Eremyas 52:13 - Fanawbuid tagsibaliwas Fakayabian

¹³ Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Eremyas 52:13 ပူးပေါင်းရင်းမြစ်များ

1 Fun 9:8

Ay dewa ku bale masine ay kadungug, giklas kban. Ay fagayu ban at nadalan sanya kalipsik ay kadulo ay glong te, ‘Wain Yawi at fagnafakamulunun takatatuy ste fag talun ay sat bale?’

2 Fun 25:9

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

2 Krunika 36:19

Ay kanya fagayu nairug wan Dius at bale, ay narufa wan Erusalem at ngay alad. Ay nairug yangay anggan at mogat fag ngay afud furuan Erusalem, ay naiklas wan at mafanud fag ngay fagagbilugun.

Alubad. 79:1

Dius, tibak talun at ngay taw nababo am nafili fag talun, ay nafasuya am bale, ay naiklas furuan Erusalem.

Eremyas 19:13

Fagayu bale sis Erusalem anggan fun Uda at bale gtuyan au te, masuya kata Tufet. Aroro sit ngay tungud bale kanya fagayu nairug ngay famaebebanglu laman sat ngay fagsegan fag ngay galeme, ay sanya yangay nu gfon at fanggalangun fag fanginum laman sa tibak ngay fagsegan.’ ”

Eremyas 21:10

Nafalganan kwan namadasug sik faurianan ste fag furuan, abat ngate, fagmasineun. Ay namagbilug kban anya sas Babilunya at fun, ay kanya nangirug. Au, Yawi, taglong tuy.’

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 22:14

Nalong o te, “Namawat au ku bale at ke ngay suluk ayu daul sit tungud. Ay namae fagbanawanan au ayu daul, at faningding ngay balse sidru. Sanya ginan, nanrarus au at maraska.”

Eremyas 32:29

Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 38:23

“Kanya ban fagayu gtaban wan fagayu am mangena ay anggan am ngay sisian sas talun Babilunya ay wa ban o malagyu ya. Ay kanya ban fagayu girug wan tuy fag furuan.”

Eremyas 6:5

Arvs ya ro sad yabi nu namawayan tam ay nangiklas at ngay alad.’ ”

Eremyas 7:14

Nu katanya, nu setain ku nafakamulun sis Silu, katanya yangay ban ku fagnamakamulunun ste fag bale nu inda at fagnamauseganan angku, ay tagfae fagsegun ayu, ku nafon sa ay ngay mangaguyang ay sa ayu.

Takabalu 2:5

Fun Dius naiklas Israel kata nu at fawayan, ay naiklas yangay ngay furuan at alad, ay anggan fun at alad bale. Ay nafamut yay kafag ngay taw at fakabaluun ay at fagwaywayun.

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Takabalu 2:7

Fun Dius narasras yangay at fagirugan fanggalangun ay anggan at Bale. Ay kanya nafarasras sat ngay fawayan at ngay dingding, ay kafag ngay fawayan naudguroan sis Yawi at bale kata nu e fagmafulun.

Takabalu 2:8

Yawi anke algan nanrasras furuan Erusalem at alad. Kanya nafalganan laman namakamulun takatanya. Ay nafataglayun at algan.

Esekyel 16:41

Ay kanya ban fag ngay taw nangirug am bale ay namaurianan emu sas salubangan ngayuk mangena. Gfaragang kwa ban nu kamatugtug o ay nu gfon o famayad sat nafasedsegan emu fag ngay mangama.

Amus 2:5

Nu katanya, nangirug kban talun Uda, gasfuan Erusalem at mogat fag ngay afud.”

Amus 6:11

At matuyan, nu Yawi wan at nasugu, tagbia ay talay fag ngay bale, umkiklas.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Sakaryas 11:1

Am tagbanwan sis talun Lebanun luangi ay ngay furuan at sakbawan laman afuy gsakbo ay nangirug ngay fun kayu sidru.

Mateu 24:2

Ay Isus nalong sat ngay tagadal te, “O glag am in fag ngay afud bale? Matuyan nu glong au ayu te, abandi ban we gang ya gtudtungudan. Fagayu ban umrasras wan.”