Eremyas 51:9 - Fanawbuid tagsibaliwas Fakayabian

⁹ Ngay taw Israel tagbanwan sanya glong te, “Nafabulun oma mi nafafia talun Babilunya, dewa katanya, kanya wa kafia ya. Nu katanya, gfabayan watam anya, ay guli watam sa tam mesa talun, aroro at ngay asalanan andasug wan sas banwa. Nu katanya, Yawi ban gfaurianan wan anya.

Eremyas 51:9 ပူးပေါင်းရင်းမြစ်များ

2 Krunika 28:9

Ay kafag ngay tagfawayan nu ndasug wan sas Samarya, Uded, Yawi at taglong, nalong sa anya fagayu te, “Yawi kauri ngay taw Uda, nu katanya kanya nafon sa ayu kanya fag ngay taw. Dewa kanya, maksvn wan ay nafakamulun sa anya fagayu, wam anfanyu ya gfabul, ay sit fagbanwanan sis banwa Yawi nasaful takatanya ay nafakamulun.

Esra 9:6

Nalong au te, “Ku Dius, maksvn nu kapla au. Kwa matangda ya emu at kaksvnan nu kapla au, aroro maksvn wan em ngay asalanan; kata wa nu nasawe sa em ngay alfuyu ay gakadasugun banwa.

Isayas 13:14

Tibak talun at taw tagbanwan sis talun Babilunya lumagyu ban, laman kafoli sat mesa talun kata nu e gfafalo sik arasyo. Kafag ngay taw ban guli kata sik ngay tupa at yud e galaga ya.

Isayas 47:15

Kafag ngay taw am fagnangetan fangatulun siginan ngay nu masisian o, katanya way gugat at fagmafakamulunun. Kanya fagayu gtaglayun glao sat dalan, ay we mafalangfe ya emu.

Eremyas 46:16

Ay ngay tagfawayan antaygilid gtudtungudan. Ay kanya ban fagayu glong te, ‘Alindugi wan, guli watam sa tam fakasalugan fag furuan, sa tam ngay kaiban laman masaruy tam tam ngay fawayan at fiso.’

Eremyas 46:21

Ay anggan ban at fagbayadun fag ngay tagfawayan kafoli glagyu. Kanya fagayu kata at nafataglu fag ngay fagbaugun tumad laman at fagnamabulun. Umfasludan ban takatanya, aroro ginanya wan at buknga laman namaurianan ay namamin ngay taw Igiptu.

Eremyas 50:16

Aiyani wan siginans talun Babilunya at ngay tagtanum ay at ngay taggutlu. Falangfei at ngay natabanan siginan at ngay fawayan at fiso tagsumbalian at uyup ay falagyui wa kanya fagayu ay faulii sat mesa fagbanwanan.

Eremyas 8:20

Ngay taw nabalus te, “Fanggutluan antabu wan, ay mangune anlangfe wan, dewa katanya, yo nafalangfe emi!”

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

At Nafasure 18:4

Ay arodi nadungug au sadi yak aringang siginans banwa nu glong te, “Ku ngay taw, ayayui sanya ginan fag furuan, laman diam kataip sat ngay asalanan, ay laman ban diam gafaurianan kata anya.

At Nafasure 18:5

Aroro at asalanan at kayuan andasug wan sas banwa, ay Dius gamatang way kafag furuan at fagmauriun.