Eremyas 51:6 - Fanawbuid tagsibaliwas Fakayabian

⁶ Lagyui wan siginans Babilunya! Falangfei ay sadili! Wa masine nu kabul am aroro sa sangay taw Babilunya at ngay asalanan. Buknga wan laman namasud au talun Babilunya kata at ngay nafakamulun.

Eremyas 51:6 ပူးပေါင်းရင်းမြစ်များ

Alubad. 94:1

Yawi, o wan tagfaurianan fag Dius. Ay fasafuli te, anud, katanya o.

Fangatulun 13:20

Kabavn am fadgaloan nu sik taw tua at ke fagsafulun, umke fagsafulun yangay o, dewa katanya, am fadgaloan nu sik yud way mamatanganan, umfaurianan ban o.

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 63:4

Nafakamulun au takatanya, aroro andasug wan fag menit nu gfaurianan au ku ngay fawayan ay nu gfalangfe au ku ngay taw.

Eremyas 25:14

Ngayu bank talun ay ngayuk fun at mabalyanan at namagsuguan anya fagayu. Ay gfaurianan kban anya fagayu kata at nafakamulun mauri.’ ”

Eremyas 25:16

Ay kanya ban fagayu nu nainum wan sanya ginan fag taya, granranugan kata sik taw at nalyam at amatanganan, aroro sa ku fagnamadasugun ban sa anya fagayu fag awayan.”

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Eremyas 46:10

Dewa katanya, tam Fun, Yawi at Mabalyanan gbabo ban gina nawayan. Ay ginanya ban kanya mafasud sat ngay fawayan. At fiso kata sik mangilafang takalunus at nangon kafag ngay taw yakmay napsug, ay at nanginum at taguk yakmay napyan. Ay kanya ban fag ngay taw at ngay bilug at mabulan, kata ban sik ngay fanggalangun sa tam Fun, Yawi at Mabalyanan, tagsi sangay furuan sas fawalan fag alvngvdan, munakbang sis Liskung Eufrates.

Eremyas 48:6

Falangfei ay ngay sadili! Ay lagyui wan sas talun at yud e taw.

Eremyas 50:15

Am fag ngay talun, uroi faurii talun Babilunya! Damai, talun Babilunya nafababaun wan! Ay at ngay bale tangabat anrasras wan ay at ngay alad anrufa wan. Yawi nafasud sanya fag talun. Nu katanya, fasudi yangay anya ay fakamuluni kata at nafakamulun sa tiba.

Eremyas 50:28

“Dungugani at nalagyu fag ngay taw siginans talun Babilunya nu gfansulit sas Erusalem nu setain Yawi nu gfaurianan talun Babilunya aroro sat nafakamulun sas Yawi at bale.

Eremyas 50:31

“Au, ay Fun, Yawi at Mabalyanan, glong au te, o takamatungudun fag talun Babilunya, ku fawayan o! Aroro buknga wan nu gfaurianan au emu.

Eremyas 50:8

“Lagyui wan siginans talun Babilunya! Ubuni wan kanya fag talun! Gunai wa lagyui kata sik kambing nu gguna tibak kambing.

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 51:36

Yawi glong te, “Ngay taw Erusalem, ggubuk au ayu ay namasud au laman sa ayu; namalanggang au dagat ay ngay bulbug tagsis talun Babilunya.

Eremyas 51:45

Ku nafili fag ngay taw, ayayui wan siginans Babilunya! Falangfei ay ngay leleg gina au yud yay nafadasug ku fandotaman sa anya fagayu.

Eremyas 51:50

Am fagayu tagsis talun Babilunya tagleleg yay, lagyui wan ay lag am karagang! Amatangi tua Yawi ay Erusalem dewa am si tangayayu fag talun.

Eremyas 51:56

Kadasug ban at nanrasras talun Babilunya ay nantaban ban at ngay tagfawayan, ay at godun ban fagayu kalifung wan, aroro au, Yawi, tagfauri fagayu at mauri ay gfaurianan au talun Babilunya at kasakan sa anya.

Eremyas 51:9

Ngay taw Israel tagbanwan sanya glong te, “Nafabulun oma mi nafafia talun Babilunya, dewa katanya, kanya wa kafia ya. Nu katanya, gfabayan watam anya, ay guli watam sa tam mesa talun, aroro at ngay asalanan andasug wan sas banwa. Nu katanya, Yawi ban gfaurianan wan anya.

Takabalu 3:64

Yawi, faurianani wan anya fagayu kata at nafakamulun.

Tap 16:26

Sanya ginan, kanya nalong sa sangay taw te, “Ayayui wan siginan kafag ngay taw mauri! Ay lag gted nusnge wain at fagagbilugun, aroro nu nafakamulun ro am takatanya, umfaurianan yangay ro am gasfuan anya fagayu aroro sat asalanan.”

Deuterunumyu 32:25

Ay ngayu ban takabul sat ngay day bale siginans awayan, ay dewa ban sit basad bale umke malimu. Ay fagayu ban baguama ay baguina, ngay mafagtainan, ay anggan ngay sisian kabul wan.

Deuterunumyu 32:41

gfaglat au ku fiso ay gagbilug au gina au namaurianan, ay namasud au ku ngay fawayan ay namaurianan au fagayu takauri angku.

Deuterunumyu 32:43

Ngay talun at ngay taw, fasfuani Dius at ngay taw, uroi fauseganani. Aroro Yawi namasud sat nafabul at ngay fagsuguan ay kanya gfasud sat ngay fawayan, ay gfasine at ngay talun, ay gfalyam at ngay taw at asalanan.

1 Timuteu 5:22

Lag gabanganan nu gfatayuk o am daluap sas nusnga sinu fag taw, laman gfadante o anya sat fanambagun ban. Lag o kataip sa tibak taw at asalanan. Ay dangay o e malong.

At Nafasure 16:19

Ay arodi, Babilunya fag furuan ankafud tulu. Ay ngay furuan sas fagdaul daga anrasras wan, ay Dius namatang at mabalyanan fag furuan daul Babilunya ay nafainum kafag taya at bilug, kanya Dius at fandotaman at maksvn fag faurianan.