Eremyas 6:14 - Fanawbuid tagsibaliwas Fakayabian

¹⁴ Kanya fagayu gfutus oma ku ngay taw at bangbang ay wa fia kasalag, nu bunway glong way te, ‘Mabayan waymi!’ Ay aroro mangaro, wa mabayan.

Eremyas 6:14 ပူးပေါင်းရင်းမြစ်များ

2 Samwel 17:3

Ay at ngay fagsuguan ro gfafoli au sa emu kata sik mangena nu kafoli sat mangama. Ay Dabid ro nu nbul wan, at ngay tagfawayan ro wa mafawayan ya.”

Isayas 1:6

Ay siginan ay alfuyu sitsigon ay basad darafa e fakasaitun wan; fagdaul ay bilug nalayungan wan, ay e fagafalanganan, ay e ngay fakarukan. Kafag ngay fakasaitun kabaga, ay wa kafutus ya ay we famafia.

Isayas 30:10

Kafag ngay taw nalong sat ngay taglong te, ‘Lag gfoyung ya emi sabaliwas Dius at nalong sa ayu. Lag gfoyung sa emi at matuyan fag ugali. Am fagfoyungun sa emi nusnge wain yakman tagfauseganan emi, ay sik ngay taginfan yakman at yud kafasludan.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Eremyas 14:13

Dewa katanya, nalong au te, “Yawi em Fun, saful wo ngay taglong glong gugat sa anya fagayu te, ‘Wa ban e awayan ay e fanlunus takadasug aroro Yawi glong te, gfon kban gugat fagmanabayanun ste fag talun.’ ”

Eremyas 14:17

“Eremyas, nanlong o sa sangay taw te, ‘Kayu menit ay yabi, wa karagang ya nu gwayway au aroro maksvn wan ku ngay taw at ngay bangbang, ku natuyan fia te, ku baguina, ay maksvn wan nu kabalu au anya fagayu.

Eremyas 23:17

Katatuy kanya fag ngay taglong at longan gugat sa sangay taw at yud gdungugan ku ngay longan, ay takaylat way gfaning at ngay amatanganan: ‘Manabayan tua ban nu mabanwan am. Wa ban e kadasug sa ayu at mauri.’

Eremyas 28:3

Si bans faduak banwa, gfafoli kwan sa ku bale ngay fagagbilugun fun Nabukudunusur, talun Babilunya at fun, at nabul ay at nabuba sat talun.

Eremyas 4:10

Sanya ginan, nalong au te, “Yawi, ku Fun, nafamuag o sam ngay taw, aroro ebi nafatuyanan o sa anya fagayu te, manabayan tua ban gugat Erusalem. Ay dewa katanya, katsi fiso tagsumbalian at uyup mafalganan wan laman namabul emi.”

Eremyas 5:12

Kanya fagayu wa gfoyung at matuyan sabaliwa angku. Abat ngate, glong way te, ‘Yawi wa gfaurianan antam! We faurianan, we malimu, ay we fanlunus takadasug sa antam.’

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Esekyel 13:10

“ ‘Kanya fag ngay taglong nafamuag sa ku ngay taw, siginan nu glong te, fagayu manabayan way, ay aroro mangaro wa manabayan. Kafag ngay taglong kata way lang nu nadafut afug ay lifak sit yud mogat fag afud alad gang, ngay taw at nawat.

Esekyel 13:16

fag ngay taglong sis furuan Erusalem, at nafamuag te, manabayan ban furuan Erusalem, Au, Fun Dius Yawi taglong tuy.’

Esekyel 13:22

“ ‘Siginan ay fakamuaganun nafae fakabaluun am at matuyan fag ngay taw, ay kdi oma batang gfae fakabaluun anya fagayu. Nafaksvn am at mauri fag ngay taw at amatanganan laman gfataglayun sat fagmauriun, siginan nu gfatuyanan am sa anya fagayu te, malangfe am siginans fakabulun.

Esekyel 14:9

“ ‘Ay sik taglong nu nafoyung at yud matuyan fag foyungan, au, Yawi, at nafamatanganan anya laman gfoyung takatanya. Gfaurianan kban anya ay nangaiyan siginan ku ngay taw at fagmafulan.

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Mikas 3:5

Katatuy Yawi at longan sabaliwa takamuag fag ngay taglong tagfatuyanan te, manabayan ban ngay taw tagfon sa kafag ngay taglong fakonun, dewa katanya, gidapan way ban at yud gfon sa anya ngay fakonun.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

2 Pedru 2:1

Ebi e takamuagan fag ngay taglong si sangay taw Israel, ay kadasug yangay ban sa ayu takatanya fag ngay taglong. Kafag ngay taw masuksukan nu gfadasug tagsalan ay at mauri fag ngay foyungan. Ay kanya fagayu kauri tam Fun, at nafalangfe anya fagayu. Nu katanya, faurianan ban masakit nu kadasug sa kafag ngay taw.