Eremyas 52:24 - Fanawbuid tagsibaliwas Fakayabian

²⁴ Ay Nebusaradan nataban yangay Seraya fag fun tagfon fanggalangun, ay Sefanyas at faduak fun tagfon fanggalangun ay anggan fagtulu tagalaga sis Yawi at sakbawan bale.

Eremyas 52:24 ပူးပေါင်းရင်းမြစ်များ

2 Fun 23:4

Ay sanya ginan, fun Usyas nasugu Kilkya fag fun tagfon fanggalangun, fagayu tagsit daga vtv fag ngay tagfon fanggalangun ay ngay tagulit Yawi at bale at ngay sakbawan, laman namaduksun siginans Yawi at bale, ngay fagagbilugun gina gseg Baal ay Asera, ay fagayu tagdamlag sis banwa. Fun Usyas nasugu anya fagayu laman nangirug kafag ngay fagagbilugun sas day furuan Erusalem, sas Liskung Kidrun, ay kanya fagayu nabuba at nagdafugan sas Betel.

2 Fun 25:18

Ay Nebusaradan nataban yangay Seraya fag fun tagfon fanggalangun, ay Sefanyas at faduak fun tagfon fanggalangun ay anggan fagtulu tagalaga sis Yawi at sakbawan bale.

1 Krunika 6:14

Asarya, Seraya at mama ay Seraya, Eusadak at mama.

Esra 7:1

Nu nlangfe ngayuk banwa, gina Artaserses at fun sis Persya, Esra andasug sas Erusalem siginan Babilunya. Esra, Seraya at baguama. Ay Seraya, Asarya at baguama. Ay Asarya, Kilkya at baguama. Ay Kilkya, Salum at baguama. Ay Salum, Saduk at baguama. Ay Saduk, Aytub at baguama. Ay Aytub, Amarya at baguama. Ay Amarya, Asirya at baguama. Ay Asirya, Merayut at baguama. Ay Merayut, Meraya at baguama. Ay Seraya Usi at baguama. Ay Usi, Buki at baguama. Ay Buki, Abiswa at baguama. Ay Abiswa, Finekas at baguama. Ay Finekas, Eleasar at baguama. Ay Eleasar, Arun at baguama, sik fun tagfon fanggalangun. Ay Esra sik takamoyung at nasaful sabaliwas Yawi, Israel at Dius, at rirukan tagsis Muisis at Faugali. At fun nafon fagayu at fagetun sa anya aroro Dius nagubuk tua anya.

Alubad. 84:10

Dewa sik menit way nu gbanwan au sim bale, amanabayan yap tua nu sik libuk menit nu gbanwan au si sik masine fag bale. Dius, kaylat kway dewa au sik tagluang wayam bale at sakbawan, abat ngate, manabayan nu gbanwan au sit mauri fag ngay taw at bale.

Eremyas 20:4

Katatuy Yawi at longan: Umlimu ban o takadasug sa emu ay sa am ngay fagadgalangan. Lumag ban o ngay fawayan nu gfabul kanya fag ngay taw sis fagawayanan. Namagbilug kban talun Uda sas Babilunya at fun. Ay kanya ban fag fun gfabul tibak taw Uda, ay tiba bank taw gatabanan.

Eremyas 21:1

Yawi naringang sa angku gina fun Sedekya nafadasug sa angku Pasur, Malkya at baguama, gadgaloan Sefanyas, Maaseya at baguama fag tagfon fanggalangun. Kanya fag dua nalong angku te,

Eremyas 29:29

Sefanyas nu nabul Semaya at rirukan, natap sas Eremyas fag taglong.

Eremyas 34:21

“Ay namon kban Sedekya, Uda at fun, ay at ngay tagfangguna sat fawayan, talun Babilunya at fun at ngay tagfawayan. Ay kanya ban fagayu dewa nafaragang wan nu gfawayan ayu,

Eremyas 35:4

Sanya ginan, nataban au anya fagayu sas Yawi at bale, sas Anan at ngay baguama at ngay suluk. Kanan, Igdalya at baguama, Dius at fagsuguan. Kanya fag suluk sis aturunan ngay tagfangguna at ngay suluk ay sis tungud Maaseya, Salum at baguama, at suluk fag tagulit Yawi at bale at sakbawan.

Eremyas 37:3

Nu katanya, fun Sedekya nasugu Yeukal, Selemya at baguama, ay Sefanyas fag tagfon fanggalangun, Maaseya at baguama te, “Loi sas Eremyas ay nanget am sa anya te, darangini emi sa tam Dius Yawi.”

Eremyas 52:12

Ay sis fasafuluk menit, sis falimak magdanun, ay sis falabi siamk banwa Nabukudunusur nu gfunan sis talun Babilunya, Nebusaradan fag tagfangguna ngay tagulit at fun andasug sas Erusalem.

Eremyas 52:15

Ay kanya fagayu nataban at sawad fag ngay taw sanya ginan fag furuan, anggan at yud e kwa fag ngay taw ay ngay taw tagfadiuganan Babilunya at fun ay anggan fagayu tagsaful kawat.

Takabalu 4:16

Yawi nafasaruayan ay wa nagubuk ya anya fagayu. Ay nusnga sinu we gsuyu ya ngay tagfon fanggalangun ay ngay tagfangguna.

Esekyel 11:7

Nu katanya, au, Yawi ay Fun, glong au sa ayu te, kanya fag bisu kanya wan ay furuan, ay kanya fag yamas, kanya wan ay nafabul fag ngay taw at marapyagan. Ay nangaiyan kban ayu ste ginan fag furuan.

Esekyel 24:5

Am fagseudun at masinei tua fag afud yamas. Sanya ginan, namauluk o kafag ngay yamas gasfuan at ngay bini.

Esekyel 34:10

am ku fawayan, ay am at ke malong sat kinfasludan sa ku ngay tupa. Kwa ban gfatigwanan ya sa ayu ku ngay tupa, aroro ay naalaga ay sadili way. Namalangfe au ku ngay tupa siginan ayu laman ban wam manangon ya anya.