Eremyas 6:12 - Fanawbuid tagsibaliwas Fakayabian

¹² Ay namon kwan sa tibak taw at ngay bale anggan at ngay gamasun ay at ngay bubay. Umfasludan ban takatanya gina au nafaurianan ngay taw tagbanwan ste fag talun. Au, Yawi, taglong tuy.

Eremyas 6:12 ပူးပေါင်းရင်းမြစ်များ

1 Krunika 21:16

Ay Dabid natangda ay nalag Yawi at tagbarita nu malindug sis kiwang sis wabilug banwa ay daga. Ay kanya fag tagbarita e bitbitan fiso ay gfatiuan sas Erusalem. Nu katanya, Dabid ay at ngay fagtainan nasulun saku ay natudan laman gfalag te, kabalu.

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:12

Ngay taw Sirya ban kadasug siginans fakamenitan ay ngay taw Filistia kadasug yangay siginans fakayabian laman nanrasras talun Israel. Kanya fagayu kata at madot fag mela at mafalganan wan nangagat. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:21

Ngay taw Manase ay ngay taw Efraim nangawayan, ay sanya ginan, kanya fag dua nangasadi laman namawayan ngay taw Uda. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 21:5

Au wan at namawayan ayu siginan ku fagmabalyananun aroro maksvn nu kadotama au ayu.

Eremyas 38:22

Fagayu mangena at kinfamato sim bale, ngay tagfangguna ban gtaban sas talun Babilunya. Ay kanya ban fag ngay mangena glong emu te, ‘Am ngay fagadgalangan gfalingun emu, ay am darafa malubguban way sisad lifak, ay kanya fagayu natalyuyan wan emu.’

Eremyas 38:23

“Kanya ban fagayu gtaban wan fagayu am mangena ay anggan am ngay sisian sas talun Babilunya ay wa ban o malagyu ya. Ay kanya ban fagayu girug wan tuy fag furuan.”

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Takabalu 2:8

Yawi anke algan nanrasras furuan Erusalem at alad. Kanya nafalganan laman namakamulun takatanya. Ay nafataglayun at algan.

Takabalu 3:3

ay malayun nu gfaurianan angku kayu menit ay yabi.

Takabalu 5:11

E natugtug em ngay mangena sis furuan Erusalem, ay e natugtug yangay em ngay baguina sis Uda fag ngay furuan.

Takabalu 5:2

Tibak talun at taw nagbilug em ngay daga, ay em ngay bale.

Takabalu 5:3

Em ngay mama anbul wan, nu katanya, em ngay mina ansik ngay fagbubayun.

Esekyel 35:3

‘Au, Fun Dius Yawi, glong au te, am tagsis Buksul Seir, ku fawayan wayam. Gfaurianan kban ayu, ay ay talun ban umsik mabaluanan maksvn.

Esekyel 7:24

Ay at ngay bale ban namagbilug kwan sat mauri fag ngay taw. Ay takadungug ban fag ngay taw we fakamatungudunun ya, ay at fagnansegan ban fag bale namasik masuya kwan.

Mikas 2:4

Ginanya ban, ngay taw gfalingun ayu siginan nu galubad at mabalu te, ‘Katsi afanyuan wami! Yawi nagbilug wan em ngay daga ay nafon sa sangay tagfandaya.’ ”

Sefanias 1:13

Tiba ban ktaw nangago kafag ngay taw at fagagbilugun ay nangiklas at ngay bale. Bunwa ban kanya ya at namanwan sat ngay bale. Ay bunwa yangay ban kanya ya at nanginum at fanginum siginan at tanuman wat ubas.”

Sefanias 1:4

Namaurianan au ngay tagbanwan sis Uda, ay fagayu tagbanwan sis Erusalem. Namamin kyangay at kinsawad tagseg Baal fag fagsegan, anggan ngay tagfon fanggalangun tagfakamulun sanya laman ban kanya fagayu wa kamatang ya.