Eremyas 6:26 - Fanawbuid tagsibaliwas Fakayabian

²⁶ Ku ngay taw, suluni ay ngay lanbung ay dagingani sas wa dafug laman gfalag am te, kabalu am. Abalui maksvn kata ay ngenge tagsesadi nu nbul, aroro ay ngay fawayan masakit nu kadasug laman namawayan antam.

Eremyas 6:26 ပူးပေါင်းရင်းမြစ်များ

Fakasigadan 21:16

ay nalao siginan at sisian at kayayuan sadik sandank sangbada. Ay nananmalunggung ay gwayway glong sat sadili te, “Kwa magwanta glag ku munama nu kabul.”

Ub 15:21

Kabavn e fakalimuun way ay dewa gina manabayan fag buknga, kanya kalimu way gugat te, e namawayan manga anya.

Ub 2:8

Ay Ub nabul sik nagrufan tikung at fanggarit at ngay bangbang kaduge malunggung sisad dafug.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Isayas 22:4

Fabayani wan nu gwayway au, aroro kabalu au ku ngay kaiban at kinbul. Lag am gfasun ya angku.

Isayas 3:24

Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.

Isayas 30:13

umkamin ban am, ay ay asalanan kata karang si tangabat fag alad, ay masakit way nu kasuak.

Isayas 32:11

Glugo wan nung am lang gbayan, ay wam gugatan gfakamulun. Katsi tadtaruyani alimui. Buli wan ay lanbung ay futusi si ay fagwan sik saku,

Eremyas 12:12

At nanrasras kadasug siginans talun at yud e taw fag ngay tagbudbuksulanun. Ay gagbilug kban anya fagayu kata sik fiso tagsumbalian at uyup laman namauri galay sik taw, ay wa ban e malagyu ya.

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 14:17

“Eremyas, nanlong o sa sangay taw te, ‘Kayu menit ay yabi, wa karagang ya nu gwayway au aroro maksvn wan ku ngay taw at ngay bangbang, ku natuyan fia te, ku baguina, ay maksvn wan nu kabalu au anya fagayu.

Eremyas 15:8

Namayu kban ay ngay fagbubayun kayu lagnas sis tigyangan dagat. Sis buknga menit ban namadasug au at namaurianan ay ngay baguama at ngay mina. Ay gfadasug kban masakit sa ayu fakabaluun ay at malimu.

Eremyas 18:22

Fabayani wan kanya fagayu nu guro kalimu, gina at ngay fawayan nanrasras at ngay bale. Ay kanya fagayu nalusung laman ku fakatongan, ay nawat yangay sangdaw laman kasangdaw au.

Eremyas 4:11

Kadasug ban sik menit, Yawi glong sa sangay taw Uda ay sa sangay taw Erusalem te, “Siginan ban baliwas talun at yud e taw fag ngay tagbudbuksulanun, gtagmara masugba kadasug sa ku ngay taw, ay kafag tagmara bundi famalayug ngay upa.

Eremyas 4:20

Gdoddogan faurianan nu kadasug, ay fagdaul talun anrasras wan. Anggan ku ngay bale ramit anrasras yangay.

Eremyas 4:8

Nu katanya, suluni ay ngay lanbung famatoglag te, kabalu am ay waywayi te, “Yawi kadotama yay gugat antam.”

Eremyas 6:14

Kanya fagayu gfutus oma ku ngay taw at bangbang ay wa fia kasalag, nu bunway glong way te, ‘Mabayan waymi!’ Ay aroro mangaro, wa mabayan.

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Eremyas 8:21

Maksvn nu gidapan au gamatangan ku ngay kaiban at fagdalanun fag fagidapun.

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Eremyas 9:10

Eremyas nalong te, Nanwayway au maksvn laman sa sangay buksul ay sa sangay fagnamafangonan, aroro at makmak an-gong wan ay we gdalan ya sanya. Ay kwe dungganan ya ngay baka nu guni, ay anggan ngay manuk tungud ay tiba yak mela anyayu wan.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 2:11

Nawayway au ay ku ngay mata anbuksul. Maksvn wan nu gafanawa au ay ku amatanganan kata nu nrapyag, aroro sat kindasug fag faurianan sa ku ngay kaiban. At ngay sisian ay at ngay ngenge anmomuy gina si sangaba dalan.

Takabalu 3:16

Ku ngay bagang anringo wan, aroro kanya nafaon sa angku lagnas, ay nasiad angku.

Takabalu 3:48

Ku liasun nanting aroro sa ku ngay kaiban at nadalan fag faurianan.

Takabalu 4:10

Ay sat kindasug fag faurianan sa ku ngay iba, dewa at mafangesug fag ngay mina nafatama wan at ngay mesa sisian ay naon, aroro maksvn nu kalunus.

Takabalu 4:3

Ngay idu talun gfasusu tua at ngay riangan, dewa katanya, ku ngay taw madot way sat ngay sisian, gfaning tagbia fag manuk tagsis talun at yud e taw.

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Unas 3:6

Ninibe at fun nu nadungug Unas at foyungan, kanya anlindug siginan at fagmalunggungan ay nabul at lanbung tagfatoglag te, sik fun, ay nasulun yangay saku ay nananmalunggung sas tagalukbuun fag daga laman gfalag te, gubun at asalanan.

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Lukas 7:12

Isus nu munakbang wan sis furuan at sakbawan alad, nafablang sik ngay taw siginans furuan, gbuba sik taw at mabulan laman namoli. Kanya at mabulan sik fagbubayun at baguama fag sadi. Kafag fagbubayun sadi way at sisian. Ay sik ngay taw ngayu siginans furuan galo anya.

Santiagu 4:9

Abalui ay waywayi. Abat ngate am kase, abalui way. Ay abat ngate am guseganan, afanawai way.

Santiagu 5:1

Dungugani, am at ngay maramraman. Waywayi ay sidsiduani, aroro umdasug sa ayu ngayuk mauri.