Eremyas 6:16 - Fanawbuid tagsibaliwas Fakayabian

¹⁶ Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Eremyas 6:16 ပူးပေါင်းရင်းမြစ်များ

1 Fun 8:36

dungugani tua ban anya fagayu sanya sis banwa. Ay falyami ban am ngay fagsuguan fag ngay taw Israel at ngay asalanan. Foyungi anya fagayu laman matuyan tua nu gbanwan, ay fadasugi arak sa am nafon sa anya fagayu fag talun laman at fagagbilugun.

2 Krunika 19:11

Ay nu e malong wayam sabaliwa Yawi at suguan, at namasine Amarya fag tagfon fanggalangun. Ay nu sabaliwa ay fun ay fagyudun mafasine, at namasine Sebadya Ismael at baguama fag tagfangguna Uda at gaban. Ay ngay taw Lebi gubuk ayu laman e fagmatuyanun tuam gugat. Maksvni tua nu gfakamulun am ay ngay fakamulun. Yawi ban nangus gufud tua ngay taw tagfakamulun at matuyan.”

Alubad. 116:7

Yawi matuyan tua sa angku. Nu katanya, mafae fagmanabayanun ktua ku amatanganan.

Isayas 2:5

Akub at ngay kasugfunanan, nangugali tam kata Yawi at foyungan, aroro at foyungan kata sik yamag sa antam.

Isayas 28:12

Katatuy Yawi at longan, “Ste ay fagfiangalayan. Am fag ngay mamomuy, fiangalayi.” Dewa katanya, kanya fagayu wa kaylat gdungugan.

Isayas 30:21

ay dumungug wam fia nu garingang nu namoyung ayu at matuyan fag dalan, dewa nusnga nday am.

Isayas 46:9

Amatangi tua gugat te, au wan Dius, ay we tiba ya.

Isayas 57:2

Aroro at matuyan fag taw nu nbul wan, manabayan wan ay gfiangalay.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 18:12

Dewa katanya, ngay taw gbalus te, ‘Duan! Gfataglayun wami em ngay fakaylatun; gfaning wami em amatanganan takamaogatun.’ ”

Eremyas 18:15

Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.

Eremyas 2:25

Ngay taw Israel, ay ngay lapak anyangfis wan ay ay ngay mirmir an-gong wan nu gseg am sa tibak fagsegan. Dewa kaksvn nya, glong yayam gugat te, ‘Wami kaylat gubun tibak fagsegan. Kesug waymi ay gfaning anya.’

Eremyas 22:21

Nafararang kwan sa ayu ebi gina yayam manabayan, dewa katanya, wam nafandungug. Katanya wan ay ugali siginan nu mabaguama am, wam gfaning angku.

Eremyas 31:21

Fiungi tua ay turuki sa ay ngaba dalan laman ay fagaloan, ay amatangi tua ay dalan, aroro sanya yay ban ay dalan gina am kafoli. Ku ngay sisian fag ngay taw Israel ulii wan sa ay ngay furuan ayu daul.

Eremyas 42:3

Darangini sas Yawi am Dius, laman kanya gfoyung emi nu dada ban nu glao ami ay nu setain ban em fakamulun at masine.”

Eremyas 44:16

“Wami gafanud am ngay nalong sa emi sas Yawi at ngayan!

Eremyas 50:5

Kanya ban fagayu ginto te, ‘Dada dalan tagsas furuan Erusalem aroro glao ban mi sanya?’ Ay kanya ban fagayu nangawat sik nasadian at yud e fakatabuan laman sa angku ay gamatang tua ban gugat kafag nasadian.

Eremyas 7:23

nu bunway, nasugu kyangay te, ‘Faningi angku, ay au wan ay Dius, ay am wan ku ngay taw. Banwani kata ku nalong ayu fag balyawvtan laman ban mabayan tua nu gbanwan am.’

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 7:3

“ ‘Yawi at Mabalyanan, Israel at Dius glong te, Falyami wan ay ngay ugali ay anggan ay famanwanun at yud matuyan, laman ban gfabanwan ktua gugat ayu ste fag talun.

Malakyas 4:4

“Faningi fia ku ngay suguan ku nafon sa ku fagsuguan Muisis. Nafon au anya kafag ngay suguan sis Buksul Sinay laman sa sangay taw Israel.

Lukas 16:29

“Ay Abrayam nabalus te, ‘Sanya wan Muisis ay Dius at ngay taglong at rirukan, kanya ro nangus fagayu gfaning wan.’

Uan 12:35

Isus glong sa anya fagayu te, “Wa ban glugo ya fagmayamagun nu si ayu. Fataglayuni nu glao am kaduge mayamag, laman diam gaduluman. Nusnga sinu taglao sad dulum wa glag at dalan.

Uan 13:17

Mauseganan tuam, nu natogdungug tuam takatanya fagayu.

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Fakamulun 17:11

Ay sis furuan Berea at ngay taw amalukme yap tua sis furuan Tesalunika at ngay taw. Sanya fag ngay taw maksvn nu kaylat gdungugan Pablu at foyungan, ay gtap gugat Dius at Longan kayu menit laman gtuyan te, o matuyan at foyungan.

Ruma 4:12

Kanya yangay at ke ngay fakatoglagan at mama, ay bundi lang nafae fakatoglagan, nu bunway gafanud yangay kata tam mangaguyang Abrayam nu gafanud, gina kanya yud yay nafae fakatoglagan.

Deuterunumyu 32:7

Amatangani sabaliwa at kinlangfe fag ngay banwa, ay at kinlangfe fag ngay kasugfunanan. Ay intoi sa ay ngay fagtainan ay gfoyung ro sa ayu.

Kulusas 2:6

Dakngani gafanud tuam te, Isus tam Fun, fataglayuni tua nu gfaning am anya.

Ebreu 11:2

Dius maksvn nu guseganan ebi taguna fag ngay taw, aroro gafanud tua sa anya.

Ebreu 6:12

Nu katanya, dangay am momuy, nu bunway faningi tua ngay taw at nabul Dius at fatuyanan siginan at fagafanudun ay at fagagwantanun.

Tagfangguna 2:17

Dewa katanya, kanya fagayu wa nadungugan at ngay tagfangguna. Abat ngate, at ngay fakamulun kata way sik tagfaebayad fag mangena siginan nu gseg tibak fagsegan. Kanya fagayu natalyuyan masakit Yawi at ngay suguan, ay wa kata at ngay mangaguyang at nafaning tua.