Eremyas 51:57 - Fanawbuid tagsibaliwas Fakayabian

⁵⁷ Namalangu kban at ngay tagfangguna, at ke fagsafulun, ay at ngay fun, ngay fun tagfawayan ay fagayu at ngay tagfawayan. Kanya ban fagayu ngabasad nu gtiug ay wa kafulo ya fagngabak buknga. Au, ay Fun, Yawi at Mabalyanan, taglong tuy.”

Eremyas 51:57 ပူးပေါင်းရင်းမြစ်များ

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Eremyas 13:13

nanlong o sa anya fagayu te, ‘Yawi glong te, Namaurianan kban fagayu tagbanwan ste fag talun, kata nu nafalangu au anya fagayu. Namaurianan au ngay fun tagsiginans Dabid at ngay kasugfunanan, ngay tagfon fanggalangun, ngay taglong, ay fagayu taw Erusalem.

Eremyas 25:27

Sanya ginan, Yawi nalong sa angku te, “Nanlong o sa sangay furuan te, ‘Au, Yawi at Mabalyanan, Israel at Dius, glong au te: Agvd, inumi sis taya ku fandotaman yakmay am nalangu, ay nafangkok ay antangda, ay wam makatu ya kalunggung aroro namae awayan au sa ayu.’

Eremyas 46:18

Au Yawi at Mabalyanan ay Fun, gfatuyanan au te, kafanud nu gleleg au, e namabo ban talun Igiptu amabitsug yap tua tibak fawayan, kata Buksul Tabur tagsis wabilug ngay buksul, ay buksul Karmel tagsis tigyangan dagat.

Eremyas 48:15

Dewa katanya, talun Muab ban karasras wan anggan at fagagbilugun fag ngay furuan. Ay e gfabul ban at ngay baguama at maseganama. Au, Yawi at Mabalyanan, taglong tuy.

Eremyas 50:30

Ginanya ban fag ngay menit, at ngay baguama anggan fagayu at tagfawayan kabul sas fagaweanan.

Eremyas 51:39

Ay aroro kanya fagayu kalunus, namalganan au sik fagmafulun laman sa anya fagayu. Namalangu au anya fagayu laman guseganan, ay kanya ban fagayu ngabasad nu gtiug ay wa kafulo ya fagngabak buknga.

Esekyel 20:33

Au, Fun Dius Yawi, gfatuyanan au te, kafanud nu gleleg au, nanfunan kban ayu ke fagmabalyananun ay at maksvn fag fandotaman.

Naum 1:10

Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.

Naum 3:18

Asirya at fun, am ngay tagfangguna umbul, ay am ngay taw umsaruayan sa sangay buksul, ay wa ban e namaful ya anya fagayu.

Malakyas 1:14

Gfauri au tagsi ayu fag ngay takamuag tagfatuyanan te, nangirug at masine fag ngay fagbaugun, ay aroro mangaro, at fanggalangun at ke malong way. Gfaurianan au takatanya fag taw, aroro au wan at mabalyanan fag Fun ngay talun at fakalimuun. Au, Yawi at Mabalyanan, taglong tuy.”

At Nafasure 18:9

“Ngay fun ste sfagdaul daga at kinsadi sa anya ay at nafaning at fakaylatun, kanya ban fagayu gwayway nu nalag nu kanus siginan at fagirugan anya fag afuy.