Eremyas 6:22 - Fanawbuid tagsibaliwas Fakayabian

²² Yawi nalong yay fia te, “Damai! E ngay tagfawayan kadasug siginans fawalan fag alvngvdan. Kanya fagayu siginan tangayayu ay at mabalyanan fag gaban taw at mafalganan laman namawayan.

Eremyas 6:22 ပူးပေါင်းရင်းမြစ်များ

Nemyas 1:9

Dewa katanya, nu kafoli tuam sa angku ay namafasludan ku ngay suguan, dewa ban am nasaruayan sa tangayayu fag ngay talun, namaful kyay ban fia ayu sa ku nafili fag talun, laman namauseganan am angku.’

Eremyas 10:22

Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.

Eremyas 13:20

Banawani ngay fawayan takadasug siginans fawalan fag alvngvdan. Furuan Erusalem, dada wan am ngay tagbanwan am fakamatungudunun fia, ebi ku nafatigwanan sa emu te, alagai?

Eremyas 25:32

Yawi at Mabalyanan glong yay fia te, “Madiriani tua! Faurianan kadasug sa sangay talun kata sik maksvn fag fulug siginan tangayayu fag fatuan daga.”

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 4:16

Kanya nasugu kafag ngay tagfosuk longan laman namadasug famararang sa sangay talun ay sas furuan Erusalem te, e ngay fawayan siginan tangayayu fag talun takaylat namawayan Uda at ngay furuan.

Eremyas 4:6

Fadasugi sik famararang sa sangay taw Erusalem laman kanya fagayu masakit glagyu, aroro namadasug au tagrasras siginans fawalan fag alvngvdan.”

Eremyas 47:2

“E ngay tagfawayan tagsiginans fawalan fag alvngvdan kata sik lugwak at kinkapnu fagdaul furuan. Ay kanya nanrasras kanya fag talun fagdaul, anggan ngay taw tagbanwan sanya. Ngay taw ban maksvn nu gudguroan ay nu gwayway aroro kalimu.

Eremyas 5:15

Yawi glong te, “Ngay taw Israel, namadasug au sa ayu sik gaban taw tagsiginan tangayayu fag talun laman namaurianan ayu. Kanya sik gaban taw taglugo wan nu gbanwan sit talun, ay ay fagyudun togdungug at fangaringang.

Eremyas 5:16

Ay kanya fag talun at ngay tagfawayan fagayu madot ay maseganama, ay at ngay banyas kamabul.

Eremyas 6:1

“Benamin at ngay kasugfunanan, lagyui ay nanuksuani! Loi wan siginans furuan Erusalem! Ay uyupi ay budyung sas furuan Tekwa ay fadungugi anggan sas Bet-Akerem fag furuan, aroro faurianan kadasug wan siginans fawalan fag alvngvdan.

Esekyel 21:31

Namadasug kban sa ayu ku dotama, ay namagbilug kban ayu sa sangay taw tagsaful gfabul.

Esekyel 23:22

“Nu katanya, Uliba, au, Fun Dius Yawi, glong au sa emu te, namawayan au sa emu am ngay naiyan ay am nafataladan fag ngay mangama.

Abakuk 1:6

Ngay taw Babilunya gfangadotama ay kamabul, ay gsugu au anya fagayu laman namawayan. Kanya fagayu masakit nu gfawayan ngay talun sas fagdaul daga, laman nangagbilug ngay taw at fagbanwanan.

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.