Eremyas 6:23 - Fanawbuid tagsibaliwas Fakayabian

²³ Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Erusalem.”

Eremyas 6:23 ပူးပေါင်းရင်းမြစ်များ

Isayas 10:32

Ginanya fag menit, ngay taw Asirya nangadasug sas Nub ay namasaful te, namawayan Buksul Siun, Erusalem at buksul.

Isayas 13:18

Ay kanya fagayu we afanyu ya gfabul taw Babilunya at ngay baguama siginans banyas. Ay wa yangay e afanyu ya sa sangay sisian.

Isayas 17:12

Dungugani! Sik ngay taw ngayu garingang kata sik lugwak nu gfawas.

Isayas 19:4

Namafagtainan kban sa anya sik madot fag fun.” Katanya tam Fun, Yawi at Mabalyanan at longan.

Eremyas 25:32

Yawi at Mabalyanan glong yay fia te, “Madiriani tua! Faurianan kadasug sa sangay talun kata sik maksvn fag fulug siginan tangayayu fag fatuan daga.”

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Eremyas 4:16

Kanya nasugu kafag ngay tagfosuk longan laman namadasug famararang sa sangay talun ay sas furuan Erusalem te, e ngay fawayan siginan tangayayu fag talun takaylat namawayan Uda at ngay furuan.

Eremyas 4:29

Ngay tagbanwan si sangay furuan nalagyu aroro kalimu nu nadungug ngay tagakabayuan ay at ke ngay godun nu garingang. Tiba nalagyu sasad araw, ay tiba naulul sa sangay fungsu. Ay kanya fagayu naubun at ngay furuan ay we gbanwan ya.

Eremyas 5:16

Ay kanya fag talun at ngay tagfawayan fagayu madot ay maseganama, ay at ngay banyas kamabul.

Eremyas 50:41

“Damai! E ngay tagfawayan kadasug siginans fawalan fag alvngvdan. Kanya fagayu anggan at ngay funan sik mabalyanan fag gaban taw. Kanya fagayu siginan tangayayu, ay mafalganan laman namawayan talun Babilunya.

Eremyas 50:42

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Babilunya.

Eremyas 6:4

Ay at ngay tagfangguna glong te, ‘Falganani! Gina ro swabilug menit, namawayan tam anya.’ Dewa katanya, nu sawa sfafun baliwa, at ngay tagfangguna glong te, ‘Gakafalyuun wan menit ay gakadulumun wan.

Eremyas 8:16

Tam ngay fawayan at ngay kabayu nu gengasan kadungug siginans Dan. Ay si omay lang at ngay uni, fagdaul talun gtadtaruyan wan. Kanya fagayu andasug laman nanrasras tuy fag talun, ay ste fag furuan ay fagayu tagsanya.”

Esekyel 21:31

Namadasug kban sa ayu ku dotama, ay namagbilug kban ayu sa sangay taw tagsaful gfabul.

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.