Eremyas 6:28 - Fanawbuid tagsibaliwas Fakayabian

²⁸ Kanya fagayu kamabo ay kamaogatun, katugas sik ngay tansu ay sanbung fia. Ay kamalingun ay gfandaya at ngay iba.

Eremyas 6:28 ပူးပေါင်းရင်းမြစ်များ

Alubad. 14:1

At yud e fagsafulun fag ngay taw gamatangan te, “We Dius!” Kanya fagayu at ngay nafakamulun maksvn nu mauri. Ay nusdi sadi we gfakamulun ya at masine.

Alubad. 50:20

Kaylat am gkamatoan at mauri sabaliwa ay ngay faduksay.

Fangatulun 10:18

Tagsuksuk at dotama kamuag way, ay takamauri at ngay iba, we fagsafulun.

Isayas 31:6

Am fag ngay taw Israel, maksvn nung am nafamabo Yawi. Afolii wan sa anya.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 5:23

Dewa katanya, kanya fagayu kamaogatun ay kamabo, ay nalyam ay natalyuyan angku.

Eremyas 6:30

Ay kanya fagayu kangayan te, ‘Sik nakaurian fag salapi,’ aroro natalyuyan kwan anya fagayu.”

Eremyas 7:28

Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Eremyas 9:3

Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.

Eremyas 9:4

Lag am gfasudsunan ya ay ngay iba, ay lag gfadiuganan ya ay ngay kalongan, aroro kamuag ay gfauri at ngay iba.

Esekyel 2:7

Kanya fagayu gdungugan man ay duan, namadungug o fia ku nalong emu.

Esekyel 24:13

“ ‘Matuyan, furuan Erusalem, nafasik mauri o emu siginan am nafakamulun at mauri. Gugatan koma gfasine emu, dewa katanya, wo kaylat kasine. Nu katanya, yakmay kban nafadasug sa emu ku fandotaman at maksvn, mauri way o gugat.

Lebitiku 14:43

Dewa katanya, kanya fag bale nu nadog yay anke amling,

Lebitiku 19:16

“Lag glong te, ay iba mauri nu dway matuyan. Lag am gfatuyan te, ay iba mauri laman gfae fakalimuun anya. Au Yawi.

At Nafasure 11:18

Ay fagayu talun at ngay taw at yud natoglag emu, maksvn nu kadotama emu. Ay andasug wan at buknga nu gfadasug o am dotama. Ay andasug yangay at buknga nu gtuyan o ngay kinbul at fakamulun te, o masine ay o mauri, ay nu gfon o famonun sas fagayu am taglong am ngay fagsuguan, ay sam ngay taw, ay sas fagayu tagsuyu emu, sa takadungug fag ngay taw ay dewa sat mafalingun fag ngay taw. Ay andasug yangay at buknga nu gfamin o tagfaidapan ngay taw sas fagdaul daga.”

At Nafasure 19:2

Aroro kanya mafanud ay matuyan nu gfatuyan taw at asalanan, ay nafaurianan wan at mabalyanan fag takamatugtug, at fakamatugtugun wan at nafasuya fagdaul daga. Dius nafasud kafag furuan daul aroro kanya fag furuan nafabul Dius at ngay fagsuguan.”