Eremyas 6:24 - Fanawbuid tagsibaliwas Fakayabian

²⁴ Nu nadungug ami takatanya, anmomuy ami ay kalimu ami ay e faganinianun kata sik mangena tagafasalugun wan.

Eremyas 6:24 ပူးပေါင်းရင်းမြစ်များ

Alubad. 48:6

Kanya fagayu gtadtaruyan kalimu, kata sik mangena tagidapan nu gfasalug.

Isayas 21:3

Katanya ku nalag si ku taginfan, ay anlimu au maksvn ay sik fansait bilug andasug sa angku, kaksvn sik mangena nu gidapan gina gfasalug.

Isayas 28:19

Ay kayu ban menit kadasug sa ayu takatanya, sbalabag ay sad yabi, ay matuyan wan umlimus am.” Gina ban am natogdungug kanya fag foyungan umlimu wam fia.

Eremyas 13:21

Tain ro am namatangan at nagbilug emu nu am fagadgalangan way fag talun? O nunda ro nu gamatangan o wa kata sik mangena tagafasalugun wan?

Eremyas 22:23

Am fag ngay tagbanwan sis furuan Erusalem fag bale daul tangabat at mawatan kayu sidru tagsiginans Lebanun, mafanyuan ban am gina ban andasug sa ayu fagidapun, kata ban am sik mangena tagidapan nu gfasalug.

Eremyas 30:6

E fagintoun au sa ayu. O batang wam e nalag sik mangama tagfasalug? Ay wain ku fagelaganun at mabitsug fag ngay mangama takalaksi wan, ay tagted at ungdan kata sik mangena tagafasalugun?

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Eremyas 48:41

Ay e nangagbilug wan tagsis Muab fag ngay furuan ay at mogat fag ngay fagsuksuanan. Ginanya ban fag ngay menit, Muab at ngay tagfawayan kalimu maksvn kata sik mangena tagafasalugun.

Eremyas 49:24

Ngay taw Damasku kamomuy ay glagyu aroro kalimu. Kanya fagayu maksvn nu kalimu, ay gidapan gamatangan kata sik mangena tagafasalugun.

Eremyas 50:43

Ay talun Babilunya at fun nu nadungug takatanya, anmomuy, kalimu ay e faganinianun kata sik mangena tagafasalugun wan.

Esekyel 7:17

Kanya ban fag ngay taw at ngay take umlukme ay at ngay tud tumadtaruyan.

Daniel 5:9

Nu katanya, fun Belsasar anlimu ay kaugat nu gtadtaruy. Ay takadungug fag ngay taw wa saful ya at fagnamakamulunun.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.