Eremyas 7:11 - Fanawbuid tagsibaliwas Fakayabian

¹¹ O nu glong am, tagfangkamul way at fagnanuksuanan tuy fag bale nu inda at fagnamauseganan angku? Saful kway ay ngay fakamulun si ku bale. Au, Yawi, taglong tuy.

Eremyas 7:11 ပူးပေါင်းရင်းမြစ်များ

2 Krunika 6:33

dungugani tua ban anya fagayu sanya sis banwa am fagbanwanan. Ay foni at ngay fagetun, laman fagayu gaban taw sas fagdaul daga tumoglag ay gsuyu emu kata am ngay taw Israel ay sumaful te, gfauseganan ami emu ste ku nafawat fag bale.

Isayas 1:12

Sinu at nasugu ayu laman namuba am sa angku ay fanggalangun? Faragangi wan nu gfauri am ku bale.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Eremyas 2:34

Ay ngay lanbung gatagukun ngay taw at yud e asalanan ay at yud e kwa at taguk. Nafabul am anya fagayu deyud am batang glag nu gsakbo sa ay ngay bale. Ay dewa kaksvn nya ay nafakamulun,

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Eremyas 29:23

Umfasludan takatanya sa anya fagayu aroro nafakamulun at maksvn nu mauri sis Israel. Kanya fagayu natugtug at ngay kaiban at ngay bubay ay nalong ku ngayan laman kamuag, deyud au nasugu sa anya fagayu te, fakamuluni. Saful kway at ngay nafakamulun ay nafatuyan au sabaliwa anya fagayu. Au, Yawi, taglong tuy.”

Eremyas 7:10

Ay ankakbang am ay nanangalindug sa ku daga salubangan ste si ku bale nu inda at fagnamauseganan angku. Ay glong am te, “Ste we kadasug ya at mauri sa antam.” Dewa katanya, gfataglayun yayam gugat gfakamulun at mauri.

Esekyel 35:13

Nadungug kyangay nu kamatungudun am ay gfalingun angku.

Daniel 9:18

Em Dius, dungugi angku. Damai, maksvn nu gidapan ami. Wami gdarangin laman gfatoglag ami te, matuyan ami, nu bunway gfasaful ami te, mafangafanyu tuo.

Mateu 21:13

Ay Isus nalong sanya fag ngay taw te, “E rirukan wa te, ‘Ku bale sik bale daranginan,’ ay dewa katanya, nawat wayam ‘ngay tagfangkamul at fagmafulan.’ ”

Markus 11:17

Ay Isus nalong te, “E rirukan wa te, ‘Ku bale sik bale daranginan, laman fagayu talun at ngay taw gdarangin sanya,’ ay dewa katanya, nawat wayam ‘ngay tagfangkamul at fagmafulan.’ ”

Uan 2:16

Isus nalong sa sangay tagfabayad labikung te, “Buli wan ste ginan kanya fagayu. Lag am kawat ku Mama at bale laman sik fagfungsuan.”

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.