Eremyas 6:7 - Fanawbuid tagsibaliwas Fakayabian

⁷ Kanya fagayu nu gfakamulun at mauri, kata sik bulbug nu gfamilugan. Ay takadungug sit furuan fagmauriun way lang. Glag kway gugat ke ngay fakasaitun ay tagabangbang.

Eremyas 6:7 ပူးပေါင်းရင်းမြစ်များ

Fangatulun 4:23

Tagtungud sas fagayu, fayayui am amatanganan siginans mauri, aroro nu setain wan am namatangan, katanya yangay fia am ugali.

Isayas 1:6

Ay siginan ay alfuyu sitsigon ay basad darafa e fakasaitun wan; fagdaul ay bilug nalayungan wan, ay e fagafalanganan, ay e ngay fakarukan. Kafag ngay fakasaitun kabaga, ay wa kafutus ya ay we famafia.

Isayas 57:20

Dewa katanya, at mauri fag ngay taw wa manabayan. Kanya fagayu kata way sik lugwak tagfalimus ngay lifak ay ngay nagukasan sis tigyangan dagat.

Eremyas 20:8

Yawi, galay au namoyung am longan, ku fagfoyungun gugat sa way lang baliwa nu karasras ay fakabulun! Nu katanya, ngay taw kase ay gfalingun angku.

Eremyas 30:12

Yawi nalong yay fia sat ngay taw te, “Maksvn wan ay ngay bangbang ay wa ban kafia ya. Wa ban e mananggubuk ay manamafia ayu. Ay wa yangay e famafia ya laman sa ayu.

Eremyas 30:15

Lag am gfandeng te, ‘Wa ban kafia ya em ngay bangbang.’ Nafaurianan au ayu aroro maksvn wan ay ngayu ay asalanan.

Eremyas 32:31

Siginan nu kawat tuy fag furuan ay dasug katsi tuy fag ngay taw nafadotama angku. Nu katanya, nangiklas kwan tuy fag furuan.

Eremyas 8:22

O nunda sis Gilyad we famafia ya? O ay sanya we tagfafia ya? Wain ku ngay kaiban at ngay bangbang fagyudun kafia ya?

Esekyel 21:29

Kanya fag ngay taw at taginfan sabaliwas fiso wa katanya. At mafanud, kanya fag fiso mafalganan wan laman nanggatvng at mauri fag ngay taw at ngay liug. Ay andasug wan faurianan laman sa takatanya fag ngay taw.

Esekyel 24:7

Aroro fagayu taw nasaful te, kanya kamabul. Ay kanya naugwag kafag ngay taw at taguk sa sangay tungud gang, ay wa natabun ya, ay fagayu taw glag.

Esekyel 45:9

“ ‘Au, Fun Dius Yawi, glong au te, am fag ngay tagfangguna sis talun Israel, faragangi wan ay fagmauriun. Faragangi wan nu gfauri am ay gfaidpan, ay fakamuluni tua at matuyan ay at masine. Lag am gago ya ku ngay taw at ngay daga. Au, Fun Dius Yawi taglong tuy.

Esekyel 7:11

Ay at fagmauriun ban umfoli yay sa anya fagayu, laman gfaurianan sat fagmauriun. Wa ban umke sawad nusdi sadik taw, ay fagayu ban at ngay ramraman umkalyam wan.

Esekyel 7:23

Ginanya ban, e nantaban wan ku ngay taw aroro sit furuan gfadfabulan wan ay wa mabayan ya.

Sefanias 3:1

Sefanyas nalong te, “Ida ngay taw Erusalem! Aroro kanya fagayu kamabo Dius ay gfakamulun at mauri ay at ngay tagfangguna kamalingun.