsegan at nafangayan te, Tagsis Banwa fag Mangena fag Fagsegan! Ay namon ami sa anya fanginum fag ngay fanggalangun kata em nafakamulun si sangay furuan tagsis Uda ay sis Erusalem at ngay fagaweanan, kata em ngay mangaguyang, ay em ngay fun, ay em ngay tagfangguna at nafakamulun. Ebi manabayan tua nu gbanwan ami: ngayu tua em fakonun, ay di e kadasug sa emi at mauri.

Eremyas 44:4

Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Eremyas 44:6

Nu katanya, nafadasug au sa anya fagayu at maksvn ku fandotaman. Nu kadotama au anya fagayu kata afuy nu girug at ngay furuan tagsis Uda ay Erusalem, ay dasug katsi kanya fag ngay furuan mabaluanan way lang ay marasrasan.

Eremyas 6:27

Yawi nalong sa angku te, “Eremyas, nafili au emu kata sik taginsaful ngay sanbung, laman mainsaful o ku ngay taw at kaugalian.

Eremyas 7:16

“Eremyas, lag o gdarangin laman sa kafag ngay taw. Ay lag o gfainfanyuan get sa angku laman sa anya fagayu, aroro kwa ngap ro gdungugan emu.

Eremyas 7:18

Ngay sisian ayu daul gfansarab, ay at ngay mama gfaigang, ay at ngay mina kawat tinapay laman at fanggalangun sat fagsegan at nafangayan te, Tagsis Banwa fag Mangena fag Fagsegan. Ay kanya fagayu gfon yangay ngay fanlangu sa tibak fagsegan laman gfauri angku.

Esekyel 14:23

Anud, umkalyam ban ay amatanganan at mauri nu nalag ban am kanya fag ngay taw at ugali ay at ngay fakamulun, ay sumaful ban am te, matuyan ku nafakamulun sa sangay taw tagbanwan sis furuan Erusalem. Au, Fun Dius Yawi, taglong tuy.”