Eremyas 52:27 - Fanawbuid tagsibaliwas Fakayabian

²⁷ sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

Eremyas 52:27 ပူးပေါင်းရင်းမြစ်များ

2 Samwel 8:9

Ay Tou, talun Amat at fun nu nadungug te, Dabid nababo fun Adadeser at ngay tagfawayan,

2 Fun 17:20

Nu katanya, Yawi ankuri fagayu taw Israel ay nafababawan sat ngay fawayan laman gfaurianan, ay naiyan siginan at daga salubangan.

2 Fun 17:23

Nu katanya, Yawi naiyan anya fagayu siginan at daga salubangan, kata at famararang siginan at ngay fagsuguan fag ngay taglong. Nu katanya, ngay taw Asirya nataban ngay taw Israel sas talun Asirya ay sanya wan nu gbanwan dasug katsi.

2 Fun 23:27

Nu katanya, Yawi glong te, “Gaiyan kwan Uda siginan ku daga salubangan kata ku nafakamulun sas Israel, ay gaiyan kyangay Erusalem ku nafili fag furuan, ay ku bale, ku nalong te, ku fagbanwanan.”

Isayas 24:3

Umrasras ban fia fagdaul daga ay wa ban e sawad fagayu taw tagbanwan sanya. Umfasludan ban takatanya aroro Yawi wan at ke longan.

Isayas 27:10

Mabaluanan way lang at maaladan fag furuan, ay we taw ya gbanwan sanya, ay kata way lang sik talun at yud e taw. Sanya at fagnamafangonan way lang ay fagfatiugan at ngay baka. At ngay baka nafamin wan ngay kayu at ngay don.

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Eremyas 13:19

Naningding wan sis Negeb fag ngay furuan at ngay sakbawan. Ay we masakbo ya ay we maduksun ya sanya ginan. Ay e nantaban wan fagayu tagbanwan sis Uda.

Eremyas 20:4

Katatuy Yawi at longan: Umlimu ban o takadasug sa emu ay sa am ngay fagadgalangan. Lumag ban o ngay fawayan nu gfabul kanya fag ngay taw sis fagawayanan. Namagbilug kban talun Uda sas Babilunya at fun. Ay kanya ban fag fun gfabul tibak taw Uda, ay tiba bank taw gatabanan.

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 39:10

Ay Nebusaradan nafamato way sis Uda tibak taw at yud e ramraman, ay kanya nafon sa kafag ngay taw at mesa gamasun ay tanuman wat ubas.

Eremyas 39:9

Nebusaradan fag tagfangguna ngay tagulit, nafangguna laman gtaban ngay taw at kinsawad sis Erusalem, ay anggan at nafadiuganan anya fag ngay taw, natabanan wan sas talun Babilunya.

Eremyas 52:9

Ay Babilunya at ngay tagfawayan nagamat Sedekya ay nataban sas fun Nabukudunusur sas furuan Ribla, tagsis talun Amat. Ay sanya wan fun Nabukudunusur nu gtuyan te, fabuli wan Sedekya.

Esekyel 33:28

Ay talun Israel ban namasik mabaluanan kwan fag talun ay gbul kwa ban at fakamatungudunun fag fagmabalyananun. Anggan ban at ngay buksul mabaluanan way lang, ay wa ban e nandalan ya sanya.

Deuterunumyu 28:36

Yawi ban namataban ayu gasfuan ay nafili fag fun sa ay fagyudun toglag fag ngay taw, ay anggan ay ngay mangaguyang at fagyudun toglag. Ay nanseg ban am sat ngay fagsegan at mawatan kayu ay gang.

Deuterunumyu 28:64

Yawi ban gfasaruayan ayu nusnga nday fag talun. Ay sanya ban gseg am sa tibak ngay fagsegan at mawatan kayu ay gang, am ay anggan ay mangaguyang ay fagyudun toglag fag ngay fagsegan.

Deuterunumyu 4:26

Katsi fag menit nauro au banwa ay daga, laman gfatuyan te, nu dway ban am gfaning angku, wa ban ngaduge nu gbanwan am sa ay fagnangagbilugun fag daga, sas dife Liskung Urdan. Ay wa ban ngaduge nu gbanwan am sanya. Ay sanya ginan ban fagayu am umbul am.