Eremyas 51:7 - Fanawbuid tagsibaliwas Fakayabian

⁷ Kanya umkata sik taya mawatan siginans gintu tagsi ku daluap mapnu at malangu fag mamam. Kanya nafainum at malangu fag mamam sa sangay talun sas fagdaul daga, ay kanya fagayu nalangu ay anranug.

Eremyas 51:7 ပူးပေါင်းရင်းမြစ်များ

Isayas 14:4

namalingun ban am Babilunya at fun. Katatuy ban ay nalong: “Katsi nababawan wan ebi fag fun takamaidapan, ay anragang wan nu kamalingun.

Eremyas 13:13

nanlong o sa anya fagayu te, ‘Yawi glong te, Namaurianan kban fagayu tagbanwan ste fag talun, kata nu nafalangu au anya fagayu. Namaurianan au ngay fun tagsiginans Dabid at ngay kasugfunanan, ngay tagfon fanggalangun, ngay taglong, ay fagayu taw Erusalem.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 50:38

Ay fagayu at fagnamulan mamam ankatat wan! Aroro sis talun Babilunya mapnu wan ngay fagsegan, tagfalyam ngay taw at amatanganan siginan nu gfalimu anya fagayu.

Esekyel 23:42

“Ay duksay nadungug ngay tagalangu nu gbarisanan garingang, gadgaloan at momuy fag ngay taw. Ay kanya fagayu nafasulun sas duksay ngay bauyung ay nafasulun yangay at masine fia fag fangalfuyu.

Daniel 2:32

Kanya at alfuyu mawatan siginan at yud e suglat fag gintu, ay at ngay take ay at dubdub mawatan sanbung salapi, ay at ungdan ay at fagwan sik tansu,

Daniel 2:38

Yawi nafagbilug wan sa emu ngay taw, ngay fagbaugun, ay ngay manuk tungud nusnga nday. Ay kata o kafag fagsegan at alfuyu at mawatan gintu.

At Nafasure 14:8

Ay at sadi fag tagbarita naguyan anya ay guro te, “Anrasras wan. Anrasras wan at mabalyanan fag furuan daul Babilunya. Kanya at nafadasug Dius at fandotaman sas fagayu talun at ngay taw, aroro kafag ngay taw nafaning at fagfanugtugun, kata nu nafainum sik fanlangu.”

At Nafasure 17:2

Ay fagdaul daga at ngay fun ansadi sa kafag mangena siginan nu gfaning at foyungan, ay fagayu taw sas fagdaul daga anke fagmauriun kata nu nalangu, siginan nu gfaning at foyungan at mauri.”

At Nafasure 17:4

Kafag mangena galanbungan masialungan ay maraska, ay gadalagan ay gasulmanan gintu, ay at mafanud fag ngay gang, ay rurum. Ay kanya gbitbitan sik taya mawatan siginans gintu, ay sanya fag taya mapnu at fagmauriun, ay at fakamatugtugun ay at fagmasuyaun.

At Nafasure 18:23

Ay salung at damlag wa ban gdog ya gyamag sanya. Ay sanya ban wa batang ya kadungug takadadwa fag mangama ay fag mangena at aringang. Aroro at ngay tagfalao maksvn nu kamatungudun, ay nadaya ngay taw siginan at fagmabaraun.

At Nafasure 18:3

Aroro fagayu talun at ngay taw anke fagmauriun kata kafag furuan, ay kanya fagayu kata nu galangu. Ay fagdaul daga at ngay fun ansadi sa anya, ay ngay tagfalao sas fagdaul daga anramraman siginan kafag mangena nu gbayad kafag ngay tagfalao at ngay famalaoun laman gfaning at sadili fakaylatun.”

At Nafasure 19:2

Aroro kanya mafanud ay matuyan nu gfatuyan taw at asalanan, ay nafaurianan wan at mabalyanan fag takamatugtug, at fakamatugtugun wan at nafasuya fagdaul daga. Dius nafasud kafag furuan daul aroro kanya fag furuan nafabul Dius at ngay fagsuguan.”