Eremyas 6:6 - Fanawbuid tagsibaliwas Fakayabian

⁶ Yawi at Mabalyanan glong te, “Nanggatvng ban am sik ngay kayu laman ay fangiklas furuan Erusalem at ngay alad, ay fabungsudi sik ngay lutuk sas tigyangan alad, laman ay dalan. Faurii wan tuy fag furuan aroro maksvn wan nu kamaidapan.

Eremyas 6:6 ပူးပေါင်းရင်းမြစ်များ

Isayas 37:33

Katatuy Yawi at longan sabaliwas Asirya at fun: “Kanya ban wa gsakbo sas furuan Erusalem, ay wa magbilug at godun laman gfatos nusdi sadi at banyas. Kanya wa manangakbang at ke famalabag ay nanligung laman namawayan.

Eremyas 20:8

Yawi, galay au namoyung am longan, ku fagfoyungun gugat sa way lang baliwa nu karasras ay fakabulun! Nu katanya, ngay taw kase ay gfalingun angku.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Eremyas 32:24

Ay katsi, ngay taw Babilunya gfabungsud lutuk si sangaba tigyangan dingding alad furuan Erusalem laman ro kanya fagayu masakbo ay magbilug kanya fag furuan. Aroro siginan sangay awayan, fanlunus, ay fakasaitun, ngayu at kinbul ay ngay taw Babilunya naago kafag furuan kata am longan.

Eremyas 32:31

Siginan nu kawat tuy fag furuan ay dasug katsi tuy fag ngay taw nafadotama angku. Nu katanya, nangiklas kwan tuy fag furuan.

Eremyas 33:4

Aroro au, Yawi, Israel at Dius, glong au te, dewa ban narufa wan ngay bale sis furuan Erusalem ay talun Uda at fun at bale, laman at famaogat at alad laman at ngay fawayan wa masakbo,

Eremyas 39:1

Katatuy furuan Erusalem nu karasras: sis fasafuluk magdanun sis fasiamk banwa, fun Sedekya nu gfunan talun Uda, fun Nabukudunusur, talun Babilunya at fun, ay fagayu at ngay tagfawayan anful sis day Erusalem ay nafabungsud lutuk sis fun alad laman at fagsakboan.

Eremyas 5:29

Au, Yawi, glong au te, o nunda kwa ro masine gfaurianan anya fagayu aroro sat ngay nafakamulun mauri? Ay o nunda kwa ro masine gfasud sa takatanya fag talun at ngay taw?

Eremyas 5:9

O nunda kwa ro masine gfaurianan anya fagayu aroro sat ngay nafakamulun mauri? Ay o nunda ro kwa yangay masine gfasud takatanya fag ngay taw? Au, Yawi, taglong tuy.”

Esekyel 4:2

Ay fae aninui yangay sanya kata sik ngay fawayan nu namawayan kafag furuan. Ay namoli o ngay agdan sas tigyangan alad gang, ay sis ligung furuan nangawat o sik ngay fagmafulan, ay namul o sik kayu at mabyat fanrufa alad gang.

Esekyel 5:5

“Au, Yawi ay Fun, glong au te, katanya ban takadasug sas furuan Erusalem, ku nafili fag furuan sas fagdaul daga.

Daniel 11:15

Ay tagsi bans fawalan fag fun namawayan at sadi yak maaladan fag furuan sis fasiunan yakmay nasakbo ay nagbilug kafag furuan. Ay ngay tagfawayan ban ay anggan yangay tagsaful fag ngay tagfawayan siginans fasiunan baliwa wa makatu ya gfawayan.

Sefanias 3:1

Sefanyas nalong te, “Ida ngay taw Erusalem! Aroro kanya fagayu kamabo Dius ay gfakamulun at mauri ay at ngay tagfangguna kamalingun.

Lukas 19:43

Aroro umdasug ban sik ngay menit, am ngay fawayan nantungluan namawayan emu, ay nanligung emu, ay kadasug nusnga ndaginan baliwa.