Eremyas 6:11 - Fanawbuid tagsibaliwas Fakayabian

¹¹ Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Eremyas 6:11 ပူးပေါင်းရင်းမြစ်များ

Isayas 40:30

Ngay baguama kamomuy yangay ay kalufuy ay kataid,

Eremyas 15:17

Kdi nanangalo kanya fag ngay taw nu nanguseganan ay nu nanfamanagsag. Gsadilian kway aroro nafae fakadotamaun o angku.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 18:21

Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 20:9

Tiba ginan, gamatangan au te, deyud ya ku nafoyung sabaliwa emu ay ku nafamoyung am ngay suguan sa angku. Dewa katanya, kwa nafaragang, aroro am ngay longan kata sik afuy tagigang si ku amatanganan ay si ku ngay bini.

Eremyas 5:9

O nunda kwa ro masine gfaurianan anya fagayu aroro sat ngay nafakamulun mauri? Ay o nunda ro kwa yangay masine gfasud takatanya fag ngay taw? Au, Yawi, taglong tuy.”

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Eremyas 9:20

Eremyas glong sa sangay mangena te, Katsi, dungugani fia Yawi at longan. Ay foyungi ay ngay baguina ay anggan ay ngay iba nu setain nu nanwayway ay nu nangabalu.

Eremyas 9:21

Ay fakabulun nasakbo wan sa tam mesa bale ay anggan sa tangabat fag bale. Ay kanya nafabul tam ngay sisian si sangay dalan anggan tam ngay baguama sis fagaweanan.

Takabalu 1:15

Fun Dius naiyan ku ngay tagfawayan siginan ku daga salubangan. Ay kanya nafaful ku ngay fawayan laman namabul ku ngay tagfawayan at mabaguama. Fun Dius nafamin ngay taw Uda kata nu gturis ubas at rawvg sis fagturisan.

Takabalu 2:21

Ay at kinbul fag ngay sisian ay fag ngay fagtainan grapyagan si sangaba dalan. Ay anggan ngay baguama ay ngay baguina anbul sis fagawayanan. Andotama o anya fagayu, nu katanya, wo nfanyu ya gfabul.

Esekyel 3:14

At Falad nabuba angku sa tangayayu. Nu katanya, maksvn nu kauri au ay kadotama, dewa katanya, Yawi nafaragang tua takatanya ku amatanganan.

Esekyel 3:3

Kanya nalong angku te, “Oni ay apsugi.” Ay naon au, nu kanamnam matamis kata sik deut.

Esekyel 9:6

Namabul am ngay fagtainan, ngay baguama ay ngay baguina, ngay mina ay at ngay sisian, dewa katanya, lag am gfabul ngay taw at marirukan at dangasan. Nu gfabul am, fasigadi siginan ku bale.” Ay taguna at nafabul, ngay tagfangguna sis Yawi at bale.

Mikas 3:8

Dewa katanya, Yawi at Falad si tua gugat angku, kanya gfon angku fagmabalyananun laman mafafasludan au at matuyan, ay gfabitsug tua ku amatanganan laman mafafoyung au te, ngay taw Israel ay taw Uda gasalanan.

Lukas 17:34

“Glong au ayu te, ginanya ban fag yabi e duak taw gtaladan gtiug. E nabul wan at sadi, ay at usama anfamato way.

Fakamulun 17:16

Kaduge Pablu gfanya Silas ay Timuteu sis Atenas, kanya nalag ngayuk fagsegan, ay kabalu maksvn.

Fakamulun 18:5

Silas ay Timuteu nu ndasug wan siginans talun Masidunya, Pablu nafalganan fagdaul at buknga laman kamoyung, ay gfoyung sa sangay taw Udyu te, Isus, Dius at nafili fag Fun.

Fakamulun 4:20

Aroro wa masine nu dway mi gfoyung em ngay nalag ay em nadungug.”

At Nafasure 16:1

Ay siginan Dius at bale nadungug au sik uro gsugu sa kafag fituk tagbarita te, “Loi wan ay ugwagi sas daga kafag fituk taya at bilug, kanya wan Dius at fandotaman.”