Eremyas 52:3 - Fanawbuid tagsibaliwas Fakayabian

³ Nu katanya, Yawi andotama, ay naiyan ngay taw Erusalem ay taw Uda siginan at daga salubangan. Ay Sedekya nafamabo talun Babilunya at fun.

Eremyas 52:3 ပူးပေါင်းရင်းမြစ်များ

Fakasigadan 4:14

Katsi, gaiyan wo angku ste ginan fag daga ay siginan am daga salubangan. Gadgalinan kban gugat ay kwa ban e fagbanwanan manabayan. Ay tiba bank taw nu nalag angku, matuyan, gfabul wan angku.”

Fakasigadan 4:16

Sanya ginan, Kain anyayu Yawi ay nanamanwan sas talun Nud, tagsibaliwas Eden sfakamenitan.

2 Samwel 24:1

Yawi gdog yay andotama ngay taw Israel, ay kanya nafamatangan Dabid laman nanginsaful te, seyu ngay taw Israel ay taw Uda at kayuan.

1 Fun 10:9

Segi Yawi am Dius aroro nafili emu laman sik fun sis Israel. Aroro Yawi kesug ngay taw Israel kabavn, kanya nafasik fun emu, laman namakamulun tuo at masine ay at matuyan.”

2 Fun 17:18

Yawi maksvn nu kadotama ngay taw Israel, nu katanya naiyan anya fagayu siginan at daga salubangan. Ay Uda way lang fag kasugfunanan at kinsawad sanya fag talun.

2 Fun 17:20

Nu katanya, Yawi ankuri fagayu taw Israel ay nafababawan sat ngay fawayan laman gfaurianan, ay naiyan siginan at daga salubangan.

2 Fun 17:23

Nu katanya, Yawi naiyan anya fagayu siginan at daga salubangan, kata at famararang siginan at ngay fagsuguan fag ngay taglong. Nu katanya, ngay taw Asirya nataban ngay taw Israel sas talun Asirya ay sanya wan nu gbanwan dasug katsi.

2 Fun 24:20

Nu katanya, Yawi andotama, ay naiyan ngay taw Erusalem ay taw Uda siginan at daga salubangan. Ay Sedekya nafamabo talun Babilunya at fun.

2 Krunika 36:13

Ay kanya dewa nafatuyanan sis Dius at daga salubangan te, wa ban kamabo fun Nabukudunusur, kanya nafamabo way. Sedekya nafamaogatun at amatanganan ay kanya wa kaylat kafoli ya sas Yawi ngay taw Israel at Dius.

Esra 4:15

Namarvbvy ban o am ngay mangaguyang at ngay rirukan, nu katanya, sumaful o te, siginan ebi ngay taw tagbanwan sis furuan Erusalem kamabo ngay fun, ay kanya wan at faginfauriananun. Kanya fag furuan anrasras wan aroro gfauri way tibak fun ay tibak furuan.

Fangatulun 28:2

Sik talun at ngay taw nu mauri way, masakit nu gtubus at fun. Dewa katanya, at fun nu e fagsafulun tua ay mamatanganan, mabayan tua at ngay taw nu gbanwan.

Takamoyung 10:16

Afanyuan sik furuan daul at fun at amatanganan nu kata way sik sisian, ay at ngay tagfangguna at fakaylatun nu sa way gugat sfagmafulun at ke ngay fakonun.

Isayas 19:4

Namafagtainan kban sa anya sik madot fag fun.” Katanya tam Fun, Yawi at Mabalyanan at longan.

Isayas 3:1

Fun Dius, Yawi at Mabalyanan, namalyam ban ngay taw Erusalem ay ngay taw Uda at ngay fagsegun: at fakonun ay at fanginum,

Isayas 36:5

Nalong o te, ngayu tua am ngay nasafulan ay mabalyanan am ngay tagfawayan, ay dewa katanya, am longan fagayu we masuad. Sinu at mabalyanan am fagsegun, am nafamaboan angku?

Eremyas 15:1

Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Eremyas 7:15

Ay gaiyan kwan ayu siginan ku daga salubangan kata ku nafakamulun sa ay ngay kalongan fag ngay taw Israel.’