Eremyas 6:10 - Fanawbuid tagsibaliwas Fakayabian

¹⁰ Ay nainto au sas Yawi te, “Sinu ro ku fagnamararangan? Ay sinu yaro takaylat gdungugan angku? Ay kanya fag ngay taw nataup wan at ngay talinga laman wa gdungug angku. Ay kanya fagayu maksvn nu kauri am longan, ay wa kaylat gdungugan.

Eremyas 6:10 ပူးပေါင်းရင်းမြစ်များ

Alubad. 1:2

Abat ngate, kanya guseganan tua gfaning Yawi at foyungan, ay gamatangan tua gugat kayu menit ay yabi.

Alubad. 119:16

Guseganan ktua ban gugat am ngay foyungan, ay kdi ban kalyam am ngay longan.

Alubad. 119:174

Yawi, maksvn nu kaylat au nu gfalangfe o angku, am faugali tagfon angku fagusegananun.

Alubad. 119:24

Am ngay foyungan gfae fagusegananun tua gugat angku, ay kanya ku takamoyung.

Alubad. 119:35

Gubuki angku nu gfaning au am ngay suguan, aroro kanya gfae fagusegananun angku.

Alubad. 119:70

Kafag ngay taw we fagsafulun ay wa gtogdungug, dewa katanya au, guseganan ktua gfaning am faugali.

Alubad. 119:77

Afanyui angku laman gleleg ktua gugat, aroro guseganan au gfaning am faugali.

Alubad. 40:8

Dius, kaylat au gfaning am fakaylatun. Ay gfasi ktua gugat ku amatanganan am ngay suguan.

Nu Galin 6:12

Dewa katanya, Muisis nalong sas Yawi te, “Ngay taw Israel wa kaylat ya gdungugan angku, kaugat wa ro Igiptu at fun nu yud gdungugan. Ay sarokta wa masnug nu garingang au!”

Isayas 42:20

Glag oma am, ay wam kasalag. Gdungug oma am, ay wam kaylat gdungugan!”

Isayas 53:1

Sinu at nafanud em foyungan? Ay dada Yawi at fagfasurean at fagmabalyananun?

Eremyas 4:4

Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Eremyas 5:21

‘Am fag ngay taw at yud e fagsafulun ay takamaogatun, dungugani ku longan. E ngay mata oma am, dewa katanya, wam glag, ay e ngay talinga oma am, dewa katanya, wam gdungug.’ ”

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Eremyas 9:26

ngay taw Igiptu, ngay taw Uda, ngay taw Edum, ngay taw Amun, ngay taw Muab, ay fagayu tagbanwan sa tangayayu fag ngay talun tagagangun. At matuyan, kanya fag ngay taw anggan ngay taw Israel kata way nu yud nafae fakatoglagan.”

Esekyel 3:7

Dewa katanya, ngay taw Israel ro wa gdungugan emu, aroro kanya fagayu wa kaylat gdungugan angku. Kanya fagayu kamabo ay kamaogatun at amatanganan.

Esekyel 33:3

Ay kafag tagulit nu nalag te, at ngay fawayan gsakbo wan, kanya guyup at budyung laman gfasaful sa sangay taw.

Esekyel 33:9

Dewa katanya, nu nafasaful oma o sat mauri fag taw te, ‘Ubuni wan am fagmauriun’, ay kanya nu dway nafaning, kanya umbul aroro sat ngay asalanan, ay wa ban o e malong sat nabulanan.

Amus 7:10

Amasya fag tagfon fanggalangun sis Betel nafadasug sas Erubuam, Israel at fun, sik rirukan. Katatuy at marirukan, “Amus e algan mauri sa emu ste sis talun Israel. Ay fagayu taw wa kagwanta ya Amus at ngay nalong.

Mateu 3:7

Ay Uan nu nalag te, ngayuk taw Fariseu ay taw Saduseu takadasug laman namasurung, kanya nalong anya fagayu te, “Am, kata way am tagfandaya fag ngay ule at maganga! Sinu at nafararang ayu te, lagyui siginan takadasug ban fag faurianan?

Lukas 11:45

Sik tagfoyung Muisis at Faugali nalong sas Isus te, “Takamoyung, nu nalong o katanya, gagras wo anggan emi.”

Lukas 20:19

Ay arodi ngay tagfoyung Muisis at Faugali ay ngay fun tagfon fanggalangun gananggamatun Isus, aroro kanya fagayu nasaful te, Isus at faydayuanan at fagfatungulan sa wa anya fagayu. Ay dewa katanya, kanya fagayu kalimu ngay taw.

Uan 7:7

Ngay taw ste swa daga di kadotama ayu, dewa katanya, kanya fagayu kadotama angku aroro gfoyung au gugat te, mauri at ngay fakamulun.

Uan 9:40

Tibak taw Fariseu at malindug sanya nadungug ay ginto Isus te, “O am longan at masuad te, wami yangay glag?”

Fakamulun 7:51

Sanya ginan, Esteban nalong te, “Kamaogatun am ay amatanganan! Ay wam kaylat gdungugan ay gfaning Dius at foyungan. Nu setain ay mangaguyang at fakamulun, katanya yangay ay fakamulun. Ay gfauri am gugat at Masine fag Falad.

Fakamulun 7:60

Ay nu ntabu gdarangin, natudan ay guro te, “Ku Fun, lag o gamatangan tuy fag ngay taw at asalanan.” Ay kanya nu nalong wan takatanya, anbul wan.

Ruma 7:22

Sas fagdaul ku amatanganan guseganan au sas Dius at Faugali.

Deuterunumyu 29:4

Dewa katanya, dasug katsi Yawi ya nafafoli sa ayu ay ngay amatanganan at matuyan.

Kulusas 1:28

Kanya wan em fakamoyungun sabaliwa tam Fun Isus sas fagayu taw. Gfamatangan ami sas fagayu taw ay gfayamag ami ay kamoyung kaksvn em fagmakatuun, laman fagayu taw manansalubang sas Dius, ay di e malong aroro siginan at fagmasadiun sa tam Fun Isus.

2 Timuteu 4:3

Abandi ban, tibak taw wa gdungugan ya at masine fag foyungan, nu bunway gfaning way at fakaylatun, ay grvbvy ngayuk takamoyung tagfoyung anya at fakaylatun way lang gdungugan.

Ebreu 11:7

Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.