Eremyas 6:21 - Fanawbuid tagsibaliwas Fakayabian

²¹ Nu katanya, namoli au sa sangay taw at dalan sik fakataidan laman umlub. Ngay fagtainan ay at ngay sisian, anggan at ngay fagadgalangan ay at ngay fasabale umbul.”

Eremyas 6:21 ပူးပေါင်းရင်းမြစ်များ

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Isayas 8:14

Au ban ay fagsarirungan. Dewa katanya, nu sa sangay taw Israel ay sa sangay taw Uda, kata kway sik fakataidan fag gang. Ay nu sa sangay taw tagbanwan sis Erusalem, kata kway sik sangdaw.

Isayas 8:15

Ay ngayu bank taw takataid, takalub, ay takafaurianan. Ay ngayu yangay ban at kumsiuk sanya fag sangdaw, at masuad te, tagatabanan.”

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Eremyas 13:16

Fauseganani ay Dius Yawi kaduge yud nafadasug fagmadulumun, ay gina am yud anlub sat madulum fag ngay buksul. Kanya ban namasik maksvn fag fagmadulumun ay fagsegun fag mayamag.

Eremyas 18:21

Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 18:23

Dewa katanya, saful way o kanya fagayu at ngay algan laman namabul angku. Nu katanya, lag o gfalyam kanya fag ngay taw at ngay asalanan ay at ngay fagmauriun. Fabayani wan at ngay fawayan nu gbabo anya fagayu kaduge o gdama. Fadasugi wan am dotama sa anya fagayu.”

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 8:12

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Esekyel 3:20

At matuyan fag taw nu naubun way at fagmatuyanun ay kanya ansik mauri ay nu nafabayan way o anya nu gfataglayun sat fagmauriun, kanya umbul. Nu dway o nafararang ya anya, kanya umbul, ay kwa ban gamatang ya at ngay nafakamulun at masine. Ay o wan at ke kurang sa angku kanya fag taw at faginbulun.

Esekyel 5:10

Nu katanya, at ngay fagtainan ban kon wan at ngay sisian ay at ngay sisian ban kon wan at ngay fagtainan. Namaurianan kban ayu, ay at sawad ban namasaruayan au sas fagdaul daga.

Ruma 11:9

Ay Dabid nalong yangay te, “Kafag ngay taw at falganan fag ngay fakonun umkata wa nangus fia sik litag ay sik sangdaw sa anya fagayu, ay kanya tagfatong ay tagfadasug anya fagayu sas faurianan.

Ruma 9:33

Kata at Rirukan te, “Damai, nafoli au sik fakataidan fag gang si sangay taw Udyu, kanya ban tagfalub kafag ngay taw. Dewa katanya, nusnga sinu tagafanud sanya fag gang di ban umkapla.”

1 Pedru 2:8

Ay “Kanya sik fakataidan fag gang, tagfalub ban ngay taw.” Kanya fag ngay taw antaid aroro kamabo Dius at Longan. Katanya Dius at nafalganan sa anya fagayu.