Eremyas 6:19 - Fanawbuid tagsibaliwas Fakayabian

¹⁹ Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Eremyas 6:19 ပူးပေါင်းရင်းမြစ်များ

Fangatulun 15:26

Yawi kauri at mauri fag ngay taw at namatangan, dewa katanya, guseganan tua ngay taw at amatanganan nu ddi e malong.

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 5:24

Nu katanya, umkata ban am sik ngay nagutan ay sik makmak at kinyango ay at natubung masakit. Ay kata yangay am sik tanum at kindan at lalid ay at ngay barugwak at kinlangke ay takalayug kata lukbu, aroro natalyuyan am Yawi at Mabalyanan at longan, ngay taw Israel at Dius at yud e Malong, ay nafayud am e masuad at ngay foyungan.

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Eremyas 11:11

Nu katanya, au, Yawi, glong au te, ‘Namadasug au sa anya fagayu sik faurianan at yud e malangfe. Ay kanya ban fagayu dewa get gubuk sa angku kwa ggubuk ya.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 19:3

Longi ro te, ‘Uda at ngay fun ay ngay taw Erusalem, katatuy Yawi at Mabalyanan, Israel at Dius, at longan: Gfadasug kban ste fag talun at maksvn fag faurianan ay fagayu ban at nadungug takatanya umlimu maksvn.

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 22:29

Am fag ngay tagbanwan sis talun Uda, dungugani Yawi at longan.

Eremyas 29:19

Aroro kabavn kanya fagayu wa gdungugan ku ngay longan siginan ku ngay fagsuguan fag ngay taglong. Ay anggan am at natabanan wam nafandungug.”

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Eremyas 4:16

Kanya nasugu kafag ngay tagfosuk longan laman namadasug famararang sa sangay talun ay sas furuan Erusalem te, e ngay fawayan siginan tangayayu fag talun takaylat namawayan Uda at ngay furuan.

Eremyas 4:4

Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Eremyas 49:37

Namamin kwan anya fagayu siginan at ngay fawayan takaylat namabul. Ay gfadasug kban sa anya fagayu sik faurianan, aroro maksvn wan nu kadotama au anya fagayu. Au, Yawi, taglong tuy. Gfadasug kban ngay fawayan sa anya fagayu yakmay ban kanya fagayu ankamin.

Eremyas 6:10

Ay nainto au sas Yawi te, “Sinu ro ku fagnamararangan? Ay sinu yaro takaylat gdungugan angku? Ay kanya fag ngay taw nataup wan at ngay talinga laman wa gdungug angku. Ay kanya fagayu maksvn nu kauri am longan, ay wa kaylat gdungugan.

Eremyas 6:18

Nu katanya, Yawi nalong te, “Ngay talun at taw dungugani ay damai fia takafasludan sa ku ngay taw.

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Eremyas 8:9

Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Usea 10:13

Dewa katanya, natanum wayam fagmauriun, ay ay nagutlu fagmauriun yangay. Nafamuag am, ay fakauriun way at rawvg. Aroro sa ay fagafanudun sa ay sadili fagmakatuun, kata nangus nu ngayu ay ngay tagfawayan,

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Amus 2:4

Katatuy Yawi at longan sabaliwas Uda: “Ngay taw Uda gfataglayun way gugat nu gasalanan, nu katanya, namaurianan kban anya fagayu. Kanya fagayu nafamabo ku ngay suguan ay wa nafaning ku ngay fangatulun. Ay siginan nu gseg at ngay mangaguyang at ngay fagsegan, kanya fagayu ansik malyaman.

Mikas 1:2

Fagayu am tagbanwan sas fagdaul daga, dungugani. Aroro Fun Dius Yawi nangaringang sabaliwa ayu siginan at Bale yud e malong.

Mikas 6:2

Ay am fag ngay buksul, fagdaul daga at mogat at fagtungkudan, dungugani Yawi at longan sat ngay taw Israel.”

Uan 12:48

Nusnga sinu takauri angku at yud kaylat gfaning ku longan, e gfauri ban anya. Ku foyungan fag ngay longan tagfauri takatanya fag ngay taw sa taguyan fag menit.

Fakamulun 8:22

Ubuni am asalanan ay darangini sa tam Fun laman Dius gfalyam am mauri fag amatanganan.

Deuterunumyu 30:19

Katsi fag menit guro au banwa ay daga laman tagfatuyan nu inday ay fakaylatun: leleg mannga fakabulun, ay famonun mannga faurianan. Leleg tua nangus ay fagfiliun, laman ban ngaduge tua nu gleleg am anggan ay ngay kasugfunanan.

Deuterunumyu 32:1

Banwa dungugani, garingang au! Ay daga dungugani ku ngay longan.

Deuterunumyu 4:26

Katsi fag menit nauro au banwa ay daga, laman gfatuyan te, nu dway ban am gfaning angku, wa ban ngaduge nu gbanwan am sa ay fagnangagbilugun fag daga, sas dife Liskung Urdan. Ay wa ban ngaduge nu gbanwan am sanya. Ay sanya ginan ban fagayu am umbul am.

1 Samwel 15:23

Fakamaboun sas Yawi gsud yay nu mauri fagfangufitun, ay takamaogatun nu mauri gsud yay tagseg tibak fagsegan. Aroro wo nafaning Yawi at longan, kanya wa kaylat ya emu laman ngay taw Israel at fun.”

1 Samwel 15:26

Dewa katanya, Samwel nalong te, “Kwa nangalo ya emu. Aroro sam nafamaboan, Yawi wa kaylat ya emu laman ngay taw Israel at fun.”