Eremyas 7:15 - Fanawbuid tagsibaliwas Fakayabian

¹⁵ Ay gaiyan kwan ayu siginan ku daga salubangan kata ku nafakamulun sa ay ngay kalongan fag ngay taw Israel.’

Eremyas 7:15 ပူးပေါင်းရင်းမြစ်များ

2 Fun 17:23

Nu katanya, Yawi naiyan anya fagayu siginan at daga salubangan, kata at famararang siginan at ngay fagsuguan fag ngay taglong. Nu katanya, ngay taw Asirya nataban ngay taw Israel sas talun Asirya ay sanya wan nu gbanwan dasug katsi.

2 Fun 24:20

Nu katanya, Yawi andotama, ay naiyan ngay taw Erusalem ay taw Uda siginan at daga salubangan. Ay Sedekya nafamabo talun Babilunya at fun.

2 Krunika 15:9

Sanya ginan, kanya nafaful fagayu taw Uda ay taw Benamin, ay anggan taw Efraim, taw Manase, ay taw Simyun tagbanwan si anya. Ngayu at nalin sas Uda siginans talun Israel, kanya fagayu nu nasaful te, Yawi Asa at Dius, gufud tua anya.

Alubad. 51:11

Lag gaiyan angku siginan am day tigyangan, ay lag gfayayu am Masine fag Falad siginan angku.

Eremyas 15:1

Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Eremyas 23:33

“Eremyas, nu e nananginto sa emu sabaliwa ku ngay longan, kanya dewa sik yud e fanambagun fag taw, ay sik taglong, ay sik tagfon fanggalangun, longi sa anya te, gaiyan kwan anya fagayu.

Eremyas 23:39

gaiyan kwan ay gfalyam emu siginan ku daga salubangan. Ay gfabayan kban ste fag furuan ku nafon sam ngay mangaguyang.

Eremyas 3:8

Nafasaruayan kwan ay naiyan siginan angku ngay taw Israel, aroro kanya fagayu gfanugtug siginan nu gseg tibak fagsegan. Dewa katanya, nalag au te, takamabo fag ngay taw Uda wa nlimu ku nafakamulun, abat ngate, kanya fagayu gfanugtug yangay.

Eremyas 52:3

Nu katanya, Yawi andotama, ay naiyan ngay taw Erusalem ay taw Uda siginan at daga salubangan. Ay Sedekya nafamabo talun Babilunya at fun.

Eremyas 9:19

Dungugani sis Erusalem fag ngay taw nu gwayway. Kanya fagayu glong te, Nababawan watam! Ay anke fakaplaun tam! Ay gubun watam tam talun aroro anggan tam ngay bale ankiklas wan!”

Esekyel 23:31

Nafaning o am kaka at fakamulun, nu katanya, namaurianan kyangay ban emu.

Esekyel 33:25

“Nanlong o te, ‘Fun Dius Yawi glong te, O nu glong am magbilug ban am tuy fag talun, dewa ban am kon yamas at ke taguk ay gseg sa ay ngay fagsegan ay gfabul taw?

Usea 1:4

Sanya ginan, Yawi nalong sas Usea te, “Fangayani am ngenge te, Esreel, aroro wa ban glugo ya gfaurianan kwan Israel at fun, aroro fun Yeu nafakamulun at mauri sas furuan Esreel. Nu katanya, gfaragang kwa ban Israel fag fagfagtainanan.

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 13:16

Gfaurianan au ngay taw Samarya, aroro sat fakamaboun angku at Dius. Kanya ban fagayu umbul sas awayan. E gfafalang ban at ngay sisian sas daga yakmay anbul, ay e gfilas ngay tagfafion at ungdan.”

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Usea 9:13

Ebi, nu gdama au ayu kata tuam sik kayu tagtugbung sit masine fag daga. Dewa katanya katsi, masine nu gbuba am ay ngay sisian sas fagawayanan laman sanya nu kabul.”

Usea 9:3

Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Usea 9:9

Mauri wayam kata sik ngay mangama ebi sis Gibya. Dius gamatangan gugat ay ngay fagmauriun, ay kanya gfaurianan ayu sa ay asalanan.”

Unas 2:4

Ay naiyan o angku siginan am daga salubangan, dewa katanya, e fagsegun kyay gdog nangakbang sa emu, sam bale yud e malong.