Eremyas 6:20 - Fanawbuid tagsibaliwas Fakayabian

²⁰ We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Eremyas 6:20 ပူးပေါင်းရင်းမြစ်များ

2 Samwel 15:12

Gina Absalum gfon fanggalangun, kanya nafauro Akitufel tagsiginans furuan Gilu. Akitufel Dabid at tagfalu longan at sadi. Ay ngayu at nangasadi sas Absalum, nu katanya, Absalum kaugat yay nu nangasaman siginans Dabid.

1 Fun 10:10

Ay kanya nafon sas fun Sulumun ufatk libuk fabudbungguan gintu, ngayuk famaenamnam fakonun, ay at mafanud fag ngay gang. We mafasud at kayuan at nafon anya fag ngay famaenamnam fakonun.

Alubad. 40:6

Wo guseganan nusnga setaw fag fanggalangun. Ay wo naet nusnga setaw fag fagirugun fag fanggalangun, ay fanggalangun famalyam asalanan, bundi mangaro tuy fagayu am fagetun. Nu bunway nagubuk o angku laman gtogdungug au am longan.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Nu Galin 30:23

“Namul o sik masine fia fag ngay fangawat: unumk fabudbungguan lune, tuluk fabudbungguan sinamun at masine nu kayuk, tuluk fabudbungguan kata sik ngawe at mamam.

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Fangatulun 21:27

Yawi kauri way taw mauri at fanggalangun, kaugat wan at algan nu mauri way.

Isayas 1:11

Katatuy Yawi at longan te, “We tungkul sa angku ay ngay fanggalangun dewa ngayu. Kasuya kwan ay ngay fagirugun fag ngay tupa anggan ay fanggalangun fag ngay baka at taba. Ay kwa guseganan ya ay fanggalangun fag ngay baka ay ngay kambing at taguk.

Isayas 60:6

Ay ay talun umkapnu kamelyu siginans Midyan ay Efa. Ay kanya fag ngay taw siginans Syeba umdasug sa emu gbuba gintu ay ngay famaebebanglu fag lune laman nanseg Yawi.

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Eremyas 14:10

Ay Yawi nabalus te, “Matuyan, anyayu am siginan angku. Nafaning am ay sadili fakaylatun. Nu katanya, kwa kaylat ya ayu. Ay kwa ban kalyam ya ay ngay fagmauriun, ay namaurianan au ayu.”

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Esekyel 20:39

Fun Dius Yawi gdog yay nalong sa sangay taw Israel te, “Nu dway am kaylat gfaning angku, fataglayuni wan nu gfaning am ay ngay fagsegan. Dewa katanya, kadasug ban tibak menit wa ban am mafauri ya ku ngayan siginan nu gfon am ay fanggalangun sa ay ngay fagsegan.

Esekyel 27:22

“ ‘Ngay taw Syeba ay ngay taw Raama nanamabangsi yangay sa emu, ay at famayad sa emu at masine fia fag famasuglat fakonun ay at mafanud fag ngay gang ay gintu.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Usea 9:4

Kanya ban wa kaylat ya nu gfon am ay fanginum fag ngay fanggalangun sas Yawi. Dewa ban am gfon gugat takatanya, wa guseganan. Ay nusnga sinu ban takon at nafon fag fanggalangun glong te, masuya way, aroro kata fakonun si sik bale ke mabulan. Ay ngay fakonun sa way lang ay sadili, bunwa sas Yawi at bale.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.