Eremyas 6:13 - Fanawbuid tagsibaliwas Fakayabian

¹³ Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 6:13 ပူးပေါင်းရင်းမြစ်များ

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Eremyas 14:18

Ay nu nalao au sas fagtanuman ay sas furuan daul, nalag au at ngay kinbul sis awayan ay sis fanlunus. Ngay taglong ay ngay takamoyung gfataglayun nu gfakamulun, dewa katanya, wa saful at ngay fakamulun.’ ”

Eremyas 17:11

Sik taw at kinramraman siginan at yud masine fag balyawvtan kata way sik fanginan taglub sit yud sadili iklug. Ay gina ban swabilug at leleg, at ramraman ban umkalyam wan, ay umtuyan te, sik yud way e fagsafulun.”

Eremyas 2:26

Ngay taw Israel, umkapla ban am kata at nagamatan fag tagfangkamul. Gafaplan ban am, anggan ay ngay fun, ay ay ngay tagfangguna, ay ay ngay tagfon fanggalangun ay ay ngay taglong.

Eremyas 2:29

Nu katanya, wain ay fagnangetun yay sa angku? O nunda wam nafabadbaboan angku?

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Eremyas 23:10

Mapnu wan ste fag talun tagseg tibak fagsegan, aroro sat ngay taglong at ngay fakamulun at mauri ay nu gfasawe nu gfakamulun. Nu katanya, Yawi nafauri kafag ngay taw at talun, ay at ngay fananumun an-gong wan ay anlangke.

Eremyas 23:11

“Ngay tagfon fanggalangun kata yangay sik ngay taglong; kanya fagayu nafakamulun at mauri dewa si ku bale.

Eremyas 27:15

Katatuy Yawi at longan, ‘Kwa nasugu kanya fag ngay taglong. Kanya fagayu glong ku ngayan laman kamuag sa ayu. Nu katanya, nu nafanud way ban am, gaiyan kban ayu ay kabul ban am, gasfuan kanya fag ngay taglong.’ ”

Eremyas 32:32

Ngay fun, ay ngay tagfangguna, ay ngay taglong, ay ngay tagfon fanggalangun tagsiginans Israel ay Uda nafadotama angku siginan nu gfakamulun at mauri.

Eremyas 42:1

Sanya ginan, Ukanan, Kareak at baguama, ay Asarya, Usaya at baguama ay at ngay ufud fag tagfawayan, ay fagayu taw, at yud e kwa ay anggan takadungug nanangakbang sas Eremyas.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Esekyel 22:12

Ay tibak taw get famayad laman gfabul, ay tiba gfafamut nu get sat fagfabedanan ay tibak taw anramraman aroro gfangalabian salapi. Kanya fag ngay taw wa gamatang ya angku. Au, Fun Dius Yawi, taglong tuy.

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 3:5

Katatuy Yawi at longan sabaliwa takamuag fag ngay taglong tagfatuyanan te, manabayan ban ngay taw tagfon sa kafag ngay taglong fakonun, dewa katanya, gidapan way ban at yud gfon sa anya ngay fakonun.

Lukas 16:14

Ay ngay taw Fariseu nu nadungug Isus at nalong, kanya fagayu nafalingun anya aroro kanya fagayu kesug salapi.

1 Timuteu 3:3

ay di glanguan, ay di gfangagras nu bunway malukme tua, ay di gfangalabian salapi,

2 Pedru 2:1

Ebi e takamuagan fag ngay taglong si sangay taw Israel, ay kadasug yangay ban sa ayu takatanya fag ngay taglong. Kafag ngay taw masuksukan nu gfadasug tagsalan ay at mauri fag ngay foyungan. Ay kanya fagayu kauri tam Fun, at nafalangfe anya fagayu. Nu katanya, faurianan ban masakit nu kadasug sa kafag ngay taw.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.